مًحًيَطِيَ

مًحًيِّطِيِّ8

بينما بالجهة الثانية جان نايم على فراشه والعرك يتصبب من عنده وحواجبه معقودة بسبب الحلم اللي دايما ما جان مرافقه

بعدهاا طفر من نومته وهوة يتنفس بشكل سريع

غيث وهوة يمسح وجه بيده وعيونه اللي تعبت من البجي" ياربي ليمته اخلص من هاي الحياة اني اعوف العالم واجي انام علمود اتخلص من القرف اللي بهذا العالم ليش مصرين يذكروني ليش بس اريد افتهم ليش

احداث من الماضي،.....

ماينسمع بس صوت هذاك الطفل صاحب 12عام اللي داخل الصف المتهالك "عفية وخرر ترة اكول لبابا عليك" يحاول يبعد من هذاك الشخص اللي يتقرب عليه بسرعة
المعلم بخبث وهوة يتقرب على غيث" بلا شلون تكول لبابا تروحله وهوة بكبره "

غيث ببكاء وهوة يبعد عن جهة المعلم ويريد يطلع من الباب"عفي وخر اريد اروح لعمو ياسين أكيد هسه منتضرني

المعلم وهوة يلزم ايد غيث ويسحبه لجهته ويبقه يتحسس بجسمه"يي لاتبجي تروح بس من اخلص شغلي

بينما بالجهة الاخرى بعد ما كاله عاصي ان غيث ما قبل يرجع وياهم وكال راح انتضرك جان هوة يدور داخل لصفوف بعد ماكاله الحارس ان المعلم دخله للداخل بسبب البرد"وين راح غيوث استغفرالله

ودقائق عدت وبين ما هوة جاي يدور سمع صوت بكاء اتجه للصوت وفتح بابا الصف وجان ايشوف ابشع منضر بحياته يشوف الطفل اللي رباه يحاول يفلت نفسه من ايد معلمه اللي جان يحاول ينزعه ملابسه،
وبسرعه محد يوصلهاا وصل للمعلم وضربه لحد ماخلاه مثل الجثه"حيوان اتمد ايدك القذرة عليه اليوم اموتك ما تطلع عايش
وبعد عدة ضربات عاف ياسين المعلم واتجه لغيث اللي جان يبجي ويشهك من الخوف ومن المنظر اللي يشوفه

ــــــــــــــــــــــــــــــــــــــــــ
رجوع للحاضر

كام غيث متجه للمطبخ وهوة يحاول يتنفس وما يبجي

غيث وهوة يكلم نفسه"ربي اني ليمته اخلص من هل حياة ترة والله تعبت ليش جاي يصير وياي هيج ليش "طلعت شهكاته العالية اللي ما سيطر عليهااا لزم مبايله يريد يتصل بالشخص اللي يعتبره اهلهه

.... بنعاس ونبرة خاملة" ها حبيبي غيوث شنو حلمان بيه

غيث بشهكة وبكاء"ياسين

ياسين بفزع"خيرك عمري غيوث كلي شصاير

غيث وهوة يحاول يكتم شهكاته"ياسين اني متقزز من نفسي احس بلمساته "ويه كل كلمة يكولهاا جان يشهك بشكل يقطع القلب ويتذكر اللي صار وياه قبل ست اسنين