مًحًيَطِيَ

مًحًيَطِيَ16

جان كاعد مترآس الكرسي وبرغم جمال ملامحه
الا انه باين عليه الكبر  وطغى الشيب عليه
مستحل شعره بالاضافة الى تجاعيد وجه

بينما الثاني اللي جان الثلاثينات من عمره 
ينصت للي يكوله الاخر

...... صدكني ما أخلي دمهااا يروح بالماي دم سلسبيل أخذه من عيونهم وفلا اخليهم يتهنون دامني عايش

سكت بعد ما حجه كلامه بعصبية ونظرة عيونه الحادة موجه كلامه للي جان كاعد كدامه وحجه

بعدهاا كمل بحدة" انت بس ضل ماشي وياهم ناخذ حقنه منهم بأدينه ونشربهم من كاسنه اللي شربنه منه "

قاطعه الثاني اللي حجه بنبرة تحذيرية"بس عدنان اذا عرف ما متطمن يسكت تعرف كل الزين هوة درس قانون وما يفوته هيج شي يعني ما نكدر نتقرب منه اكثر من هيج  "

نفى الثاني وحجه"ما راح يدري  "

تنهد الثاني وحجه"زين ضروري ندخل عدنان وسرمد بالشي ترة همه مالهم ذنب"حجه بمحاولة يقنع الثاني

بينما قاطعه بحدة " شنو جنك نسيت دم سلسبيل اذا انت ما تريد تكملها اني أكملها بدونك ولا اعوف السوه لحد ما اخليهاا مرتاحه بكبرها "

حجه بكل صياح للي زفر انفاسه وحجه"بس انت تعرف كل الزين اللي جاي نسوي غلط بغلط انت جاي ادخل بثارك ناس ما الها ذنب  "

بعدها كمل وحجه بكل حدة"واذا تريد  تكمل  بثارك اخذه من علي ومحمد البقية ما الهم أي ذنب "

زفر انفاسه وحجه وهوة يناظره بعيونه اللي صارت حمر اثر الدموع اللي علگت بيهن"سلسبيل هم ما جان الها ذنب ما جان الها اي ذنب باللي صار هيه بس دافعت عن المظلوم"

بعدها كمل بنفس الوتيرة
"واصلا اني ما راح أذي احد غير علي ومحمد
عدنان وسرمد مجرد وسيلة اوصل للي اريده منهم وهمه الوحيدين اللي علاقتهم مو زينه ويه العائلة
جان بودي اخذ حقي من علي ببنته هدى بس ما كدرت اشوف شخص يتيتم من وراي مو مثلهم ما عندي ضمير اني"

زفر انفاسه ومسح على وجه بعصبية وكام متجه للميز فتح المجر وطلع الصورة اللي جانت تحتوي على بنية  شابه وولد بعمر 14 سنة وحجه"ما تهنت بحياته كل من وراهم، ولك بأخر ايامه جانت تريدني اسامحه  ولو ادري يصير بيهاا هيج جان سامحتها سامحتها حتى لو اختارته علي حتى لو كسرتني هم اسامحه ولك هيه وحيدتي شلون گلبي انطاني اكسرها "حجه بكل ندم وتأنيب لنفسه ورفع أيده على عيونه يمسح البلل البيهن بعدها دار على الثاني اللي حاجاه بنبرة حزينة