بذاك البيت الجبير
مجتمعين على مائدة الريوك يتناقشون بيناتهم وقاطع صمتهم محمد وهوة يحجي موجه كلامه لابنه الاصغر"عدنان اني وعلي راح نروح للموصل كلشي يصير انتي مسؤل عنه هنا خوش بويه"
عقد عدنان حواجبه وجان واضح على وجهه الرفض التام لتصرفات ابوه وحجه"يي بوية بس ما كتلي شلون راح تقنع ابن أديب بالجيه لهنا، يجوز ما يريدنا. "
تنهد محمدوناظر بابنه"مو بكيفه يجي سوا حب انه يجي او لا "
عقد عدنان حواجبه وحجه "شنو الشغلة غصب" بينما ابنه الاصغر حجه باستهزا"شكو لازكين بيه اذا مايريدكم ليش لاطشين والله يالله "اسهزء سرمد مخلي عمه علي يشتاط من العصبيه حاجي بحده "عدنان ابنك ينجب وما يدخل بأمورنه لا اعيد تربيته من جديد"
تدخلت زوجة عدنان اول ما سمعت نبرة علي وحجت بخبث " خوية اشبيك اصلا انت المفروض متقبل بابن ذيج المسيحية لا وانوب بس يجي اكيد راح يطالب بحصت ابوه من الورث"
مسح علي بعصبية على وجه وحجه مخلي عدنان يعقد حواجبه من طريقة كلامه "المرة ميته واللي تكولين ابن المسيحية يكون ابن اخوي سمعتيني لو لا واذا راد حصته تجي على الجاهز وفنه الي يعترض"
تنرفز عدنان من تصرفات اخوه المشبوهة وحجه وهوة يذكره ببعض الامور" هذا منو اللي يحجي، انت نفسك جنت معارض أديب ومأيد ابوي علمود يتبرئ منه شنو نبط عرج الحنان بيك "استهزء بيه بينما يباوع اله برفعة حاجب وگان الحوار بين عيونهم جان اله دور غير عن كلامهم باللسان
اول ما شاف استهزاء عمه حجه بصوت حاد ونبرة تكللتها الهيمنة"عمي ترة بالكوة لازم روحي لاتحجي ويه ابوي بهاي الطريقة ترة تشوف شي ما يع."
وقبل ما يكمل قاطعه جده الي نتر بيهم وحجه "ادبسسزية شنو ولكم كاعد كدام طرطور وين احترامكم تحجون على الورث واني بعدني عايش جا شحال لو متت هاا؟"
تنهد عدنان بقوة بعدها كام مو منطي أهمية لكلام ابوه بينما علي دار على ابوه وحجه" بوية اني راح اجهز السيارة انت من تخلص تعال "
بينما عاصف كام من السفرة وحجه وهوة يلبس جاكيته"اني راح اكمل كم شغلة واجي وراكم ، وحاجيت اكرم راح يروح وياكم علمود ياخذكم للقرية اللي بيهاا غيث ، يالله فامان لله "
أنت تقرأ
مًحًيَطِيَ
Ficción General"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
