جانو بالسيارة وقطع القماش الاسود جانت خافية عنهم الرؤية جان غيث ساكت بشكل مريب
بينما ياسين جان يشتم ويسب بيهم وما سكت لحد ما خلو احد الاسلحه عليه
أما سامر وعاصي فجانو هادئين
توقفت السيارة بعدها حجه احد الاعضاء "شيل هذن عنهم ودخلهم واياكم تغفلون عنهم وانتم روحو للأمر"
أومى ست أشخاص براسهم بعدها طلعو متجهين لاحد السيارات
جان سامر يفكر بعدد الاشخاص اللي بقو وانه شلون راح يگدر يواجهم اذا عددهم هواي
وبين ما جان هادئين اجه احد افراد المنضمة بعدها دفعهم بقوة يمشي بيهم داخل البيت
ولمن وصلهم لاحد الغرف اللي جانت قذرة حجه موجه كلامه لاثنين"شيل القماش من عيونهم"
تقدمو شايلين القماش من عيونهم اول ما نفتحت عيونهم ناظرو باللي جانو ما باين منهم بس عيونهم
اول ما فتح ياسين عيونه حجه بكل حدة"ايا حيوانات انت تدرون اللي سويتوه راح تتندمون عليه يا ادبسززية يا سقاط "
حجه بكل حدة بينما قائدهم زفر انفاسه وحجه بكل عصبية "انت من أول ما صعدت بالسيارة بس تغلط سد حلكك لا أشكه الك فاهم" حجه وهوة يلزم الثاني من رگبته خانقه بقوة
لمن شافه عاصي تقدم بسرعه منه وبرغم أديه اللي جانت مشدودة الا انه ضربه بكل قوة برجله
باغته احد الاعضاء لازمه بقوة بعدها دفعه مخلي ينضرب بالحيط
أما سامر فلمن شافهم يريدون يأذونه حجه بهدوء يحاول يهدي الوضع"عوفوه ماراح يسوي مشاكل بعدين ما أضمن ألكم اذا أذيتوه راح تكدرون تسون اللي تردوه"حجه كونه جان يدري انهم عدهم سبب ورة هاي العملية
جان سامر بهدوئه عنده قدرة انه يخلي المقابل يسمعله
تقدم أحد الاعضاء من القائد وحجه "حازم الأمر يقول اتصلو باللواء واذا قبل يرجع زلمنه الاخذهم نرجعهم سالمين واذا ما قبل نقتلهم،"
أومى القائد بعدها أشر على اللي جان ماسك عاصي من شعره وحجه "أتركه"
أنت تقرأ
مًحًيَطِيَ
Fiction générale"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
