مًحًيَطِيَ

مًحًيِّطِيِّ13

وخله جبينه بجبين غيث اللي ما توقف عن الرجف وصدره اللي يعلو ويهبط دلالة على تنفسه المضطرب وحجه بصوت هامس ونفس مسموع

" احبك وبحياتي ما حبيت احد، احسك هوء
احس كلشي بوجودك يتغير حتى نظرتي للحياة تغيرت بوجودك اني الجنت عالي ومحد يوصلني نزلت وانزل بعد للقاع بس علمود هل محيط اللي بين عيونك

بعدها كمل على نفس الوتيرة
بحياتي ما سامحت احد غلط وياي بحياتي ما نرفعت ايد علي وطلعت سالمة بس انت، انت الوحيد اللي ما كدرت حتى اجيسه انت الوحيد اللي حسيت بنفسي ضعيف كدامه كلما احاول ما انجذب الك وارمم نفسي اللي خسرتها اللي نهدت بشوفت عيونك، ارجع اطيح من جديد ولا جني هذاك الثابت المثل الجبل هذاك الما يجيسه حتى الماي
انت الوحيد الكدرت تغرگني انت الوحيد اللي ماكدرت اقاومك وصدكني شكد ما حاولت ابعد نفسي عنك الكه روحي معلكه بين ثنايا محيطك

بعدها حجه بصوت هامس للي جانت دموعه مغطية كامل وجه ورجفته ما بطلت

وبصوت هامس همس يم اذنه

"تاهَت عيوني في بحور عيونكَ واختَار قلبي أن يغوص فيغرقَا أوَّاهُ من رِمشٍ أحاط بعينكَ سهمٌ توغَلَ في الوَريد فَمزّقَا"
ــــــــــ

بعدها مسك فك غيث برفق ورفع راسه اله وتبادل النظر ويه غيث اللي عيونه ما بطلت نحيبهاا
وشفايفه اللي جانت ترجف
ونفسه المسموع ولمن حس بهدوء غيث دنك راسه وطبك شفته على شفت غيث اللي حس بأرتجافها بملمس شفايفه غمض غيث عيونه تحببا للشعور الحلو اللي راوده

ومامضت الا عدة لحضات لمن راودته ابشع ذكرياته واختلطت مشاعره وكام يشوف صورت استاذه وهوة يحاول ينزعه ملابسه بوجه عاصف فدفع عاصف وصرخ بصوت عالي "وخرررر عفية لا"

رتد عاصف ليورة بعد دفعة غيث اله واستغرب من تهستر غيث المفاجأ وبكائه بشكل مقطع للقلب واللي ما تحمله عاصف فحاول عاصف يتقرب من غيث وحجه بنبرة حنية"غيث حبيبي اهدء"
تقرب منه بينما غيث جان يرجع ليورة
لحد ما طك ضهره بالحايط الي وراه

حجه عاصف وهوة يحاول يفهم وضع غيث"تمام حبيبي اسف ما اسوي شي بعد انت بس اهدء"

نفى غيث براسه وحجه بصوت مرتجف"لا.. تقر.. رب خلك.. بعيد"حجه بتئتئه وخوف من اللي جان كدامه ما جان مستوعب اللي جاي يصير وياه اختلطت مشاعره ويه مشاعر الخوف اللي راوده طيله السنين الماضية

حس عاصف بنقزات بگلبه لمن شاف نظرة الخوف بعيون غيث ما جان يدري ان هاي النظرة مجانت بسببه انما جانت بسبب ماضيهه اللي ملازمه