نزلت سمر وشافت عمها علي وابوها كاعد على السفرة بينما امه اخذت الاكل لجدها
وام راشد جانت تخلي بالسفرة
بعدهة نزل سرمد وسامر وعاصف
حجه علي بتسائل"شنو وين غيث اليوم غير عنده دوام"
عاصف دار وجه على ام راشد وحاجاها "ام راشد روحي كعديه يمكن بعده نايم"
أومت ام راشد براسها وتوجهت لغرفة غيث
لحتى تكعده
بينما جان سرمد وعاصف يناظرون بعضهم بحدة
دكت ام راشد باب الغرفة ودخلت ولمن ما شافت احد بالغرفة ايقنت ان غيث بالحمام
فحجت بصوت عالي حتى يسمعها غيث" يمه غيث جهز نفسك علمود تروح للكلية وتعال انزل اصبلك الريوك وياهم"
لمن سمعها غيث حجه من ورة الحمام"خوش حجيه مشكورة"
طلعت ام راشد بعدها بدقايق طلع غيث اللي جان خال المنشفه على شعره الي مبللل بعدها وخر المنشفة عنه وراح كدام المراية يمشط شعره ويرتب ملابسه اللي جانت عبارة عن تشيرت ابيض
نص ردن ينافس بياض بشرته وبنطرون كحلي
خله الجاكيت الكحلي يمه وكام يمشط بشعره
ولمن جان يمشط لفت نظره الجرح اللي على شفايفه وحجه "هاي ليمته نجرحت وما حسيت على نفسي"
ركز بشفته وما انتبه على البقعة الارجوانية اللي اخذت حيز بركبته
بعدها تنهد وتوجه يلبس حذائه طالع برة الغرفة ناسي الجاكيت مالته
نزل عاصي جوة وشافهم كاعدين على السفرة بينما ام راشد جانت تصب جاي الهم ولمن وصل الهم حجه بصوت هاديء"صباح الخير "
رد الكل عليه عدا سرمد اللي جان يناظره بحقد
بينما عاصف جان يناظر غيث وملامحه المحمرة اثر الماي الحار
وقاطع تحديقاته صوت سمر وهية تحجي"يمهه فدوة غيوث طالع شحلاتك بالابيض يضوي عليك لو ولدنه جان طلعو ملحان جلحان" حجت سمر بكل عفوية لغيث اللي اصتبغن اخدوده واذانه باللون الاحمر
بينما البقية ضحكو
فرد عليها بنبرة احراج وهوة يحرك بأيده ويعدل خصلات شعره كالعادة لمن يحس باحراج يحاول يخفي احراجه بحركة ايده "انتي الحلوة"
أنت تقرأ
مًحًيَطِيَ
General Fiction"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
