مًحًيَطِيَ

مًحًيَطِيَ28

السلام عليكم بلا أمر عليكم كملو الشروط اخر مرة انزل الكم بدون ما مكملينن الشروط
+مرو على روايتي الثانيه كاتب الها بارت اذا تفاعلتو بيها انزله

جااانو گاعدين بالنادي ويه حسين وعماد بعد ما راحت زهراء ونسرين يطگن صور وبين كل ثانيه چان يتأففف وهوة يباوع على حساب الثاني اخر شي دار غيث عليه وهوة عاكف حواجبه وحجه"شبيك من الصبح تدردم؟ "

استفسر غيث وهوة يباوع لعبوس عاصي وملامحه المتعكرة بينما عاصي دار عليه وحجه  "مابيه شي"  بعدها كمل"گايم للحمام"بدون ما يسمع رد الثاني

عكر غيث حواجبه وحجه وهوة يشوف تصرفات عاصي"من گبر يگبرك مطنگر علي مدري عليمن"

ضحك حسين على تصرفات الاثنين وحجه"خاف متعارك ويه الحب ولك"

استفسر من الثاني الي نفى براسه وحجه"يا حب خايب ما تشوف وجهه وجه حب هذا هيج هوة مرات يصير مزاجه بطيزه وينبعص علينه بدون سبب"

حجه مبرر اسلوب الثاني اللي چان مكشر ملامحه طول الكعده بينما كمل يشرب من قهوته مخلي حسين يضحك على حجيهم

اما عاصي اخذ يمشي ويدردم بينه وبين نفسه"هسه انا شكو غاث روحي خل يحب شگره سمرة شكو امداني اذا افكر بواحد كواد مثله "

چان يدردم مو منتبه للطريق  لحد ما انصدم وحس بلسعة حارة على صدره  بسبب سخونت  القهوة الي انسكبت عليه  ورفع راسه واچاه صوت ناعم  "اسفه كلش اسفه ما انتبهت والله"

حجت معتذرة منه
اما عاصي باوع عليها   ونفى براسه حاجي بشكل اعتيادي  "لا ميخالف انا اعتذر انا مچنت منتبه گدامي ودعمت بيج وخسرتج قهوتج"

حجه ولمن راد يكمل  إجاه اتصال واول ما شاف الاسم تعكرت ملامحه ساده بوجه الثاني من البارحه چان كل ما يتصل بيه أكرم يسد  التليفون بوجهه وبدون اي سبب چان معصب من الثاني وحاس نفسه ممكن ينفجر لذا اول ما سده باوع للي چانت واكفه وحجه بسبيل الاحترام واللباقة"انا اعيد اعتذاري واذا تحبين تكعدين  بالكافي واعوضج عن قهوتج الي تبدت"

ابتسمت الثانيه وهيةتباوع على ملامح عاصي بأعجاب فهزت رأسهابخفة "هاي هيه لعد انتظرك"

بنوع من اللباقة ابتسم بوجها وأومى براسه بعدها توجه للحمام ناوي يغسل قميصه اللي تبدت القهوة عليه ولمن خلص تنظيف قميصه رجع لابسه وتنهد بقوة وهوة يشوفه يلصق بجسمه مبين عضلاته وكل جسمه  فطلع من الحمام متوجه للكافي واول ما شافها كاعده تگلب بمبايلها توجه للكابين ماخذ منه اثنين قهوة