جان واكف هوة ومحمد يناظرون بسالم اللي جاي يشرح الوضع للضابط اللي كدامه"سيدي جنت اريد اوصلهم لبيتهم جان عدهم حالةوفاة صدكني"
ناظره الضابط وحجه"درينه جنسيتك شفته بس جناسيهم ما شفتها بعدين شيضمنلي ما خاطفين هل ولد ما تشوف عيونه مورمه"
تنهد سالم وحجه"سيدي شنخطف هوة هذول اخوان وامهم متوفيه وهيج صاير بالطفل"
رفع الضابط حاجبه وحجه لمن شاف غيث يتقرب منه هوة ومحمد"تريد تقنعني هذول اخوان تباع لملامحهم"
زفر غيث انفاسه وحجه بعصبية"هسه انت شرايد"
حجه بنبرة خلت الضابط يعصب
لذا وجه الضابك كلامه اله وحجه بحدة"صوتك ولك ما جاي تحجي ويه اخوك الصغير"
زفر غيث انفاسه وحجه "تمام هسه اتصلك بواحد واخليك تتأكد منه شخصيا"
رفع الضابط حاجبه وحجه"منو"
تنهد غيث وحجه"هسه اتصل وتشوف"
عقد الضابط حواجبه واخذ يناظر غيث بحدة
اما غيث فأتصل وهوة مرتبك
اما بالجهة الثانية جان يسوق بسرعه وأول ما أجاه اتصاله غيث فتح الخط بسرعه وحجه بحدة وعصبية"زمال وين انت"حجه بكل عصبية للي انكمشت ملامحه لمن سمع صوت عاصف العصبي
لذا تنهد وحجه بكل أرتباك"عاصف احنه بالسيطرة القريبة على الشارع العمومي صارلنه ساعه واكفين ومحمد وياي تعال مجاي يخلونه نطلع لان ما جايبين الجناسي عبالهم خاطفين محمد"
حجه بأرتباك وخوف وانهى كلامه بتوسل للثاني اللي زفر انفاسه ورجع بسيارته للطريق الثاني بعدها حجه"هل مرة ما اعبرها الك بس خل أوصل"
حجه كلامه بكل حدة ونبرة غليظه بعدها سد الجهاز
اما غيث فلمن سمع نبرته بلع وناظر بسالم اللي جان يناظره بأستفهام وحجه"هسه راح يجي أبن عمي ويفهمهم"
أومى سالم براسه بعدها ناظر بمحمد اللي جان واضح عليه البرد وحجه "غيث أدخلو بالسيارة باع محمد راح ياخذ برد وانت هم بردت ادخل انتظره هناك"
أومى غيث ماخذ محمد وياه للسيارة ودخله مكعده وحجه"حمودي حبيبي انتظرني هنا اني راح اوكف يم الضابط على ما نطلع منا تمام "
أنت تقرأ
مًحًيَطِيَ
General Fiction"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
