ابتسم مازن بمجاملة وحجه يحاول يبعد قلقهم " لاتخافون مستقرة" وقبل ما يكمل كلامه انفتح الباب ودخل منه غيث اللي شكله جان لطيف بملابس نومه النحاسية وعيونه وخشمه الحمر واطراف اصابيعه اللي صارن حمر من برد الجو ولعدم لبسه ملابس دافية بهيج جو
وما نحجي عن شعره اللي جان منكوش بطريقه كلش حلوة جان كلش لطيف منظر وبديع بعيون الكل واكثرهم عاصف اللي تأمل ملامح غيث وماكدر يكدر ينزل عيونه من عيون غيث الشبيهات بالمحيط حس نفسه غرق من اول نظرة بيهن
طوى السنين وشق الغيب والظلما ** برق تألق في عينيك وابتسما
يا ساري البرق من نجمين يومض لي ** ماذا تخبئ لي الأقدار خلفهما
أجئت بي عتبات الخلد أم شركا ** نصبت لي من خداع الوهم أم حلما؟
لمن شاف مازن غيث حجه "تعال غيث همزين اجيت"
دخل غيث وهوة يحس بگلبه يعصره وتقدم من مازن وحجه "دكتور هذا التصوير التخطيطي للقلب"مد اله صور الاشعه والتخطيط بينما مازن همهم وسئله"يي شنو بيه شي لو لا"
نفى غيث براسه وحجه"لا الحمدلله مابيه شي "
بينما علي حجه مستفسر اكثر "هسه دكتور ليمته ابوي" وقبل ما يكمل سمع آه من يم السديةفتوجهت كل الانظار لمحمد بينما مازن أشر لغيث وحجه"غيث تعال أدي الفحص الجسمي انت بما انك الشخص اللي اسعفته "
أومى غيث براسه وتوجه يم محمد واخذ يفحص بيه بينما يحجي وياه"حجي محمد راح افحص وانت كلي باي مكان دتتوجع واريدك تقيملي الوجع من عشرة"
چان غيث يفحص وذيج العيون اللي تناظره مخليته يحس بأحراج جبير
بينما أكرم لمن نتبه لنظرات صاحبه همس "خاب فضحتنه لواء شكدك شكبرك سد حلكك راح تدخل بيه ذبانه ولك لا ينتبه عليك جدك لو هاذا الدكتور فضحتنه"
بينما عاصف حس يريد يكتل أكرم كونه قاطع شروده بغيث وشكله الملائكي بالنسبة اله فحجه بحده ر"خاب نجب تخليني اشوف هذا من يا طين مصنوع "
تنهد أكرم بقوة من صاحبه وحجه"لاتخربط تراه مو واحد من الفروخ مالتك باع شلون واضح منحرج من نظراتك"
اما عاصف فحجه بغيض "حقه يستحي هوة هذا هم لبس يجي بيه للمستشفى استغفرالله شفكر من طلع بهذن الملابس" حجه وهوة يحس بنفسه مغتاض من ملابس غيث واستغرب ردت فعله المنفعلة
أنت تقرأ
مًحًيَطِيَ
Ficção Geral"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
