تنويه قبل البارت
السلام عليكم
شفت عدد المشاهدات واصل ألف والتفاعل قليل بالبارتات لهيج قررت ابدي اكتب البارت الثاني بس لمن يوصل الحساب 200
واشوف تفاعلكم يالله ابلش بالبارت الثاني
انزل
قبل ساعه دخل للبيت واول ما دخل استقبله حضن محمد الي جان يلعب ويه علاوي بنص الاستقبال والالعاب محاوطتهم من كل الجهات رفع محمد راسه واول ما شاف غيث ركض اله مخلي الثاني يحضنه ومكعده بحضنه
دار وجه على غيث وبشفايف مبوزه حجه وبنبرة زعل واضحه "غيث ليش ما جبت ماما وياك "
اول ما طخت نبرة محمد بأذن غيث بلع ريگه وحجه وهوة ياخذ السيارة الي جانت بيد محمد محاول يغير الموضوع "هاي شنو السيارة الحلوة منو انطاك ياها"
حجه وهوة يگلب بأيده بالسيارة مغير محور الحديث مخلي الثاني يبتسم وينسى سؤاله داير على علاوي الي جان يناظرهم بعبوس وحجه"صاحبي الجديد باع خلاني العب بالعابه"حجه وهوة يشير على مجموعة السيارات الي جانت مطشرة بالاستقبال
همهم غيث شايل محمد متجه بيه لعلاوي الي جان كاعد يلعب باصابعه اول ما وصل يمه غيث رفع راسه وهوة مبين عليه الغيرة
تكونت ابتسامه على شفايف غيث لمن شاف منظر الثاني فحجه وهوة ينزل محمد "شنو علاوي ماكو حضن الي "حجه وهوة يفتح ادينه للي ابتسم بوسع تارك سيارته راكض على حضن غيث وحاضنه بقوة وبدء يحجي عن يومه هوة ومحمد ويسولفون سوة وبدون قطع
أما غيث فجان كاعد بينهم بينما همه جانو يحاولون يلفتون انتباهه باي طريقة وبشكل طفولي جانو يطلعون الالعاب كدام عيونه ويحجون عنهن وعن طريقة لعبهم
بقى كاعد بينهم بينما محمد جان بصفه وعلاوي مقابيله وجان منتبه وياهم لحد ما باغتته صوت هدى الي جانت نازله ويه سمر" ياهلا رجعت غيوث"
رفع غيث راسه ولمن شافهن أومى بعدها حجه"يي سرمد رجع لو بعده"تسائل كونه ما شاف الثاني
عقدت سمر حواجبها اول ما طخ سؤال غيث بأذنه وحجت"انتم مو المفروض ترجعون سوة؟ " تسائلت بعقدة حاجب
تنهد غيث وگام واگف يم سمر وحجه وهوة يلاعب بملك الي جانت بيدها"يي عاصف اخذني من الكلية وهوة المفروض يوصل قبلنه لان احنه مرينه على المستشفى علمود الفحص"حجه وهوة يلاعب ملك الي جانت تلوح اله حتى يشيلهااا وتخرج اصوات ضحك
تنهدت سمر بعدها حجة "يي وشگال الطبيب صرت زين مو" حجت بينما تتلمس شعر ملك الي جانت فاتحه اديه لغيث
أنت تقرأ
مًحًيَطِيَ
General Fiction"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
