قاطعهم عاصف وهوة يكول "يلا دام البطايق عدكم خلي ندخل لمكتب العميد ونكمل اجراء النقل"
اومؤ بروسهم وتوجهم لمكتب العميد
ــــــــــــــــــــــــــــــــــــــــــــ
في الجهة الاخرة
....... يخاطب اللي وياه على المبايل" زين هم هسه بالكلية؟
رد اللي جان يناظرهم "يي راح يدخلون لمكتب العميد" رد عليه وهوة يتابع تحركات اللي كدامه
بينما اجاه الصوت من المبايل
..... "تمام ابقه تابعهم ولا تخلي غيث يغيب من عيونك دايما خلي عينك عليه واي شيء يصير خبرني وهم عينلك واحد على عاصف وعلي ومحمد هذول لا تخليهم يغيبون عن عيونكم وغيث اكثر واحد انت شخصيا راقبه"
...... "تمام"
بعد ما خلص اتصاله المهم زفر انفاسه وحجه"هممم خلي اشوف يا علي ومحمد شلون راح ادبرونهاا هل مرة بدون أديب
ــــــــــــــــــــــــــــــــــ
بعد ما كملو اجراءات النقل كعدو بكوفي الجامعه طبعا بعد الحاح عاصي عليهم
ياسين وهوة يناظر عاصي"عاصي يلا كوم فضها لا تنسى عيب من بيت جدك كلتلهم اجيكم وما رحتلهم كمل عصيرك وخلي نروح الهم "بعده وجه كلامه لغيث" غيوث حبيبي تجي ويانه"
رد عليه غيث اللي جان يشرب بالعصير"لا ياسين اني من اكمل وضعي اجي عليكم للبيت انتو روحو لا تتأخرون"
أومى ياسين براسه وكام وهوة يحاجي بعاصي اللي لحد الان متحجج بالعصير "ولك شلطشت كوم اني اسويلك عصير رمان بالبيت بس فكني وكوم"
كام عاصي من على الكرسي وحجه عاصي بنبرة تذمر "خاب شبيك هسه هوة عصير حتى ما تخلي الواحد يتهنى بيه، وبعدين انت ما تعرف تسوي هيج عصير طيب" بعدها ناظر بغيث"علمود من اكلك هذا واقفلي ببلعومي تصدكني، حتى العصير مالي قسمة اكمله من وراه"
ضحك غيث على عاصي بينما عاصف اللي جان يتأمل ضحكته الي ما جان شايفه
ولمعة عيونه اللي يناظر بيها لعاصي وياسين وهنا عرف شكد ياسين وعاصي الهم مكانه ويعنون لغيث هواي بعدما شاف شلون يكدرون يغيرون من نفسيته ويدخلونه بجو الضحك والمزح
بقه لحظات يتأمل ضحكته
وهوة يفكر شلون تكدر ضحكته تخليك تعيش من جديد ضحكة تنسيك كلشي بيك من ألم
بينما اكرم اللي جان يناظر على عاصي اللي جان مبوز على ياسين بعد ما ضربه على جبهته
قاطع تأملاتهم ياسين "يلا احنه راح نروح"
وكف أكرم وعرض عليهم "امشو اني اوصلكم مدام ما اجيتو بسيارة فخلي اوصلكم دنيا ضهر وخاف ما تلكون تكسي"
راد عاصي يعترض الا ان ياسين سبقه وما حب يحرجه
"خاف زحمه عليك والله تعبناك اليوم"
رد عليه اكرم "لاشدعوة عاد، امشو كدامي " اخذ محفظته اللي جانت الطاولة وحجه"يلا خلي نمشي، "بعدها التفت على عاصف وغيث وحجه" يالله، الله وياكم "
أنت تقرأ
مًحًيَطِيَ
General Fiction"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
