جان كاعد گبال مكتبه يگلب بالأوراق اللي بيده لحد ما دخل عليه فرفع رأسه وحجه "صحيح اللي سمعته"
أومى الثاني براسه وحجه "يي سمع بموت نجاة وما تحمل ومشى"
زفر انفاسه بقوة وحجه بكل حدة "شلون يخلونه يروح ما شافو الاوضاع هناك هذول الحمير اللي وياه شلون اقتنعو بروحته"
تنهد الثاني وحجه "تدري بيه شكد عنيد يعني مستحيل يكدرون يقنعونه لا تنسى المرة مثل أمه وانت تعرفها"
غمض عيونه بينما الثاني باغته بسؤاله"على شنو ناوي مو من عادتك تختفي وتكعد بمكتبك الا اذا عندك شي"
أبتسم ورفع راسه وحجه "ادور على راس الخيط كافي لعب الجهال اريد اخلص من موضوع علي وابوه لان سمعت الشيخ كاعد عد اخته بالانبار وعلي مشغول بالشغل اكيد ما راح ينتبه لتحركاتنه"
أومى الثاني براسه وحجه "بس لاتنسى الشيخ ماله أيد باللي صار هوة بس دافع عن أبنه واي أب راح يسوي مثله واكثر مستحيل يكدر ينطي بأبنه"
نفى براسه وحجه بحدة"لا مستحيل ينشفعله دام تستر على شخص مجرم لازم ينال جزاأه مثل أبنه"
زفر الثاني أنفاسه وتنهد وحجه "جاي تحجي بصفتك محامي مجاي تحجي من منظورك كأب"
لمن سمع كلامه گام وتقرب منه وحجه "صدكني ما يختلف منظوري حتى لو جنت أب اني مو عديم انسانية ولو أبني بمكانه جنت راح اسوي نفس ما گلت" حجه كلامه بعدها طلع برة المكتب
اما الثاني فزفر انفاسه بقوة
ــــــــــــــــــــــــــــ
بينما بالجهة الثانية فتح عيونه بوهن
ولمن اعتادت عيونه على الضوء فتحن وراد يگوم الا انه حس بألم فضيع بضهره
اخرج أنين من ألم ضهره لمن حاول يرچي نفسه على الجرباية
غمض عيونه بألم وهوة يتذكر اللي صار بعدها حجه بكل عصبية بسبب الالم اللي باغته" حيوان ساقط كواد أبن الكلب أني الك"اخذ يشتم بشتى الشتايم
بعدها كام يمسد على ضهره بقه شوية لحد ما خف الالم
گام متوجه لللحمام غسل وجه وناظر بالمراية شاف شكله المبعثر وشفايفه اللي جانت منتفخه
بعدها طلع وهوة يشتم واول ما طلع شافه كدامه يخلي بالصينية على الميز
دار عاصف علي من سمع شتمه وحجه بكل خبث"صح النوم ياحلو"
أنت تقرأ
مًحًيَطِيَ
General Fiction"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
