جان سامر واكف يم الضابط وشاف سيارة وكفت يمهم ووشوية وانتبه على عاصف اللي نزل بسرعه اول ما شاف سامر متوجه اله وحجه بحدة"أني شكتلك مو كتلك غيث ما يجي لهنا"حجه بكل حدة برغم خوفه على غيث
تنهد سامر وحجه"لا تنتر تره سويت العلي اذا هوة ما ينكدرله وراسه يابس حتى الضابط ما سلم منه"جانو يتعاركون بينما الضابط جان عاقد حواجبه من معرفتهم ببعض
بعدها دار عاصف وجه على الضابط وحجه"تحسين اعذرنه تعبناك ويانه اني حتكفل بيهم"
أومى الضابط وحجه"لا عادي همزين طلعو عرف لان جنت شاك بالموضوع كونهم لحو ويانه"
ضحك عاصف وحجه" مشكور حبيبي "
أومى تحسين
اما عاصف فأتجه للسيارة اللي جان كاعد بيها غيث
وفتح الباب وحجه بحدة"انزل"
لمن سمع غيث صوته وسع عيونه ودار وجه يتأكد من الصوت اللي وصله ولمن دار شافه واكف ب بدلته العسكرية وسع عيونه وحجه بنبرة تخللها الحزن"عاصف"
جانت نبرته تدل على حزنه وجانت عيونه تنادي عاصف وكأنه جان يطالب بحضن يخفف عنه وجع اليوم واحداثه
اما عاصف فلمن شاف حالة غيث وناظر عيونه اللي بهتت من كثر البجي حس بألم ووجع بگلبه وزاد غضبه اكثر بسبب حالت اللي كدامه لذا حجه بكل عصبية"شكلت أني انزل"لزم زنده وعته من السيارة
نفى غيث براسه وناظر بعاصف بترجي الا ان عاصف شد على ايده وسحبه
لمن حس غيث بوجع ايده وبرغم عدم قدرته على الحجي الا انه حجه بصوت مبحوح"هدني"
حجه وهوة يناظر بعيون عاصف
بعيونه اللي استحل اللون الاحمر مكان بيها
عاصف ناظر بعيون غيث التعبانه ولمن شاف ملامح الالم باينه على وجه زفرأنفاسه بقوة وحجه بكل عصبية"امشي كدامي أني أعلمكم على هاي سوايتكم اكو واحد عاقل يجي لهنا والدنيا محتركه، امشي"نتر بيه وعته من أيده
اما غيث فسحب ايده بحدة بعد ما شاف اسلوب عاصف، غيث مجان يتوقع هل اسلوب وهوة بهيج حالة
اما عاصف فجان يحاول يسيطر على نفسه كدامه يسيطر على الخوف اللي تمكن من گلبه
لذا حجه بكل عصبية حتى يبعد الشعور اللي حس بيه من شافه "والخلقني لو ما أكول عيب من اللي واكفين هنا جان عرفت اربيك على هاي سوايتك شلون تجي لهنا والوضع صاير طشار ومكاتل انت ما خايف على روحك جان خفت على هذول الجايبهم وياك" اشر على اللي واكفين گباله
أنت تقرأ
مًحًيَطِيَ
General Fiction"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
