عاصف شال محمد وتقرب من الباب بغاية يفتحه أما غيث فوسع عيونه لمن تذكر شنو سوة بالبيت
أول ما فتح عاصف الباب عقد حواجبه لمن شاف منضر البيت اللي جان مثل المجزرة بسبب الاوراق اللي جانت مطشرة بكل مكان غير انه كل التحفيات جانت مكسره وكأنه حرامي داخل عليه
بلع غيث لمن دار عليه عاصف وناظره وحجه بتلبك"يمكن بزونه"حجه وهوة يحاول يشتت نظره عن عاصف
رفع عاصف حاجبه لغيث بعد ماشاف منضره وعرف انه سبب ورة المجزرة الصايرة بالبيت
أما محمد فحجه موجه كلامه لعاصف"عندك بزونه بالبيت مو لازم تخليها ببيتها حتى ما تخرب ببتك باع شسوة"حجه بنبرة طفولية وهوة يأشر على كومة الاوراق
رفع عاصف حاجبه وحجه ويه محمد وهو يناظر بغيث"يي حبيبي عفتلي بزونه برية هنا باع شسوة يعني لازم نعاقبها"
وافقه محمد وحجه"يي نعاقبها حتى بعد ما تلعب بغراضك"
نفى غيث براسه وحجه بتلبك"كافي خل ندخل تعبت"
تنهد عاصف داخل للبيت بعدها خله محمد على القنفة واتجه للي جان وراه وبرغم ايده المجروحه الا انه باغته بسرعه شايله على ضهره مخلي الثاني يفزع ويصرخ
أما غيث فصرخ وحجه بكل خوف"عاصف راح اطيح نزلني ما سويت شي مو انا اللي مسوي هيج"
نفى عاصف براسه متجه للدرج بينما ناظره محمد اللي سمع صرخة غيث وحجه"ليش شايل غيث "
تنهد عاصف وحجه "حمودي ابقه هنا على ما اعاقب البزونة تمام حبيبي"
نفى محمد براسه بينما غيث حجه"عاصف كافيك عفيه نزلني لاتخليني اصرخ والحسين افجر طبلة أذنك"
حجه بعصبية للي مشى بيه على الدرج بينما غيث جان يضرب بيه برجله
أما محمد فناظر عاصف اللي شايل غيث وحجه بنبرة طفوليةوهوة مبوز شفايفه "زين خل أجي وياكم اريد اشوف البزونة"
نفى عاصف وحجه "ابقه مكانك البزونة تعض من اربيها اخليك تجي تشوفها"
برطم محمد وبقه كاعد على القنفة يلعب بأصابيعه بينما غيث جان يصيح بعلو صوته للي جان شايله
أتجه بيه فاتح الغرفة واول ما فتحها شاف التحفيات اللي جان مكسرة وفراش الجرباية بجه
ابتسم بقوة بينما غيث حجه يحاول يلين الثاني "ما ادري طحت وتكسرن زين ما طاحن علي"
أنت تقرأ
مًحًيَطِيَ
Fiksi Umum"وَجدتُ قلبَكَ غَافِلًا فَسرقْتُهُ والسَّطو بينَ العاشِقينَ حَلالُ!"
