Uni+Zawgyi
သီပေါကပြန်ရောက်သည်နှင့် အပြောင်းလဲကြီးပြောင်းလဲသွားသည့်အရာကတော့ ဦးလေးကြီးပင်။ နှောင်းရိပ်ကိုမျက်စိအောက်ကအပျောက်မခံ။ ကလေးတစ်ယောက်လိုထား၏။ နှောင်းရိပ် ကိုယ့်ကိုကိုယ်ရင်ခွင်ပိုက်ကလေးအရွယ်လို့ထင်မိတော့မယ်။ အိမ်မှာတင် မျက်စိအောက်က အပျောက်မခံနိုင်ရုံမကလို့ ရုံးသွားရင်တောင် ခေါ်သွားမယ်တကဲကဲလုပ်နေလို့ နှောင်းရိပ်မှာတားထားရသည်။
အခုလဲ ရုံးသွားမည်ကို မသွားသေးပဲ နှောင်းရိပ်ဘေးမှာတောက်တဲ့လိုကပ်နေသည်။
" ဦးလေးကြီး ရုံးသွားတော့လေ တော်ကြာလမ်းမှာကားပိတ်နေရင် ဘယ်နှယ့်လုပ်မတုန်း"
" အဲ့တာဆိုရင် ဒီကနေ့တော့ ရုံးမှာခွင့်လှမ်းယူလိုက်မယ်လေ ဘယ်နှယ့်ခက်လို့"
" မရဘူးလေ..တော်ကြာရုံးပျက်လို့အလုပ်ဖြုတ်လိုက်ရင် ဘယ်နှယ့်လုပ်မတုန်း ဦးလေးကြီးရဲ့"
" အဲ့တာဆိုလဲ ဘယ်နှယ့်ခက်လို့ထွက်လိုက်ရုံပေါ့ ကျုပ်ရှာထားတာတဲ့ငွေကြေးတွေနဲ့တင် ပေါက်စနတစ်ယောက်ကိုတော့လုံလုံလောက်လောက်တင်ကြွေးထားနိုင်ပါသေးတယ် အချစ်ရဲ့"
နှောင်းရိပ်ခေါင်းကိုတဗြင်းဗြင်းကုတ်နေမိသည်။
" ဦးလေးကြီးကလဲ ကျွန်တော်ပြောတာအဲ့လိုသဘောမျိုးမှမဟုတ်တာ၊ တော်ကြာစိန်စိန်က ရုံးမှာအတင်းတုပ်နေမှာပေါ့မြို့အုပ်မင်းတစ်ယောက် ရည်းစားရမှ အလုပ်တွေပျက်နေတယ်ဆိုပြီး."
ဟုတ်သော်ရှိမဟုတ်သော်ရှိ စိန်စိန်ကိုအပြစ်လွဲချလိုက်သည်။ ဒီလိုမှမဟုတ်ရင် ဒီလူကြီးကိုဘယ်လိုနှင်ထုတ်ရပါမလိမ့်။
" ကောင်းပါပြီဗျာ ဒါပေမဲ့တစ်ခုရှိတယ် "
" ဘာများလဲဗျ."
" ကျုပ်ကိုနမ်း."
" နဖူးကိုလားဗျ.."
" မဟုတ်ပေါင်..နှုတ်ခမ်းကို"
နှောင်းရိပ်မျက်နှာသေးသေးလေးဟာငရုတ်သီးတောင့်လိုချင်းချင်းနီသွားရသည်။ ဒီလူကြီးအတော်ကဲ ရည်းစားဖြစ်တာမှ တစ်လပင်မပြည့်သေး အဆင့်ကကျော်ခြင်နေပြီ။
YOU ARE READING
နှောင်းတစ်ခေတ်သို့အလည်တစ်ခေါက် ( Complete)
Romance၂၁ရာစုက နှောင်းရိပ်စက်သူတစ်ယောက် မထင်မှတ်ပဲ ၁၉၃၀သို့ရောက်သွားသောအခါ..။ Start Date -25.12.2022(17.9.2022) End Date -
