Uni+Zawgyi
၁နှစ်ကြာပြီးနောက်..။
အလုပ်လျှောက်လွှာတစ်ခုကိုကိုင်ပြီး အထပ်မြင့်အဆောက်အဦးရှေ့မှာနှောင်းရိပ်မက်တပ်ရပ်နေသည်။ ဆယ့်နှစ်ရာသီမရွေးပူနေသည့် မြန်မာနိုင်ငံရဲ့ရာသီဥတုအခြေအနေကြောင့် နှောင်းရိပ်ရဲ့နားထင်မှာ ချွေးစလေးတွေတွဲလဲခိုနေသည်။
ဤအဆောက်အဦးတံခါးကို ဝင်လိုက်တာနှင့်သူဟာ အလုပ်သမားတစ်ယောက်ဖြစ်သွားပြီ။ အရင်လိုလွတ်လပ်တဲ့လူငယ်တစ်ယောက်လဲမဟုတ်တော့ဘူး။ အသက်အရွယ်က ငယ်တော့တဲ့အရွယ်မဟုတ်ပေမဲ့ လုပ်ငန်းခွင်ဆိုတဲ့နေရာကြီးကိုအခုမှခြေချဖူးခြင်းသာ။
ဒေါ်ခင်မေက အလုပ်လုပ်ဖို့ခွင့်မပြုပေမဲ့ သူကိုယ်တိုင်က လုပ်မယ်လို့ပြောခဲ့ချင်းသာ။အချိန်တိုင်းလိုလို မိဘအားကိုးနေလို့မှမရတာ။ကိုယ့်ကို ကိုယ်အားပေးရင်း အထပ်မြင့်အဆောက်အဦးတည်းကိုခြေချလိုက်သည်။
ဧည့်ကြိုမှာ ထိုင်နေသည့်အမျိုးသမီးက နှောင်းရိပ်ဝင်လာသည်ကိုမြင်သွားတော့ပြုံးပြလာသည်။
" အသစ်ဝင်လာတဲ့ PA ( personal Assistant) ထင်တယ်။ "
" ဟုတ်တယ် ညီမ.။ "
ညီမလို့ခေါ်လိုက်တော့ ဧည့်ကြိုဌာန ကကောင်မလေးကအင်တင်တင်ဖြစ်သွားပြီးရယ်ရယ်မောမောဖြင့်စကားဆိုသည်။
" အမအသက်က ၂၄ ထဲမှာ ဒီဘက်က မောင်လေးက ၂၀ ကျော်ယုံလေး ကလေးရုပ်လေးက "
နှောင်းရိပ်ဖိုင်ကိုချိုင်းကြားညှပ်ရင်း လက်နှစ်ဖက်ကိုအသာယှက်ရင်း
" ကိုယ့်အသက်က ၂၆ပါ "
ဧည့်ကြိုကောင်မလေးက အံ့ဩသွားဟန်ဖြင့် ပါးစပ်ကလေးပွင့်ပြီးတောင့်တောင့်ကြီးရပ်သွားသည်။ နှောင်းရိပ်ကိုအထက်အောက်စုံဆန်ကြည့်ပြီးမျက်လုံးပြူးမျက်ဆန်ပြူးဖြင့်ပြာသလဲလဲစကားဆိုသည်။
" တဂယ်ကြီး ၂၆နှစ်! နုလိုက်တာ "
သူမမျက်နှာသူမပြန်ကိုင်ရင်း..
" ညီမတို့လို ၂၄နှစ်တောင် အကို့လောက်မနုဘူး။ အသားအရေလေးကလဲ လှလိုက်တာ ။ ရည်းစားရှိလား မရှိရင် ညီမနဲ့တွဲရအောင်လေ "
YOU ARE READING
နှောင်းတစ်ခေတ်သို့အလည်တစ်ခေါက် ( Complete)
Romance၂၁ရာစုက နှောင်းရိပ်စက်သူတစ်ယောက် မထင်မှတ်ပဲ ၁၉၃၀သို့ရောက်သွားသောအခါ..။ Start Date -25.12.2022(17.9.2022) End Date -
