اجمعينا يانجد
واكسبي فينا ثواب
___________
في بيت الجامح:الساعه٢الضهر
اريج:يمه والله الي تسوينوه ظلم عاينيها نيمتن وانا مغير اكد فهالمطبح
جوري الي توها صاحيه:يالله صباح خير وش نوحتس تنافخين تراتس انتي مشقيتن عمرتس فيه خدم هم يشتغلون
اريج:ما اداني شغل الخدم دنيه شلون تبيني اكل منهن
جوري ببرود:مشكلتس انتي وياويلتس اسمعتس تشيشين راس امي علي
اريج:اقول طسي بس لو فيتس خير تعالي عاونيها مو طول اليوم نيم
جوري مسكت قدر :ان ما انثبرتي هفيتس بالهقدر الي معي
الاميره بصراخ :اطلعن من المطبخخخخخخ
جوري تقدمت تبوس راس امها:ابشري ياحلوه اللبن بس لا يضيق صدرتس
طلعت جوري متوجهه للمجلس
جوري:صباح الخير
كادي :هلا صباح النور علامكم انتي واريج تصايحون؟
جوري :كادي لا تغثيني هاذي وحده مهبوله براسها شين
كادي:هههههههه الله يعين
كادي:وش مسويه ؟
جوري:ابد كادتني الجامعه كد
اريج وهي داخله معها القهوه:انتي اخر وحده تشكي من الجامعه نص المحاضرات ما تحضرينها
جوري وهي تضحك:تكفين اريج فكيني شرتس مراقبه كل حركاتي
اريج مدت لها الفنجان:ابد لزقه عنزروت
كادي:بنات والله خاطري نطلع تسذا ضايقن خلقي
جوري صدت بضيق:انتي تعرفين ان ابوي ما راح يخلينا بحالنا
اريج:عن نفسي ما ابي اطلع جازت لي جلسه البيت
كادي:بنات ترا ابوي طيب وراكم قالبين عليه هو احيان يعصب ويهاوش بس ترا قلبه علينا
جوري بأستهزاء:ايه ايه درينا ابوتس طيب وحليل واخرتها يقطع العقال على ضهورنا على اتفه سبب يشيخه روحي بس
اريج:بنات لا تعكرون مزاجي جايه احتسي معكم واتقهوى خلص قفلو الموضوع
_______________________
عند بطلنا الساعه٣العصر
رياض:عزيز ياعزيز تعال ابيك
عبد العزيز:هلا هلا بالي لاياشفته انزاح همي
رياض وهو يضحك:هههه اقول همك حطه على جنب وتعال غير دبه الغاز خلصت ولسى مانجظ الاكل
عبد العزيز:كم عندي رياض انا؟اصلا انت تامر امر
وهو يقرب من القدر ويقول :اهم شي بس الاكل
رياض:اهب همك بس بطنك يلا يلا عجل علينا
راح عبد العزيز يغير دبه الغاز ورياض توجه لغرفه رنا
رياض:عادي ادخل ؟
رنا:هلا ايه حياك
رياض:وش تسوين ؟
رنا:ابد مكروفه بهالدروس
رياض:ايه عاد شدي الهمه
رنا:ابشر
رياض:يلا عاد شوي وانزلي مضبط لكم هذيك الكبسه الي يحبها قلبكم
رنا:تسلم يدينك ياخوي والله ما تقصر
رياض:تحتاجين شي اجيب لك شي؟
رنا:ابد سلامتك
رياض:اجل استأذن بشوف روان
رنا :تمام
طلع رياض متوجه لروان
رياض:ادخل؟
روان:ايه ادخل
رياض:عاد انتي ما استحي منك لو قلتي لي لا تدخل دخلت
روان:هههه تمون يالغالي تمون
رياض:بعد عمري وش مسويه؟
روان :ابد جالسه اخيط بلوزتي
رياض:انتبهي من الابره
بطرف عين قالت:اسطوانتك ما تخليها تراني كبرت والله كبرت ماني بزر
رياض :بعيني طفله
روان:الا اقول وش فيه البيت هادي؟
رياض :هههههه ابد عزيز طالع
روان:اهخخ يزين البيت من دونه
رياض:هاذا وهو توئمك
روان:بلاي انه توئمي
رياض:الله يعين
روان :الا وين ميعاد مالها حس؟
رياض:ايه على طاريها حتى انا مستغرب من هدوئها بروح اشوفها يمكن زعلانه
روان ابتسمت:الله يخيلك لنا
رياض:متأكده انك روان؟
روان رمت عليه علبه المنديل بمزح:الحق على ادعي لك
طلع رياض وهو يضحك متوجه لغرفه ميعاد
رياض:ميعاد عادي ادخل؟
ميعاد ببحه:هلا رياض بغيت شي؟
رياض اعرف ان الموضوع مو هين :ميعاد فيك شي؟
ميعاد :ابد مافيني شي بعد شوي انزل
رياض ما حب يضغط عليها :تمام انتضرك
نزل وهو يشوف عبد العزيز يركب دبه الغاز
رياض:طولت علي
عبد العزيز:تعرف زحمه الرياض
رياض:الا ما شفت عبود؟
عبدالعزيز:توه مكلمني يقول شوي وجاي
رياض:اجل انا بكمل طبخ
عبدالعزيز:استأذنك
_________________
جوري :الين اليوم وانا اتخيل لقانا كيف
اريج:من الي تسذب عليتس وقال ان صوتس حلو؟
جوري:مابوه شين ازين من صوتي
اريج:الله يرزقنا ثقتس
جوري رجعت تلحن
كادي:بنات فزن بتجي ام وسيم
جوري:صدز؟
كادي :ايه صدز وروحي رتبي غرفه المجلس
راحت جوري تنضف ،
جوري :قضيت انا وش سويتن انتن؟
اريج:سوت حلا بارد
كادي:سويت قهوه وشاي
ام كادي:انا عجنتس تمره
سمعو صوت طق الباب
ام كادي:اكيد انها هي اريج حطي شيلتس على راستس وروحي افتحي لها الباب
اريج::سمي
راحت اريج وحطت على راسها شيله وتقدمت تفتح الباب
اريج :حياتس خاله تفضلي
جود :هلا اريج اخبارتس
دخلت وقالت اريج:هلا فيتس وين امتس؟
ام وسيم :اريني جيت
اريج :هلا والله حياتس
كانت بتسكر الباب بس منعتها جود :اخوي فهد جا بعد
اريج:اجل انا بدخل دام اخوتس جا خليه يدخل الدوانيه بهاه وانتي ادخلي حياتس
راحت اريج
ام وسيم:ادخل فهد راحت البنت
جود بمزح:مسويه تستحي
ام وسيم:عيب عليتس
فهد:منهي؟
جود:اريج ماغيرها
ام وسيم:خلو عنكم الحتسي الماصخ وادخلو
دخلو وفزو البنات يسلمون
جوري:عن اذنكم بروح اقعد اخواني
الكل:اذنتس معتس
رقت جوري لأخوانها ،دخلت غرفه وليد
جوري:وليد قم جونا ناس قم ضيفهم
توجهت وهي تطفي المكيف وتفتح الستاير
وليد وهو مغمض عين وفاتح عين:شوفي تركي مالي خلق
جوري:وجع وليد انت الكبير
تركي وهو داخل:افا وش قصدتس ماني مالي عيونتس يعني؟
جوري :ابد محشوم بس امي تقول خلي وليد يقوم يضيفهم
وليد وهو يأشر على تركي:شوفي وجهه تقول جامعي بيحسبونه انا عادي
جوري:وليد لا تغثني قم لا اكفر بك
وليد:قمت قمت كل شي فوق راسي
جوري بغبنه:هاذا يبيني اذبحوه وش مسوي انت هاه؟اقول قم بس
طلعت جوري وسمعت امها تصوت لها
جوري:هلا يمه جيت
ام كادي:قعدتي وليد واخوانتس؟
جوري:ايه يمه قعدتهم
ام كادي:اجل شوفي الفحمه على الغاز حطي البخور عليها وتعالي بخري
جوري:ابشري
