ومن الصبح قامو الكل بنشاط وفرحه
دخلت رنا المجلس والأبتسامه شاقه وجهها
روان:رنا ضحكينا معتس
رنا جلست وحطت صحن الجبن على السفره ورفعت يدينها:يالله ديم ضحكاتي
جوري ابتسمت وجلست جنب رنا:وديم ضحكاتي يارب
ميعاد:والله ما ورا ضحكاتكن الا المصايب
جوري كشت:وجعه علامتس علينا خلينا نضحك لين نتعب
ولفت على رنا:صح رنا
روان بنرفزه:كولو وانتم ساكتين محد فاضي لكن تري
ميعاد:انتي الي قومي وانتي ساكته وتفتحي لجود عازمتها على الفطور
قامت روان بدون نفس وجت بتفتح الباب بس وقفها صوت وليد :يا بنت
روان لفت وفز قلبها وانقلبت موازينها:هلا
وليد:انتي روان صح؟
روان(اهخخخ ياحلاة اسمي بالسانك):اي انا روان
وليد:طيب وش تسوين؟
روان:ابي افتح لجود الباب
وليد فز على طاري جود:تفتحين بدون ما تحطين شي على راستس؟ادخلي ياروان انا افتح
فزت روان وانتبهت ان ما عليها شيله على راسها ودخلت عليهم وهي تبتسم بحياء (يغار علي واههه يحضي والله)
جوري:هوب هوب هوب طلعتي وجهتس معفوس وجيتي الابتسامه واصله لأذونتس وش صاير
روان بأبتسامه:مثل ما تقولون الله يديم ضحكاتنا
ميعاد:ايه الله يديمها بس وين جود ما اشوفها؟
روان:الحين تجي
عند وليد جلس يضبط شكله وفتح وشافها حاطها يدها على خصرها ويدها الثانيه على وجهها
جود بسخريه:ليه فتحت كان كملت معها
وليد:جود علامتس من اكمل معها؟
جود بعصبيه:عاجبك وضعها بدون شيله؟ هاه ؟جاز لك شكلها؟
وليد عرف انها سمعتهم:افا تشكين بمحبتك لي؟تشكين يجود تشكين
جود:ايه اشك
وليد:تراني صرفت البنت عشان اشوفتس بس شكلتس ما تبين تشوفيني
جود:وبعدين انت وش تسوي بحوش الحريم؟هاه
وليد:جيت عشانتس يا كل كوني واهلي
جود استحت بس مثلت انها زعلانه:ابعد من قدامي بروح افطر
وليد:ترا اليوم اخطبتس من ابوتس
جود لفت عليه:بالسرعه ذي
وليد:جود مقدر اصبر
جود:بس ماني متجهزه للزواج
وليد:ماراح نتزوج بس نتملك واذا حسيتي انتس جاهزه نتزوج
جود ابتسمت :وليد
وليد:عيون وقلب وليد
جود:شكراً
وليد:تدرين وش امنيتي؟
جود هزت راسها بلا:لا
وليد: اذا ملكنا اقول لتس
جود بتذمر:وليد ليه قلت لي اجل الحين افكر طول اليوم
وليد رفع كتوفه:مالي دخل ويلا روحي افطري عليتس الف عافيه
جود هزت براسها ولفت ودخلت وهي تحس انها مره فرحانه ماكانت تتوقع ان حب طفولتها وليد يبادلها ولا بيتزوجها مستحيل تصدق هاذا شي كانت تحلم فيه من كانو صغار وهي تحب وليد بس وليد كان دايم يتجاهلها حيل وهي فقدت الامل وضلت عالقه بأوهامها الافايده بس ما توقعت بيوم يخطبها وليد لسى مو مصدقه تحتاج وقت كثير حيللللل عشان تصدق
دخلت والابتسامه شاقه وجهها ونزلت عبايتها وجلست ولسى الابتسامه بوجهها
جوري :بنات وين كادي؟
رنا:تقول الحين تجي تبي تلبس
عند كادي طلعت من الحمام وكانت مسرعه للغرفه وصدمت بجسم ضخم رفعت راسها وشافت عبدالله واقف وبيده قهوه اما هو ارتبك وطيح الكوب من يده شهقت كادي وهي تشوف القهوه منكبه على رجلها جلست تنطنط من الألم وعبدالله ارتبك وتقدم ومسك يدها وخلاها تتكي عليه وهي تصنمت دخلها الحمام وجلسها على طرف البانيو وشغل المي البارد وبربكه:اسف ما كنت قاصد
رفع نضره لها وشاف الروب جزء منه مفكوك صد على طول وبتقطع:أأ الروب
شهقت كادي وهي تربط حزام الروب وقالت بعصبيه:صاحي انت مسوي الملاك الحارس تمسكني تسذا ترا ماني حرمك حدودك الزمها يا عبيد
ابتسم عبدالله وسط ربكته على كلمتها الاخيره وقال:اعذريني ياكادي بس خفت عليك
كادي بتوتر:بأي حق تخاف علي ؟اختك ؟زوجتك؟خطيبتك؟
عبدالله:طيب ترا ما اخطيت وبعدين المفروض تشكريني منكسر ضهري وانا شايلك
شهقت بقوه:يقليل الخاتمه يعني انا ثقيله ؟
عبدالله ابتسم:لا حشى محد قال انك ثقيله بس القهوه الي مكبوبه على رجلك زادت وزنك
كادي عرفت انه يتطنز وجلست تكب عليه مي:اقول امش امش
عبدالله انتفض:كادي توني متكشخ لا تطشين مي
اما هي كانت مو مهتمه لكلامه ومستمره وبحركه سريعه منه لف عليها ومسك يدها وصار وجهه يقابل وجهها ودام الصمت بينهم كل واحد ياخذ شهيقه من زفير الثاني ارتبكت كادي وارتبك عبدالله وصد
ابتسمت كادي وسط ربكتها:اطلع
طلع عبدالله بدون قلبه ويبتسم اما كادي طلعت وهي تحس بشعور حلو وسعاده وحتى الم القهوه ماعد تحس بها جففت شعرها ولبست ونزلت للبنات
دخلت وعلى وجهها ابتسامه:صباح الخير
ميعاد طارو عيونها:نعم نعم نعم وش فيكم كلهم تضحوكون؟
كادي:وش فيتس علينا؟
رنا :تعالي خليتس منها هاذي غيرانه
ميعاد:اقول امشو ناكل ترا جعت وانا احتريكم
قاموالبنات وجلسو على السفره وبدو ياكلون
ام كادي دخلت عليهم:صبحكن بالخير
الكل:صباحتس نور
جلست ام كادي:يبنات تدرون ان بقى اسبوع عن رمضان؟
شهقو البنات وجوري شرقت بالشاي ورنا جلست تضربها على ضهرها
ام كادي:يولي وش فيتس
جوري :يمه مسرع جا رمضان
ام كادي:وليه ما ودتس يجي يعني؟
جوري:لا مو صيدي تسذا بس ما توقعت انوه قرب
ام كادي:المهم معليكن ابي وحده تروح تشتري مقاضي
جوري:يمه وش وحده كلنا بنروح فيه احد يطوف غريضات رمضان؟
اريج:اي نفس عادتنا نروح كلنا مع وليد
فز قلب روان وقالت:ايه وانتي صادزه خلونا نروح كلنا
جود:انا مقدر اروح
رنا:انا بجلس ما بروح
جلسو ياكلون ويسولفون وبعد مده قامت ميعاد
ميعاد:يلا بنات رياض يقول مشينا تأخرنا
قامو يلبسون عباياتهم
ام كادي صوتت لروان
روان:هلا
ام كادي:ترا بجي اليوم للمدرسه ما نسيت
روان ابتسمت:ياعمري والله يلا توصين؟
ام كادي:سلامتس
راحت وركبت مع رياض وتوجهو للجامعه
جود قامت:يلا بنات انا بروح فهد يحتريني
قامو البنات يلبسون عباياتهم وراحو مع وليد الجامعه
دخلو البنات وكل وحده راحت قسمها
قبل الصرفه بحصتين عند روان الي كان يمر وقتها ببطئ وتتمنى يتسرع الوقت عشان تروح مع وليد جلست تتخيل وش بيصير وتبتسم وقاطع تخيلاتها صوت طق باب الفصل
المعلمه:تفضلي
دخلت بكعبها وشعرها البني الفاتح ويفي وريحه عطرها تسبقها وتنورتها الانيقه مع بلوزه حرير طالعه صدق انيقه
ام كادي:السلام عليكم
المعلمه :وعليكم السلام شكلك مشرفه حياك
ابتسمت ام كادي:انا ام الطالبه روان عثمان ال.....
اندهشو بنات فصلها وقفت روان ببأبتسامه فخر
المعلمه بأندهاش:بس هي ما عندها ام؟
ام كادي:شكلتس انتي الي ضاربتها؟
المعلمه:نعم انا ضربتها لانها غلطت
ام كادي:طيب قدامي على مكتب المديره
المعلمه:عندي شرح اذا خلصته افكر اجي
ام كادي:ماله داعي الخوف ترا كلها مديره الاشراف التعليم
المعلمه انصدمت وبين على عيونها الخوف
ام كادي لفت على روان:امشي ياروان تحسب ما عندك سند امشي معي
روان ابتسمت ومشت مع ام كادي ووراهم المعلمه
دخلت ام كادي غرفه المديره وجالسه جنبها المشرفه الي استدعتها ام كادي
:السلام عليكم
ردو السلام وجلست ام كادي وجنبها روان والمعلمه ضلت واقفه
المشرفه:ممكن تقولين وش سويتي؟
المعلمه ضلت ساكته وما تكلمت ام كادي لفت على روان:قومي يبنتي وقولي وش سوت لك
قامت روان وقالت:ضربتني عشان مريولي قصير وقبلها بسنه يوم كانت تدرسني ضاربتني اكثر من مره عشان ما حليت الواجب هاذا غير اسلوبها وكلامها الي مستحيل انساه يوم قالت بأستهزاء(طبعاً ما بتحلين الواجب ماعندك ام مسكينه )ما انسى كنت صغيره وجرحتني كثير وقتها
جلست روان تتكلم عن بشاعه تعاملها
رفعت يدها المشرفه :خلاص يكفي انا بتخذ الاجراءات معها وحقك باخذه
ام كادي لفت على المشرفه:تسمحين لي؟
هزت راسها المشرفه ولفت ام كادي على روان:اضربيها مثل ما ضربتك
ناضرت روان بعدم تصديق وبعدها ناضرت المشرفه الي كانت تناضر برضى لفت روان على المعلمه ورفعت يدها وقبل لا يوصل خدها وقفت وبصوت عالي :
بيدي الحين اسوي لك سواياك
بس ما رباني ابوي نرد على الردي
لفت روان على ام كادي :يلا يمه مشينا
طلعت روان من الغرفه وقامت ام كادي وهي تناضر المعلمه بنضرات حقد
طلعت وشافت روان نازله وبيدها شنطتها :يلا يمه مشينا
لبست عبايتها وطلعت هي وام كادي وفز قلب روان يوم شافت سياره وليد والي واضح انه هو جايبها ركبت بالمقعد الي ورا وليد
وليد:هاه اخذتي حقها يمه؟
ام كادي:والله ان روان بنت اصول واصيله لامن قلت لها اضربيها عيت وقالت ما رباني ابوي نرد على الردي
وليد ناضر روان من المرايه:اصيله مشاءالله
ابتسمت روان بحياء ونزلت راسها اما وليد الي يشوفها كأخت ويعدها حسبت جوري
وليد:ترا اريج خلصت محاضراتها وجوري بقى لها محاضره وكادي تقول خلصت
ام كادي:زين رح خذهن
راح وليد لجامعه البنات ودق عليهم يطلعون وفعلا طلعو كلهم
ركبو البنات ولف وليد على جوري:ما تقولين بقى لي محاضره ؟
جوري:ايه بقى صدز بس سحبت عليها
وليد هز براسه ولف
اريج:وليد ترا اليوم بنروح نشتري مقاضي رمضان
وليد:تو ابوي مكلمني يقول ودهم
اريج:اي زين بنروح ترا كلنا
هز راسه مره ثانيه وكمل طريقه
نزلو البنات ودخلو وشافو ميعاد ورنا ينزلون عباياتهم
روان ركضت لهم:بناتتتتتت
رنا :وجعه فجرتي اذوني
روان:تخيلو وش سوت امي
تجمعو عليها رنا وميعاد وجوري وكادي واريج بفضول
قالت لهم روان وش صار من الاول لين الاخير
جوري رفعت حواجبها بفخر:ايه هاذا طبعها ما تجيب الا مديره الاشراف
ميعاد:والله ماهي هينه فديتها
رنا:بس بنات لحضه انتي من وين جبتي هالبيتين؟
روان:كنت مقهوره وطلع معي وشكلي بعد انعديت من جوري
ضحكو البنات وقامو يبدلون ملابسهم
نزلت جوري وشافت امها تمسح المكياج تقدمت وحبت راسها وجلست جنبها:يمه ماشفتي ابوي؟
ام كادي وكأن الموضوع مضايقها لفت عليها:صرت ما اشوفه كثير يجي بالليل ويقول تعبان وينام مدري وش اسويه فيه ما انكر اني اشتقت له بس مدري احس ان فيه شي يشغله عني واحسه متزوج علي
جوري :لا يمه ابوي ما يسويها صحيح شديد وعصبي بس ماراح يسويها
وبعدين لو سواها ما كان جاب مرتوه عندنا صح؟ماهو خايف مننا عشان تسذا تطمني وانا بقوم اشغل فحم عندي هذيك الكسره الي تروق بتس
قامت وهي تحط شيلتها على كتوفها وراحت المطبخ
عند رياض الي يعرف بهاذي الحزه جوري ماراح تنام راح بدون محد يحس عليه للمطبخ وشافها تغني وتتمايل:
احنا ناس رايقين ياسيدي
ابتسم وقال:والله اني رايق بعد شوفتك
شهقت وهي تحط الشيله على راسها وتلثمت ولفت عليها :وش تسوي رح قبل لحد يشوفك
رياض وهو دايخ:
ما يذبحني الا عيونك الكحيله
وما يحييني الا صوتك العذب
ابتسمت جوري وقربت منه لين صارت تحس بأنفاسه عليها قالت وهي تتأمل عيونه :
عيونك العسليه الناعسه
جابت لي النوم والاحلام الورديه
ابتسم رياض ولاول مره تبادله الكلام وبدون شعور اعترف :احبك
ارتخت ملامح جوري وهي تناضره وضلو يتأملون بعض لمده بالنسبه لهم قصيره بس هي طويله وحيل بعد
رياض:جوري
جوري هزت براسها
رياض:تحبيني؟
جوري توترت ودق قلبها بقوه تحلف لو قرب زياده يسمع نبضها بعدت عنه :رياض وش جالس تقول
سحبها رياض من يدها وبحركه سريعه حطها على الجدار ومسك خصرها بيده واليد الثانيه حطها على الجدار :جاوبي
جوري توترت من يده الي على خصرها:طيب ابعد عني
رياض هز راسه بـ لا وضغط على خصرها:ابي جوابك بعدها راح ابعد
جوري حطت يدها على صدره وجلست تحاول تدفه
رياض:جوري جاوبي علي تحبيني؟
جوري ما عرفت تجاوب لانها اساسا ما عرفت تحدد مشاعرها ورفعت راسها له:ماني عارفه احدد مشاعري بس الي اعرفه ان لما اكون معك انسى شي اسمه هموم ويصير كل شي فيني سعيد متخيل آنك قادر تنسيني همومي يارياض؟؟ انسى كل شوي وقت اكون معك انسى العالم كله ولا افكر في شي
ابتسم رياض على جوابها الي جاوب عن مليون سوال كان بعقله وبحركه سريعه منه سحب لثمتها وبدون وعي قرب لشفتها وصدت بوجها وانطبعت البوسه على خدها بعد عنها وهي رفعت لثمتها على وجهها
جوري:رياض بيننا حدود الزمها لا تعيدها حركتك بتندم
رياض تجاهل كلامها ولف عليها:جوري وش قصدك بكلامك بالملاحظات؟
جوري: قصدي واضح
(لابغيت تجي جيت ولابغيت قربي قرّبت
بس جداري على جدارك ولا شفت منك ولا جيّه )
رياض :الي فهمته انك تبيني اجي؟
جوري لفت على الفرن واخذت الفحمه الي نصها صار رماد :انت تبي اجيك؟
رياض: وشلون اقول لك لا؟
وانا بالصلاه ادعي بجيتك
ضحكت جوري وحطت فحمه جديده:لا ماني جايتك انت تعال
رياض وهو واقف عن الباب:بعتبر هاذي دعوه نلتقي بالبلكونه
طلع وابتسمت بحب وبعد مده جمرت الفحمه وحطتها بالمبخره وحطت عليها كسره عود وراحت لغرفه الجلوس وشافت امها بيدها القران ونايمه اخذت المصحف منها وسكرته ورفعته بمكان مرتفع وغطت امها بشرشف وراحت تبخر البيت
الساعه اربعه العصر
توجهت جوري للمطبخ ويوم دخلته تذكرت الي صار حطت يدها على خدها وابتسمت بحياء
رنا من وراها:الله لا يسفهنا وش فيتس حاطتن يدتس على خدتس وتضحكين؟
فزت جوري :وشهو ما اضحك
توجهت جوري وبدت تسوي قهوه
رنا:ايه واضح وضوح الشمس
وبدت تلحن :
ترا راعي الهوى مفضوح
ضربتها جوري على كتفها بخفه:رنا وجعه
رنا جلست على الكرسي:قولي وش كنتي بتعترفين بوه امس؟
جوري ركبت القهوه على النار وتوجهت لها وجلست جنبها :بس لا تعلمين احد
رنا :بزر عندتس انا يلا احتسي
جوري بهمس:ولدكم اخذ قلبي
شهقت رنا بقوه وضربتها جوري :وجعه صدز
رنا وهي تحك مكان الضربه:منهو رياض؟
ابتسمت جوري على طاريه
رنا:بس بس عرفت حبيتي حنون البيت اهخخخ
جوري:وانتي حبيتي مجنون البيت
ابتسمت رنا :واهههه مجنون قلبي هو
ضحكت جوري بقوه :ههههههههههههه تكفين
ضحكت رنا وهي تضربها على كتفها:ههههه قومي شوفي القهوه
قامت وحطت القهوه بالدفايه وحطتها بالصينيه واشرت لرنا:
رنو الدونات بالثلاجه حطيها بالمايكروف تسخن وبعدها جيبيها بروح اصحي البنات يتقهون
راحت جوري وحطت الصينيه على الطاوله وراحت فوق تصحي البنات
بعد مده الكل صحى ونزل تحت
جلسو البنات يتقهون
ميعاد وهي تضحك :يربي هالسالفه صار لها سنين بس الي الان تضحكني
روان:حرفياً
____________
اياد:جوان صاحيه؟
جوان:ايه
دخل اياد وشاف جوان منسدحه وترسم
جلس اياد على السرير
جوان:قل الي عندك
اياد لف عليها وبربكه:ما تبين تتروشين؟
لفت عليه بأستغراب:نعم؟
اياد:يعني اشغلي نفستس وتسذا
جوان رجعت نضرها لكراستها:مشغله نفسي
اياد قرب منها:اشوف تطورك بالرسم
مدت جوان له الكراسه وهو ما صدق على الله سحبها منها وبدا يقلب الصفحات يدور الورقه
ابتسمت جوان بأستهزاء وهي عارفه وش يبي :وش رايك؟
اياد نزل الكراسه بقله حيله:طول عمرك فنانه ياجوان
جوان :طيب اطلع برا
اياد :جوان والله ضايق صدري على حال امي جالسه بالحالها
جوان:رح انت عندها وسولف معها
اياد:اسكتي قبل شوي سولفت معها وقالت لي سالفه خليني ساكت بس انتي روحي لها انتي بنتها وضنى البنت غير عن ضنى الولد ياجوان
جوان:ليه جالس تفرق مافيه فرق بيني وبينك بس امي هي الي فرقت بيننا هي الي تخلت عني انا يوم انضلمت الكل وقف بوجهي واولها هي جالسه تحصد الي زرعته يا اياد خلها شلون تبيني انزل لها وهي ضلمتني واجر...
سكتتها غصتها ومنعتها عن الكلام قالت وبالغصب يطلع منها الكلام:اطلع برا
طلع اياد بقله حيله وسكر الباب
اما جوان دفنت وجهها بالمخده وبكت بكت بحرقه وهي تتذكر ايام سجنها
