تكشخو البنات وكانو كلهم وحده ازين من الثانيه
جوري كانت لابسه فستان احمر فيه فتحه من الصدر بس مو كبيره و ماسك مع خصرها ومن تحت فيه نفشه خفيفه سوت شعرها ويفي من تحت و حطت جزء من شعرها ورا اذونها والجزء الثاني خلته طايح على صدرها وحطت مكياج ناعم وروج احمر وكعب احمر ولبست اكسسوارات فضيه ناعمين مطلعينها انثويه مره
اريج كانت لابسه فستان لونه بني ناعم وماسك على خصرها ومن تحت نفشه خفيفه حيل وخلت شعرها ستريت بدون تسريحه وحطت ايلاينر ناعم حيل وايشدو بني وروج بني ناعم وكعب بني غامق طالعه تفتن
رنا لابسه فستان ابيض قصير ماسك على جسمها كله ورافعه شعرها وشادته فوق وايلاينر شاد عيونها لفوق وايشدو برتقالي فاتح ناعم وبلاشر وكعب ابيض طلعت صدق انيقه
روان كانت لابسه فستان اخضر فاتح بدون اكمام نافش وقصير ومخليه شعرها بدون تسريحه ومسويه مكياج بارز ملامحها طالعه تهبل
كادي لبست فستان اسود ماسك على جسمها بس مو حيل وسوت مكياج اسود ناعم ولبست كعب اسود واكسسوار فضي ناعم
ميعاد لبست فستان وردي ناعم وايشدو وردي وروج وردي وقلوس وكعب وردي وخلت شعرها الويفي مفكوك ناعم
جود كانت لابسه فستان تيفاني ناعم حرير ومسويه بشعرها شكل كعكه ومطلعه خصلتين ومسويه مكياج ناعم ولابسه كعب ابيض ولابسه اكسسوارات ناعمه وطالعه تهبل
دخلت ام كادي:تعالن ابخركن
ميعاد :جوري انتي روحي اول
جوري ضحكت:ههههه يربي
روان:ايه تعدلي
تقدمت ام كادي وهي تبخرهم وتحصنهم
ميعاد دمعت وصدت ما تبي احد يشوف دموعها
ام كادي انتبهت لميعاد وحطت المبخره على الطاوله وتقدمت لها:عاد انتي بالذات ابي احصنتس شوفي وش زينتس بسم الله عليتس
ميعاد حضنتها وهي تشوف فيها حنان الام الي ما عمرها شافته
روان:ياسلام حتى انا اقري علي ولا بس ميعاد بنتس؟
ام كادي فتحت حضنها:حتى انتي بنيتي تعالي اقرى عليتس
تقدمت روان ومعها رنا وهم يشوفونها ام واكثر بعد
وقفت اريج وجنبها كادي وجود وجوري بالوسط حاطه يدينها على كتوفهن وجالسين يطالعونهن
جود تقدمت:دام تسذا انا بقرى عليتسن كلتسن ههههه
ضحكو البنات وقامو ونزلو تحت
روان:رنا روحي شوفي المندوب طلبت حلا
قامت رنا ولبست عبايتها وحطت شيلتها على راسها وطلعت وفتحت الباب واخذت الطلب وسكرت الباب ونزلت عباياتها وجت بتدخل بس وقفها صوت تركي:وش تسوين طالعه تسذا؟
رنا توترت وحطت الشيله على راسها:كك.. كنت استلم الطلب
تركي بغيره واضحه:طالعه بهالشكل وبعدين ليه ماقلتي لي انا اطلع لوه ليه تطلعين انتي؟؟؟؟؟
رنا:اول شي طلعت بعبايه وشيله وثاني شي مالك شغل فيني
تركي شاف العبايه بيدها:اعذريني ماشفت العبايه
رنا:حصل خير
تركي: لا تزعلين
رنا وهي ماشيه:حصل خير
تركي :رنا
فز قلبها (ليه تفزين يوم ينادتس ليه؟)
رنا وقفت و بدون ماتلف :نعم
تركي:حصني نفستس
ابتسمت وهي تدخل(يالله يهالتركي من وين جايب جرائته)
ابتسم تركي وهو يرجع لمجلس الرجال
