سمعته جوري وسكتت ودخلت وسكرت باب البلكونه ونزلت تحت
جود:وجع جوري وينتس
جوري:هاذاني موجوده
جود:وش موجوده كنت بروح وانا ما ودعتس
جوري:وش تودعيني ترا بيتس عند عيني
جود:طيب اجلسي ما شبعت منتس
روان:شدعوه كبسه هي
جود:هههههههههههه تكفون سكتو هالبنت فقعتني ضحك
روان:اوفففف يعله دوم يارب
ميعاد كانت تناضر الباب وقالت بهدوء:استأذنكم بروح انام
استغربت اريج بس طنشت
وبدو يسولفون ويضحكون
جود:والله جلستكم ما تنمل بس ابوي يقول مشينا
جوري:بحفظ الله
روان:جود تعالي لنا بكرا
جود:ههههههههه لا عيب لازم اصير ثقيله
روان:ماني رجلتس عشان تقولين ثقيله ومدري وشهو بيتس عندنا تعالي
جود لفت على امها:يمه عادي اجي؟
ام وسيم:ايه عادي ببنيتي ويلا مشينا
راحت جود بعد ما سلمت عليهن
روان بنعاس:والله يزينها هالجود
رنا:وسيعه صدر بسم الله عليها
جوري بتثاوب:يلا بنات امشو ننام انود ما اشوف الطريق
رقو كلهم غرفهم ودخلت جوري الغرفه ومسحت مكياجها ولفت على وليد وكان جالس ومفهي
جوري:وليد؟وش نوحك؟
وليد فز وهو يأشر على المكان الي جنبه:تعالي اجلسي جنبي بقول لتس شين
جوري:ماني فاضيه لك خلوه بكرا الحين بنام
نامت جوري ونام وليد معها
عند اريج دخلت الغرفه وشافتها ضلام سكرت الباب وتوجهت لسريرها وانسدحت ونامت
عند روان دخلت وهي تشوف عزوز يكتب:يوههه عزوز من زمان عنك
عزوز :والله حتى انا بس الحين نامي بكرا اسولف معك
نامت بعد ما مسحت مكياجها
عند رنا دخلت وشافت عبدالله يقرا كتاب:عبود ما تمل من القرايه؟
عبدالله :وانتي ما تملين من السؤال؟
رنا:هههههه طيب خلص وين رياض
رفع كتوفه بمعنى مدري
طفت اللمبات وبقى الأبجوره الي عند عبدالله وبعد مده طفاها وهو ينام
دخل رياض بهدوء وهو يتوجه لفراشه وانسدح ونام
ومرت الليله على خير عند ابطالنا
___________________
تقولين لي صباح الخير واجلس افكر
معقوله الخير يصبح بالخير؟
قامت جوري وشافتهم جالسين بالحوش كلهم يفطورن
تقدمت ببرقعها وهي تجلس:صباح الخير
ولفت على اريج:وين ابوي وامي وفارس وخالد؟
اريج:مدري ابوي وابو رياض وابو وسيم كلهم طلعو مع بعض وامي وفارس وخالد عند ام وسيم
دخلت جود وبحماس:مداهمههههههه بنا
سكتت وهي تشوف العيال يناضرونها استحت وهي تلتفت تبي تطلع بس وقفها فهد :ادخلي انتي جنيتي على نفستس قلت لتس خلي الهبال عنتس
ابتسم عبدالعزيز ووليد ونزلو راسهم
روان:هههه خليها تداهمنا يزينها بس
رنا:تعالي افطري
تقدمت جود وهي تجلس ومتفشله
روان:تكفين شكلتس وانتي منحرجه يهبل
جود بهمس :وجع روان كولي وانتي ساكته
تنحنح فهد وهو يدخل :السلام
عبدالله:تعال افطر
جلس فهد يفطر
لفت عليه جوري:فهد وين اخوك ومرته؟
فهد:راح مع مرته يفطرون برا
جود بهمس بس سمعونا كلهم :اهخخ الله يرزقنا
ميعاد قامت:الحمدالله
جوري وهي تناضرها الين اختفت وهي تلف عليهم :اسمعو عندي خطه
لفو عليها وجلست تكمل:بنقول لها اننا رايحين السوق وانتي يا اريج تقولين لنا بروح شيخ يقرى على وتسذا وخليها تروح معتس وحنا بنتفق مع الشيخ انه يسوي بيقرى عليتس بس هو بالحقيقه يقرى على ميعاد
اريج:يمه بنات لا مقدر اخاف
جوري:معليتس ماهو صاير شين
روان:بنات انتم متأكدين ان فيها شي؟
جوري:انا متأكده واذا طلع مافيها شي ماني جوري
وليد:متى تبون نمشي؟
جوري:بعد المغرب
اريج بخوف:لا خلونا نروح الحين حلاتها في النهار
جوري:ترا كلها واحد بالليل ولا بالنهار لا تصيرين طقوع
اريج:كولي زق انتي الطقوع مو انا
جوري:طيب انا الطقوع بس اسكتي
افطور وقامو العيال وتجمعوا البنات بغرفه المجلس وجلسو يسولفون
جوري دخلت وبيدها صينيه قهوه:سويت قهوه لأحلا خوات بالدنيا
روان:ياعمرييييي انتي
جوري نزلت الصينيه ولفت على رنا:فزي قهوي الضيفه انا بروح اودي قهوه للرجال
راحت جوري واخذت الصينيه الي سوتها حق الرجال وتحجبت وتبرقعت وجلست تصوت وطلع لها فهد:يعطيتس العافيه
راحت جوري ودخل فهد
رياض شاف جوري واقفه ومعها فهد انحمس وطلع برا
وليد:رياض تعال تقهو
رياض :كثر الله خيركم بطلع شوي وجاي
طلع رياض وراح فوق السطح وكان السطح ماكانه المفضل كان حاط خيمه وبرا فرشه ومشب نار صغير واغراض شاي ومسجل صغير
جلس وهو يسوي شاي كانت الشمس هاديه ودافيه
عند البنات:بنات خلونا نطلع مكان كذا
روان:مو على اساس نروح السوق ؟
كادي:ايه نروح السوق بس الحين احس ابي اطلع اتمشى بالحاره وكذا
اريج:كادي صاحيه انتي تبين ابوي يذبحتس
كادي:ناخذ وليد معنا
روان فزت يوم سمعت اسمه وجازت لها الفكره:تم خلونا نروح
جود:طيب بشوف فهد
ميعاد دخلت عليهم:وجع ناوين تروحون من دوني
روان:لا والله كنت ناويه اقعدتس
جوري وهي تقوم:بنات روحو من دوني تعبانه بقيل شوي
طلعت جوري ودخلت جود تركض :بنات العيال يقولون كلهم بيمشون
رنا:خير خير لا وش كلهم يمشون خلو واحد ولا ثنين
لبسو البنات وطلعو وشافو ووليد وفهد وتركي عبدالعزيز
روان:بنات شوفو كثرهم يفشلون
تركي:افا صرنا نفشل
عبدالعزيز يمثل الحزن:اهخخخ ما توقعتها من تؤمي
وليد يواسيه:تصير تصير
روان ابتسمت:اقول هيه ترا امزح
عزوز:ميت عليتس ويلا قدامي السياره
روان تمسكت ب اريج:بروح معها
انقسمو قسمين وكان سياره فيها عزوز وفهد وميعاد وجود وكادي
والسياره الثانيه فيها وليد وتركي وروان ورنا واريج
عند سياره وليد
اريج:وليد شغل شي
وليد مد لها الجوال :خوذي انتي شغلي
اريج :روان انتي شغلي مدري وش اشغل
روان اخذت الجوال بتوتر وشغلت وارتفع صوت محمد:
يابدايات المحبه ويانهايات الوله
الحسن سبحان ربه ضالم وما اعدله
دزتها رنا وبهمس:مقصوده يعني؟
روان توترت وغيرت الاغنيه
تركي:روان ما عندتس ذوق خلي وحده ثانيه تحط
روان انحرجت ودزته اريج:وجع وش ما عندها ذوق تراك حتى انت تحب محمد عبده
تركي:صرت ما احبوه خلي وحده ثانيه تحط
روان مدت الجوال لرنا ناضرتها رنا بمعنى وش
روان :انتي حطي
رنا اخذته وجلست تبحث وحطت اغنيه:
غريبه الناس غريبه الدنيا دي
اعز الناس بيتغير عليا
تركي جلس يسمع الاغنيه ودمع وهو يصد بعد مده خلصت الاغنيه ومد تركي يده وبصوت مبحوح:عطيني بحط
اعطته تركي وارتفع صوت المغني:
جيتني مثل الشروق الي محى عتم الليالي
جيت فرحه للحزين الي من هموه هلك
عند سياره عزوز
جود:فهد نبي اسكريم
قبل لا يرد فهد وقف عزوز السياره ونزل
كادي وهي تناضر الشباك:وين بيروح ؟
فهد استغرب وشك:البقاله نازل البقاله
بعد مده ركب عزوز السياره والكل مستغرب
عزوز:معليش اشتهيت ايسكريم ونزلت اجيب
مد عزوز الكيس لورا واخذته ميعاد وهي تعطي جود وكادي من الاسكريم
كمل طريقه عزوز وهو يمشيهم
عند جوري بعد ما مشو البنات
