من الصبح قامت جوري وقعدت خواتها معها
جوري:ميعاد قومي يلا
ميعاد:اممم خليني انام
جوري:بروح اقعد الباقين او جيت ولقيتس مو قاعده اصرعتس
راحت جوري لروان :روان قومي يلا
روان وهي تمغط:كم الساعه
جوري:الساعه١٠
قامو كلهم وبقى رنا نايمه وطلعت جوري وسكرت الباب عليها
روان:خير خير وين الست رنا ما قعدتيها
جوري:خلوها هي تقعد من حالها
روان:اوف جوري تراني غرت بسرعه سوي شي يطفي غيرتي لا انفجر عليتس
جوري ضحكت وتقدمت وهي تبوس خدها:طفت ولا تبين بوسه ثانيه
روان بدلع:واهههههه انتي طفيتيها وخرفنتيني
ميعاد:وجع روان اثقلي
جوري:وفي احد يقدر يثقل قدامي
روان:حتى النرجسيه لايقه عليها
بدو يسوون فطور ويسولفون
تركي بتنحنح:كادي جيبي لي الكبده وليد يبيها
ميعاد:طقت مرارتي من هالكبده خلص ما تملون منها
دزتها روان وبهمس سمعه تركي:يكفي انها من يدينه
كادي:هاك الكبده
اخذها تركي ومستغرب من هي الي تكلمت وجلس يحاول يميز صوتها
عند ميعاد بشهقة:ياللي ما تستحين على وجهتس
قرصتها روان:اص انثبري
جوري تحس بألم مو طبيعي بس طنشت وكملت طبخ
افطرو البنات وجلسو يسولفون
ام كادي:يبناتي
ميعاد لفت عليها:هلا يمه
ام كادي:كم بقى ويجي وقت الدوامات
جوري بتطنيش:تونا بدايه العطله
روان بخوف:بنات ما اتجرئ افتح جوال واشوف التاريخ وحده تشوفه
اخذته جوري وهي تفتحه شهقت:يمهههه مسرع خلصت العطله
كادي:كم بقى
جوري:باقي اسبوع عليها
شهقو البنات
اريج:ما تقضيت للجامعه
روان:وانا ما تقضيت للمدرسه
ام كادي:معليه معتسن وقت خلينا نرجع وترحن السوق
نطت كادي :بروح اقول لابوي يرجعنا
ميعاد:وانا بقول لرياض
قامو ورفعو الفطور
كادي :يبه يبه
ابو كادي:نعم وش جيبتس خيمه الرجال
كادي بحنيه:معليه لابسه عبايتي ونقابي
ابو كادي بحده:وش بغيتي؟
كادي:الجامعه بعد اسبوع تبدا ودنا نرجع نتقضى لها
ابو كادي:صدز اجل يلا اقول لعثمان ونمشي
راحت كادي وقالت البنات وجلسو يلبسون براقعهم
ركبو السيارات ونفس ترتيبهم يوم جو
بس هالمره جوري ورا رياض
ميعاد بهياط:رياض فحط بنا
جوري جازت لها الفكره بس تصنعت البرود
رياض :ودي والله بس يمكن فيه ناس خوافين
جوري ببرود:مادخل الخوف قلب بنات ال جامح وقت الشدايد بيدخل على سياره تمايل
رياض:والنعم والله
وبدا يفحط فيهم وميعاد تصارخ وتضربه:تكفى وقف خلص
تركي بصراخ:الله وناسه منزمان عن التفحيط
ميعاد حست ان الضغط نزل فيها:رياض تكفى ما اكذب انك توقف فيني شي
وقف رياض على جنب وهو يلف وصاد عن جوري :وش فيتس
ميعاد وهي تهوي نفسها:مدري ضيق تنفس
رياض:نزلي شيلتس ما حولنا احد
نزلت ميعاد شيلتها وفتح رياض دريشته ودريشه تركي
وصلو ونزلو البيت وكل واحد توجه لغرفته
جوري رتبت اغراضها ووليد رتب اغراضه وهو يهبد عليها سوالف
دخلت اريج عليهم:ابوي يبينا تحت تعالو
نزلت جوري وراها وليد وجلسو وكان الجامح جالس ويحضنه خالد وجنبه الاميره وعلى الكنبه الثانيه كادي وجنبها اريج وجنبها تركي وفارس جلست جوري على الجنب الثاني وجلس جنبها وليد
الجامح:لقيت بيت
فزو كلهم وهم يناضرونه ينتضرونه يكمل
الجامح:شريته وبقى الاثاث
محد تجرئ يتكلم
الجامح:اذا تبون تشوفونوه قولي لي اوديكم
جوري :لا ماله داعي نشوفوه اصلا مالنا راي ليه نشوفوه
قامت:عن اذنكم
طلعت جوري ورقت فوق وهي متضايقه وتحس صدرها يحرقها
وجلست على الدرج وهي تقول بغصه:
ليت الاهل بضناهم يحسون
وليت لمشاعرهم يدارون
ما تفيد ليت وعسى
ولا تفيد دموع وحزون
تفيد ركعتين وبالسجود يطولون
قامت وهي متضايقه وراحت لغرفتها وهي تحس صدرها يحرقها فتحت البلكونه وسمحت للنسيم العصر البارد يداعب شعرها حست براحه جلست تناضر الشمس ويعتاب:
لا تحرقين نفسك عشان تدفينهم
كانت جوري ما تقصد الشمس كانت تقصد نفسها
وليد من وراها:جوري وش تسوين
لفت جوري له:ابد انخنقت قلت اطلع اتونس
بعد المغرب عند جوري جالسه مع روان ومعها رنا وبحضنها خالد
جوري:وين ميعاد
روان:ناديتها بس تقول بتنام
كادي دخلت وبيدها صينيه شاي:بنات متى ودكن نروح السوق
روان:الحين اذا تبن
كادي:تم بروح اكلم وليد يودينا
جوري:بنات خلونا نروح يساره وحده مع بعض
روان:تعالو معنا رياض او عزيز يودينا
جوري:لا انتي تعالي معنا
روان لفت على رنا:رنا وش رايتس؟
رنا كانت تلاعب خالد مو منتبه لها اخذت روان مخده وقطتها عليها
رنا بعصبيه:وجع وجع
روان:اسولف عليتس ما تردين
رنا:خير وش فيه
روان:بنروح مع جوري تروحين معنا؟
رنا:اكيد بجي معكم
جوري وهي قايمه:بروح اكلم وليد يودينا
روان :وانا بروح اعطي ابوي خبر
راحت جوري لوليد وقالت له ووافق
دخلت جوري عليهم:بنات يلا وليد ينتضرنا
اريج :بنات ما بروح بجلس عند ميعاد
جوري:طيب تبين اجيب لتس شي؟
اريج:لا انا اروح اشتري
طلعت كادي ومعها رنا وجوري معها روان وركبو السياره
وكان وليد يسوق وجنبه تركي
وصلو السوق ونزلو له
جلسو يشترون
عند جوري وكادي كانو يشترون ملابس للجامعه
وروان ورنا يشترون مراييل واقلام واغراض للمدرسه
روان:رنا شوفي هاذي ال
ما لقت رنا وجلست تناديها
روان :هاذي وين ذلفت جوالي بشنطتها
جلست تدورها وتلف بالمحل وما لقتها طلع برا المحل وجلست تتلفت
**:سنابك يمزه
روان سفهته وهي تتأفف من رنا
**:وش فيه الحلو زعلان تعالي اراضيك بالسناب
انصدمت روان وكانت بتتكلم بس صوت الكف سكتها شافت وليد يضرب بالولد :عساك الماحي وانت وامثالك
روان يخوف وهي تشوف الولد بيموت:وليد خله الله يخليك
تدخل تركي وهو يبعدهم عن بعض:خلص وليد خلوه
وليد تركه الولد وهو يتفل عليه :لا اشوفك توطوط عند بنات الناس يا رخيص
ولف على روان بعصبيه:وانتي وين الي معتس؟
روان:مدري وينها طلعت ادورها
رنا من وراهم:وش السالفه
روان لفت عليها وبعصبيه:وينتس من اليوم ادورتس
رنا وهي ترفع كوب الذره بوجهها:شريت لتس ذره
ابتسم تركي على طفوليتها
روان:رنا اذبحتس
رنا وهي تاكل :اذبحيني بس بعد ما اخلص الذره وحقتس باكلها ماني معطيتس الحق علي الي اشتري لتس
روان:زقوم انشاءالله
رنا:ببطنتس انشاءالله
ضحكت روان:ذكرتيني برياكشن
دق وليد على جوري وطلعو وركبو السياره
جوري:وش صاير
تركي:واحد تحرش بروان
جوري وهي تشمر اكمامها:وينوه جيبوه لي اذبحوه
تركي:اقول اجلسي بس وليد ما قصر رنه رن
جوري وهي تضرب كتف وليد:ايه هالعضلات لازم يشتغلن
وليد وهو يحس بغضب بس ساكت:خلصتن ولا باقي ؟
رنا وهي تاكل الذره:انا بقالي شويه اغراض نزلوني وبرجع في تكسي
تركي:معصي ترجعين بتكسي وانا موجود
رنا توترت:لا خلص اشتريهن بعدين
وضحكو البنات عليها
