روان وهي تفير شعر جوري:يالله وناسه احس كثر صديقاتي
رنا:ما عمرتس شفتيها وخليتها صديقتس
روان:معليتس بنشب لها لين تصير صديقتي
كادي:والله جود طيوبه وصدرها وسيع بتخليكم صديقاتها كلكم
اريج:اي حتى هي كانت تقول ليت عندي صديقات كثير
جوري:يابنات احترت وش البس
كادي:شوفي ملابسي فيه اشياء حلوه البسيها
رنا:جوري تعالي معي فيه فستان عندي يهبل لونه احمر وما عمري لبسته لانه مو مقاسي البسيه
جوري:احرجتيني والله عادي البس من مخوراتي الي عندي يعطيتس العافيه
رنا:معصي كل ما جاء احد لبستي مخور غيري شوي
ولفت على كادي:تعالي انتي خلصتي وابيك بشغله
راحت كادي مع رنا ودخلت رنا الغرفه قبل كادي وشافت عبدالله على سريره يقرا اشترت لها بمعنى نم ومافهمها شاف وراها كادي بس ما شافته وهو يقط الكتاب ويسوي انه نايم ودخلت كادي وهي تطل بالغرفه
كادي:فيه احد؟
رنا:لا بس عبود نايم ادخلي
فزت كادي :رنا عطيني شيله عساتس الماحي مدخلتني على الرجال وانا مفرعه
رنا قطت عليها شيله واخذتها كادي وهي تتحجب وطقت لثمه
رنا:يمه منتس تراه ماهو صاحي نومه ثقيل مثل ثقاله دمه
كان بيقوم عليها بس سكته كلام كادي
كادي:رنا عيب عليتس تراه اخوتس تقولين عنوه تسذا
رنا:هههههههه علامتس علي امزح معتس انا
كادي:شدراني كنتي جديه المهم معلينا وش ودتس اسوي لتس؟
رنا:ابيتس تسوين شعري كيرلي مثل هذيك المره طلعت اهبلللل
كادي:على هالخشم تبشرين
رنا:فديت الخشم
كادي:هههههههه طيب تروشتي من هاذاك الشامبو؟
رنا:ايه تروشت
رنا لفت وجلست تسويه كادي:اول شي تحطين هاذا الجل وبعدها تلفين خصله خصله باصبعك كذا بعد ما تخلصين تجيبين منشفه قطنيه وتسوين بشعرك هاذاي الحركه
رنا:هههههه وش قصدك تبيني اتعلم ما تبين تسوينه لي
كادي:حشى والله مقصد بس يعني اذا تبين تتعلمين
رنا:ياعمري ادري
كادي:خلصت
رنا وهي تناضر المرايه:الله كادي انتي فنانه صدق
كادي:بالخدمه انا
رنا سحبت كادي للدولاب وهي تاخذ الفستان وتوريه كادي
كادي توترت الفستان مره مفضح تفاصيل الجسم وقصير ابوها ماراح يرضى ابد
كادي:ايه حلو
رنا:يلا امشي
دخلو على البنات واريج شهقت:رنا شعرتس يجنن
روان توها مخلصه شعرها:وجع حتى انا امدحي شعري
جوري لفت على رنا:ابطيتو علينا
مدت رنا الفستان ودفتها الحمام :البسيه بدون لا تشوفينه وتعالي المرايه وشوفيه ولبسته جوري وهي تطلع
شهقت رنا:تعالي لازم اقرى عليتس ما راح تطلعين للضيوف بدون تحصين
جوري استحت تقول لها ما تبيه وكذا شحاذ ويتشرط؟
جوري كان جسمها يجننننننن ومخصر
رنا: ليه تغطين صدرتس طلعيه
جوري كانت ترفع الفستان عشان ما يبان الحرق:ماودي يطلع صدري
ميعاد دخلت وهي تلهث:يمه بنات جو
اريج:يالخبله ليه تجينا روحي ضيفيهم
ميعاد:يمه لا استحي
روان:بنت هيه خلتس سنعه وروحي قهوي الحريم
قامت جوري:انا جاهز مكياجي وشعري
رنا:حتى انا كل شي جاهز فيني
ومسكت يد جوري وننزلو تحت
وصلو غرفه الضيوف ودزت رنا جوري اول
جوري نست كل شي يوم شافت جود:ياهلا والله اسفرت وانورت واستهلت وامطرت
جود تقدمت وبدمعه:اشتقت لتس ياحيوانه
حضنتها جوري:وجع وليه هالدموع
جود:اشتقت لتس والله اشتقت لتس
جوري:وانا بعد اشتقت لتس عاد يلا فكي من حضني خليني اسلم على امتس ومرت اخوتس
ابعدت جود وهي تسلم على رنا وجوري سلمت على ام وسيم وسوسن
جوري وهي تقهويهن:يالله حيه
جود:جوري خلي عنتس القهوه وتعالي جنبي ترا عندي سوالف واجد بقولها لتس
ضحكت جوري وهي تجلس جنبها وجلسو يسولفون
رنا:ترا انا رنا حلوه البيت لا تجي تكذب عليك اختي تقول انها هي حلوه البيت تراه انا مو هي
جود بضحكه:كل ابوكم حلوات البيت
دخلت كادي واريج ومعها روان وورهم ميعاد
كادي:ياهلااااا
تقدمت جود تحضنهم :بنات وجع وربي اشتقت لكممممم كثيررر
روان:وجع تعالي سلمي علي
ضحكت جود وهي تتقدم تسلم:اخبارتس اعلومتس
روان:بخير عساتس بخير
روان:ميعاد وجع تعالي سلمي
ميعاد تقدمت وهي منحرجه:هلا
روان بضحكه:والله لو انتس داخله الشوفه الشرعيه
جود:يويلي هههههههههههههههههه
ميعاد:هيه وجع عاد
روان:جود لا تخلينها تطق ميانه تنشب لتس
ميعاد:يلبيه مابوه شين ازين من نشبه الحلوين
ميعاد نطت عليها:ياعمريييييييييي انتيييييي
مسكتها روان:فغصتي البنت اهجدي
وجلسو يضحكون
جود:بنات تدرون اننا بنسكن جنب البيت هاذا
اريج:شلون مافهمت
جود:ابوي مدري عنوه لقيناه شاري بيت من زمان
جوري استغربت مو بس ابو جود شاري بيت حتى ابوها وصدت وهي تفكر :ابوي ما جا هينا عبث في آن
بعد مده فزت رنا وهي تضيفهم على العشا :تفضلو تفضلو على العشا
جلسو ياكلو وعند جوري داهمهما الالم مره ثانيه بصدرها فزت وهي تنفض يدها:دايمه
راحت للمطبخ وهي تهوي نفسها وتشرب مي غسلت يدها وفزت وهي تسمع صوت رياض جاي لها:كيف اطلع بيصير بوجهي
رياض دخل وهو يصد :اخو نوره
فزت جوري وهي تسمع صوت ابوها جاي ناضرت لبسها وجلست ترجف
جوري :رياض تكفى ياعزوتي لا يشوفني ابوي
رياض توتر وبنفس الوقت كلمتها خلته يستعد يسوي المستحيل مسكها من يدها وهي يسحبها وراه ورا الباب
دخل الجامح وعيسى وراه عثمان:انا قلت لهم يشيكون على المغاسل الي برا بس عيال هالزمن يسمعون من هينا ويطلعون من هينا
دخل وليد ووراه تركي وفهد ووسيم وعزوز وعبدالله
شهقت جوري وهي تشوف الكل متجمع رفعت راسها لرياض وشافته مغمض عيونه تأملت وجهه وحست بشعور غريب
رياض بهمس:اذا ما نزلتي عيونتس بفتح عيوني
جوري كانت غرقانه بملامح وجهه الهاديه
رياض فتح عيونه:تتأمليني وما اتأملتس؟
ماردت جوري وحطت عينها بعينه وتوتر رياض وهو يرفع راسه ناضرت جوري تفاحه الدم الي برقبته ورفعت يدها وجلست تلمسها بلع ريقه بتوتر
ونزل راسه وبهمس :جوري لا تجنين على نفستس
جوري سفهته وهي تناضر شعره وتفاصيل وجهه رفعت يدها وهو يمسكها رياض .جوري وقفي
فكت يدها منه وهي تدخلها في شعره رياض مسك يدها وهو ينزلها و
رياض:جوري مستحيل انتي بعقلتس اصحي
جوري ناضرت فيه وقالت في قلبها:جوري وش تسوين
وعت على نفسها وهي تناضره:صد
رياض بضحكه وهو يطلع من ورا الباب:انتي الي صدي اكلتيني بعيونتس
جوري وهي منحرجه:تسذوب ما سويت شين انت الي ما صديت عني واكلتني بعيونك
رياض لاحض الحرق الي بصدرها:ليه ما حطيتي من الكريم الي جبته
جوري استوعبت وهي ترفع فستانها:رياض عساك الجرب نزل عيونك وجع
رياض نزل عيونه وبهمس:ماتدرين وش كثر تعبت عشان اجيبه لك
طلع وطلعت جوري لغرفتها وهي تجلس على السرير بتوتر رفعت كفها لوجهها وهي تتذكر ملمس شعره:الله يسامحني
قامت وغيرت الفستان ولبست جلابيه وهي تطلع البلكونه وجلس النسيم البارد يطير شعرها
رياض كان بالبلكونه الي جنبها شاف شعرها وصد
شافته جوري وابتسمت بنصر
رياض:
شفت شعرك وصديت
رصيت على اسناني وتحملت
ماعاش من كلمتك يهينها
ولا من عليك رفع عيونه
