دخلن البنات وجلسو يتكشخون
جوري حطت مكياج اسود هادي وفردت شعرها ستريت بدون تسريحه
روان حطت مكياج وردي ناعم وسوت شعرها على شكل كعكه وطلعت خصلتين
رنا حطت ايلاينر ومسكره وحمره بنيه وخلت شعرها كيرلي نفس ما سوته كادي لها
كادي حطت ايلاينر صغير ومسكره وايشدو خفيف وناعم وقلوس شفاف
ميعاد جدلت شعرها وطلعت خصلتين وحطت كحل داخلي ومسكره
اريج سوا شعرها ويفي وحطت ايلاينر ومسكره وقلوس بني
جوري:روان اطلعي من الحمام ودي البس جلابيتي
روان:اصبري ما خلصت
جوري:اوف الحين يجون وانا ماقضيت
روان طلعت:يمه منتس خلص خلصت
دخلت جوري الحمام بسرعه وجلست تبدل ملابسها
وطلعت ودخلت بعدها اريج تلبس وكل شوي وحده تدخل
وبكذا كلهم خلصو دخلت ام كادي وبيدها بخور:تعالن ابخركن
تقدمت ميعاد:انا اول
دفتها جوري :لا انا
دفتها ميعاد بقوه وطاحت جوري عند رجول امها وام كادي اهتزت ومقدرت تتوازن وطاحت المبخره على راس جوري ودخلت الجمره بثيابها صرخت جوري باعلى ما عندها وام كادي انخرعت وطلعت تنادي:يمه بنتي انحرقت بنتي انحرقت
سمعها رياض الي كان قريب من عندهم وركض لهم :وش صاير
ام كادي:بب بنتي انن انحرقت
انهبل رياض ودخل وهو يشوف جوري طايحه ومغمى عليها من الألم القوي وميعاد واقفه بمكانها ومصنمه واريج تحاول تصحي جوري لف على روان:روان وش صار
روان بشهقه:الجمره الجمره يارياض الحق محد طلعها
تصنم رياض وصارخت عليه رنا:رياض طلع الجمره طاحت في ملابسها
فز رياض وهو يتوجه لها وابعدت اريج عنها
رياض:وين طاحت بضهرها ولا بصدرها
ميعاد:بب بصدرها
رياض شق الجلابيه وشاف الجمره جالسه تحرق جسمها مسكها بخفه وقطها بعيد ولف على ميعاد:جيبي مي بسرعه
ميعاد ما قدرت تحرك رجولها
رياض لف على روان:روان جيبي انتي بسرعه
ركضت روان المطبخ وهي تصب مي وراحت تركض وعطته رياض واخذه وكبه على وجه جوري بس جوري ما قعدت انخرع رياض وجلس يصفق وجهها بجنون حط اذنه على صدرها ونبضات قلبها ضعيفه انهبل وجلس وحط يدينه على صدرها وجلس يضغط ويضغط وبعدها مسك خدها وجلس يضربه
رياض:عطر يبنات عطوني عطر
اخذت اريج عطر من التسريحه وقطته عليه وضرب راسه ونزف بس ما اهتم
اريج:معليش ما كنت اقصد
بخ رياض عطر على شماغه وحطه على خشم جوري وجابت روان كوب مي ثاني وكبه على وجهها شهقت جوري وهي تفتح عيونها
فزت ام كادي :جوري يمه تحسين في شي؟ يعورتس شين ؟نوديتس المستشفى
جوري وهي تحس صدرها مولع من الوجع بس ما تبي امها تقلق:لا يمه مافيني شي
قامت جوري تتصنع القوه:معليش تعبتكم معي
اما رياض كان جالس على الارض وحاط يده على وجهه
روان:رياض فيك شي ؟
جوري طلعت تغير ملابسها وراحت الحمام وهي تشوف صدرها كان مابين صدرها فيه حرق على شكل دائره رصت على اسنانها من الالم ولبست ملابسها وطلعت
عند رياض قام :لا مافيني شي
دخلت جوري الغرفه وتجمعو عليها
اريج:جوري اصدقيني القول يوجعتس شين؟
جوري:لا يا اريج هو صحيح فيه الم بس مو قوي عادي مره خفيف
روان:وقفتي قلبنا عليك
رنا:وقسم بالله اني حسيت ان صار لك شي
كلهم:بسم الله عليها
ميعاد تقدمت وبدموع:جوري تدرين اني مو قاصدتها لا تزعلين علي تكفين
جوري قربت منها:يابعديييي يا ميعاد ادري والله ادري هو انا اقدر ازعل عليتس
ميعاد:الله لا يحرمني منك
رنا وهي تناضر الباب:يبنات شكل الضيوف جو
جوري:روحو وانا اضبط شكلي والحقكم
طلعو وبقى جوري جلست تنشف شعرها الي كله مي
خلصت وجلست تضبط مكياجها وحطت دهن العود حقها وخلصت وطلعت للحريم
دخلت جوري بجمود:السلام عليكم
قامو الحريم يسلمون
ميهاف:اخبارك
جوري:بخير انتي اعلومتس
ميهاف:الحمدالله بخير
جوري جلست جنب رنا
رنا بهمس:لا تغرك تراها حيه
جوري بهمس:وش سوت لتس
رنا؛ابد ما سوت شي بس ما اطيقها كذا
دخلت روان وبيدها القهوه والشاي وحلا حطت الصينيه على الارض
فزت اريج وجلست تقهويهن
(تعريف عن عيله الزايد
الزايد:رجال كبير بالعمر طيب وطويل بال
منيره:كبيره سن عصبيه وتحب عيالها حيل
منير:الكبير عمره39مطلق وعنده ولده عدنان بأول جامعه
ميهاف:ثاني جامعه طيوبه حيل وجميله جدا تحب الروايات السعوديه والشاي
محمد:اول جامعه طعس ويحب التفحيط ويحب اهله حيل )
ميهاف قامت وجلست جنب جوري: شكلك مو من الرياض ؟
جوري:اي مو من هينا انا من الشمال
ميهاف:والنعم والله
جوري:ماعليتس زود
ميهاف:اعرفتس ميهاف
جوري:هلا والله معتس جوري
ميهاف:حلو اسمك جوري
جوري:انت الحلوه
ميهاف بدت تسولف على جوري وجوري حبتها وجلست تتفاعل معها
رنا:جوري اخوك يبيك
جوري استغربت وحطت شيلتها وطلعت :وليد انت هينا ؟تركي تركي
تلفتت وما لقت احد
رنا:ماحد يناديك انا ابيك تقومين منها هالميهاف
لفت جوري لها:رنا يا تقولين وش صاير يا مالتس شغل فيني البنت ما شفت منها شين
رنا بغصه:بلاك ما تعرفين شي
جوري وهي تشوف عزوز مقبل عليها :معي كلام ثاني معتس الحين شوفي اخوتس وش وده
دخلت جوري وجلست جنب ميهاف:اعذريني تأخرت عليتس
ميهاف وهي عارفه حركات رنا:لا عادي حبيبتي
عند رنا
عزوز بعصبيه :نادي لي ميعاد يارنا
استغربت رنا ودخلت وجلست تنادي ميعاد
ميعاد :خير خير وش فيكم
سحبها عزوز :ميعاد تعالي ابيك في موضوع
جلست يمشي ويده في يدها لين ابعدو شوي عن الخيام
جلس عزوز على التراب وجلسها معه
عزوز:تعرفين محمد؟
ميعاد:قصدك اخو ميهاف؟
هز في راسه ب ايه
ميعاد:ايه اعرفه من بيعد بس ليه؟
عزوز:تقدم لك
ميعاد:طيب انت ليش معصب
عزوز:سمعت انك كنتي تكلمينه
ميعاد بشهقه:مين قال هالحكي
عزوز:مالك شغل من قال
ميعاد :لا بالله ما عمري كلمته ولا بيننا كلام
عزوز بغبنه:راسلني رقم غريب وقال عنك كلام ما ينقال
ولف عليها وبصراخ:طعن بشرفك ياميعاد يبون يكسرون ضهري
ميعاد:ما ينكسر ضهرك واختك ميعاد وهالرقم الغريب بلغ عليه
عزوز:ميعاد انا واثق فيك تكفين لا تكسرين ثقتي فيك
ميعاد:ابد ما عاش من يكسر ضهرك يخوي
عزوز :يلا امشي
ميعاد:وش بتسوي مع الرقم؟
عزوز يمشي وجنبه ميعاد:انا اتصرف
دخلت ميعاد وهي منقلب وجهها
جوري :ميعاد عسى مو شر وش فيك؟
ميعاد بأبتسامه متصنعه:ابد سلامك
جوري سكتت ما حبت تضغط عليها
روان تكل بالجوال :عزيزجب من المطعم
عزوز:ايه من قبل لا تقولين لي انا اصلا طالب
روان:ايه عشت ما تقصر
قفلت روان وهي تلتفت على جوري وشافتها مجعده وجهها وواضح عليها الالم
روان:جوري وش فيتس؟
جوري :ابد سلامتس مافيني شي
سكتت وقامت
