روان:يحول هذول متى يجون؟
رياض:ابوي يقول نص ساعه وهم عندنا
رنا:احس كيوت انهم يجون عندنا وكذا
روان:ايه مره كيوت نسهر مع بعض ونسوي اشياء كثير احس حماس
عبدالعزيز:بتهبلين بالبنات انتي الله يعينهن
رياض:بقوم اسخن القهوه اكيد بردت
منعته روان وهي تجلسه:يولد من اليوم وانت تسخنها ما عليك ماهي بارده
عزوز:المفروض هم الي يتوترون مو انت ههههه
رياض:انتم ما فهمتوني ابوي يقول ماهم اي ضيوف
رنا:يشيخ عادي خل الوضع عادي وحالهم حال الناس الباقيه
___________________
نزلو من الطايره وسمعو صوت ابوهم:تعالو هينا
مشو وراه وشافو ابوهم يركب سياره فخمه كبيره حيل
الجامح:اركبو وش تستنون؟
ركبو وهم مستغربين مشى السواق ولفت كادي على ابوها:يبه هاذي انت مستأجرها؟
الجامح لف عليهم:لا هاذي صديقي مرسلها لي وبنسكن عنده فتره لين نلقى شقه لنا
انصدمو حيل وقالت جوري:يبه وش الي جالس تقولوه؟ما قلت لنا يوم كنا بالشمال ان السالفه تسذا
الجامح:وليه واذا قلت لكم بتغيرون راي يعني ولا تعصون اوامري؟
جوري:ابد محشوم بس على الاقل يكون لنا خبر
الجامح:لا يكثر والرجل حلف علي وهو صديقي من زمان مقدر ارده
سكتو وحسو بالاحراج اما جوري قالت دامه هو الي مجبرهم ماله داعي تنحرج وطلعت مرايتها وبحيث ان السواق بعيد عندها وهي ورا والسياره مضلله كشفت وجلست تضبط مكياجها
اريج بهمس:هاذا وقتس؟
جوري بنفس الهمس:لو لقينا بنات هناك يشوفوني وانا مبهذله لا حبيبتي
بعد مده لفت اريج على جوري
اريج :البسي نقابتس شكلنا وصلنا
لبست جوري نقابها وهي تناضر القصر كان كبير مره والرخام معطيه شكل جداً جميل
وقفت السياره وقال الجامح :يلا انزلو
محد قدر يتجرئ ينزل الا جوري كانت متحمسه مره
جوري:بعدو عندي خلوني انزل
وليد:لعنبو حيتس وجهتس مغسول بمرق انتي؟
جوري:قول الي تقوله الحين خلني انزل
نزلت الاميره وخالد معها وجوري وبعدها وليد وبعدها كادي وبعدها تركي وبعدها واخيراً اريج
وقفو وتوجهت كادي للدبه تبي تاخذ شنطتها بس وقفها السواق:انا انزلهم انسه
رجعت كادي وهي مستحيه وشافتها جوري:وش نوحتس تضحوكين؟
كادي بدلع:قال لي انسه
جوري :يشينتس بس امشي لا يسمعتس ابوي يتوطى ببطنتس
______________
روان كانت على الشباك:يبه ووصلو
نزول كلهم يستقبلونهم وكانت روان وميعاد ورنا بس متحجبات وورياض لابس ثوب اسود وعزوز لابس ثوب كحلي وعبدالله ثوب بني
طلع ابو رياض يسلم على ابو كادي :بالله حييييييييه
جلسو يسلمون على بعض بحراره
ابو رياض:اخبار ابو كادي ؟
ابو كادي:ابد نسلم عليك اخبارك انت؟
ابو رياض:ابد بخير تفضلو البيت بيتكم
دخلو البنات لغرفه الضيوف حقت الحريم والرجال دخلو الدوانيه
ابو رياض:يالله حيه والله انكم نورتونا
تقدم وليد وتركي وفارس يسلمون
وليد:الله يحيك اخبارك انت ؟
ابو رياض:بخير نسلم عليكم
تقدم رياض يسلم على وليد
رياض:منورين والله
وليد:اخبارك انت ووش وقعك؟
سكت رياض وهو يهمس لعزوز:اتوقع قصده وش ترتيبك بالعيله
رياض:الحمدالله بخير انا الكبير فيهم اسمي رياض
كتم ضحكته وليد وهو عرف انه ما فهم عليه:والنعم والله
رياض:ماعليك زود
تقدم عزوز يسلم:وانا عبدالعزيز
وليد:والنعم والله اعرفكم معكم وليد
كلهم:والنعم
تقدمو الباقين يسلمون وجلسو وقام رياض يقهويهم
اما وليد شاف ابوه يأشر له وهو يفز وياخد الدله :استرح انا اقهويكم
رياض:برجال عطني عيب انتم ضيوفنا
وليد:حلفت اقهويكم استرح
جلس رياض ووليد جلس يقهوي
اما عند البنات
دخلت اريج وكادي والاميره مستحيات اما جوري تلفت وشافت مافيه احد وهي تكشف وتقدم تسلم
ميعاد:هلا والله
جوري:هلا فيتس معتس جوري
اعجبت ميعاد بلهجه جوري :والنعم فيك معك ميعاد
جوري:الله يبقيتس
تقدمت رنا تسلم:هلا معك رنا
جوري:هلا فيتس والنعم
تقدمت روان:عاد انا حلوه البيت اسمي روان
جوري:يزنتس والنعم فيتس
تقدمت اريج تسلم وهي منحرجه:معتس اريج
ميعاد:هلا فيك
تقدمت رنا تسلم وبعدها روان
وجلسو وقامت جوري تقهوي :عنتس
روان:لا يعمري اجلسي انا اقهويكم
جوري:معصي اجلسي بس انا اقهويكم
روان:يابنت الحلال انتم ضيوف
جوري:روان ما ودي ازعل عليتس استريحي اقهويكن
جلست روان وهي مبتسمه
جلسو يسولفون ويعرفون عن نفسهم
روان:احس ارتحت لتس
ميعاد:اي والله حتى انا احسني ارتحت
جوري:يابعد تسبدي اي والله انا المحضوضه فيكم
روان:تمشين اوريك البيت واسوي جوله معك؟
جوري:اخوانتس موجودين؟
روان:لا هم بالدوانيه ماراح يجون
قامت جوري :اجل يلا
روان:نزلي عبايتك محد موجود
نزلت جوري عبايتها وخلت بس شيله المخور على كتفوفها
نثرت شعرها وخلته ينسدل على ضهرها
روان:مشاءالله شعرك يجنن
جوري :انتي الي تجنن
مشو مع بعض وجلست تقول لها روان عن المكان:هاذا الحمام الداخلي التحتي وفيه حمام بالحوش عند المشب وفيه مشب حريم ومشب رجال
تعالي اوريك الغرف فوق وانتي تخيري وين تبين تجلسين
مشت معها وهي توريها الغرف
روان:هاذي غرفه اخوي الكبير رياض انصحك خوذيها لانها شرحه حيل وتهبل حتى بعد شوفي فيه بلكونه جنبها بلكونه اخوي عبدالله بس مقفلها يعني تاخذين راحتك
جوري:لا احس غرفه اخوك ما ودي اطلعوه منها
روان:لا معليك شوفي بعد مفضي الدولاب هو بيجلس عند اخوي عبدالله
جوري:يعطتس العافيه ما تقصيرن والله
قاطعتهم دخلو الخدامه :هاذا شنطه مال جوري ووليد
روان:خلص حطيها واطلعي
تقدمت روان الشناط ومسكتها جوري:ليكون ودتس توزعين معي الملابس؟
روان:ايه ليه لا تقولين لا قبل شوي خليتك تقهوينا وماقلت لك شي خليني اوزع معك
جوري: احس صعبه
روان وهي تعطيها شنطتها:وزعي شنطتك وانا بوزع شنطه اخوك اذا ماعنده مانع
جوري:لا ماراح يقول شي
روان:اجل خلينا نوزع واكمل لك تعرف بنفسي
وصدق بدو يوزعون الملابس
روان:ايه وانا عندي تؤم اسمه عبد العزيز اكبر منه انا واحب الكوريين مره
جوري:انا اول سنه جامعه تخصصي قانون
روان:الله نفسي ادخل قانون
جوري:انشاءالله تدخلينه
نجي عند ميعاد واريج
ميعاد:ياعمري لا تستحين اعتبري البيت بيتك
اريج:يعمري ماتقصرين
ميعاد:اجل انتي الي بتجين عندي بالغرفه ويلا قومي معي نرتب اغراضك
قامت اريج معها وميعاد تهبد عليها سوالف وهي مستانسه عليها
ميعاد:انا اول سنه لي بالجامعه تخصص لغات وانتي؟
اريج:انا ثاني سنه في الجامعه تخصص دكتوراه
ميعاد:وش الجامعه حقتك؟
اريج:جامعه ال.......
شهقت ميعاد:نفس جامعتنا وناسه
اريج بحماس:صدز وناسه يعني نداوم مع بعض
ضحكت ميعاد على حماسها :ايه نداوم مع بعض
وجلسو يرتبون ملابسهم ويسولفون ويضحكون
عند كادي دلتها رنا على غرفتها وراحت
اما عند رياض دق على روان :الو روان
روان حاطه السبيكر وهي توزع خواتم وليد:هلا رياض
رياض:دايخ ما اشوف الطريق تكفين اطبخي العشا
روان:مهبول معرف اطبخ احرق المطبخ
رياض:شوفي رنا
روان:مالقيت الا رنا ههههه تبطي عضم
