عزوز يكلم روان بالجوال :روان ترا وصل الاكل تعالي انتي ورنا وميعاد شيلوه
روان:طيب يلا جايين
قامو وجابو الصحن الكبير
جوري قامت تقلطهم:اقلطو ياحريم على العشا
قامو ياكلون
جوري بنص الاكل حست بغصه وكان حلقها يشب نار قامت :الحمدالله
ميعاد:جوري تعالي ما اكلتي زين
جوري:كثر الله خيركم
طلعت جوري وهي تتوجه للغرفه الي جنب الخيمه
دخلت وهي تحس النار تاكلها نزلت جلابيتها من فوق وقعدت تهوي نفسها بس مقدرت الحراره كل مالها تزيد
طلت من الغرفه وشافت ما حولها احد طلعت وخلت الهوا يلفح شعرها وصدرها حست بالراحه ويوم هدا الوجع رجعت الجلابيه على صدرها ولبستها وجلست متكيه على الباب وحست انها متضايقه ورجعت تاخذ شيله وطلعت تتمشى لين ابعدت عن الخيام شوي وهي تنزل الشيله ونزلت دمعه معها مسحتها بقوه وهي تجلس على البطحه وتهوجس
جوري وهي تناضر السما:انا القمر وهو الليل
وبعدين وعت على نفسها:لحضه من هو؟
ورجعت تناضر السما:رب العباد يجيبه
وجلست تقول امنياتها وتدعي ربها
جوري بطفوليه:يارب عطني كرتون مصيصات
وبحزن:ويارب حنن قلب ابوي علينا يارب وربي تعبت من قسوته تعبت
نزت دمعه منها ومسحتها بقسوه وقامت ورجعت الغرفه وهي تحس انها هدت
روان فزت وهي تشوف جوري دخلت:جوري مهبوله انتي وين كنتي من اليوم ندور عليتس
جوري:وشو ترا ما اخذت عشر دقايق
رفعت روان الجوال بوجهها شهقت جوري:ساعه يمه ما حسيت في الوقت
روان:سأل عنتس وليد وجلست اصرفه واقول تراها عند الضيوف مدري وشهو وبالغصب راح
جوري وهي تنزل شيلتها وتجلس على الكرسي تمشط شعرها:اشوى اني جيت
روان:ترا راحو الضيوف بعد ما تعشو
رنا بأستهزاء:يدورون العشيات
جوري رمت المشط ولفت عليها بعصبيه:رنا وصمخ وش صاير علميني
رنا:كل الي صاير انها وحده *****
جوري بصراخ:وجععع وش قله الادب ذي يارنا ما توقعتها منتس الصراحه
رنا بغصه:ما تدرين ياجوري ما تدرين
جوري حست ان فيه شي
ورنا حست بغصه وانخنقت وطلعت برا
قامت جوري واخذت شيلتها ولحقتها
جوري :رنا رنا
رنا سافهتها وتمشي
جوري قدرت توصل لها وشدتها انصدمت وهي تشوف وجه رنا احمر والدموع غاسله وجهها شهقت رنا وضمتها جوري وحست بألم بصدرها بس تجاهلته وشدت على حضن رنا ورنا تشبكت فيها وجلست تشاهق وتبكي
جوري:بس يا امي بس فهميني وش صاير
بس رنا كانت تبكي وما قدرت تتكلم وبعد مده فكتها جوري وسحبتها الخيمه
جلستها وهي تقول:صدقيني يارنا محد يستاهل دموع عينتس فهميني السالفه غدي تنحل
رنا والغصه مو مخليتها تتكلم زين:ما تنحل يا جوري ما تنحل
جوري :قوليها لي وانا احلها لتس
رنا والسر كان كاتمها وكانت تتمنى تبوح لاحد عنه مسحت دموعها:شفتي ميهاف كانت اعز صديقاتي وكانت ملجئي وكنت احبها مره مره وهي صديقتي الوحيده بس صار شي خلانا نفترق
سككتها غصتها وفهمتها جوري وسكتت تنتضرها تكمل
بعد مده كملت رنا:وكنت اكلمها عن واحد احبه ويبي يخطبني له وكانت مستانسه لي وكنت انتضر بس خطبته لي بس فجأه كلمني وقال لي انه ما يبيني وجلس يطعن في شرفي ويقول اني رخيصه وكيذا بس تحسبيني بكيت؟لا جلست اهاوشه قال لي ما تبين تعرفين من الي قال لي عن حقيقتك؟قلت له انقلع عني وجلست اهاوشه بس ارسل لي اسم كان خارج توقعاتي وقتها نزلت دمعتي وانا مصدومه
وبشهقه:طلعت ميهاف الي شاده فيها الضهر
وهي تأشر على صدرها:الين متى هاذا يتحمل طعنات؟ الي متى ما تدرين وش كثر انقهرت يوم شفتك معها ما ابيك تنطعنين ما ابيك يا جوري ما ابيك
ضمتها جوري وبكت رنا بحرقه بحضنها
رنا:لاعاد تلوميني لاعاد تلومين شخص ما تعرفين عنه شي لاعاد لاعاد
جوري تمسح على شعرها :ابشري بس هدي خلص
وجلست تهديها الين ما حست بأنتضام انفاسها وعرفت انها نامت سدحتها وغطتها وطلعت وشافت وليد مقبل عليها
وليد:جوري وينك فيه
جوري بضياع:كنت مع رنا ليه
وليد:لا بس جيت اتطمن عليتس قالو لي انتس انحرقتي
جوري:ابد مافيني الا العافيه
وليد:اجل انا بنام مره تعبان
دخل وليد ينام وجوري عجزت تنام
دخلت تمسح مكياجها وسرحت شعرها ولبست جلابيه تطلع صدرها عشان كان يحرقها حيل وحطت شيله على راسها وطلعت برا
شافت خيمه الرجال مطفيه اللمبات والكل نايم حست انا تبي تسوي شاي على الحطب ورجعت الغرفه اخذت برقع وحطته وبدون عبايه طلعت وهي تمشي بشويش ووصلت المشب دخلته وهي تنضفه لان العيال محوسينه
وجلست وهي تشب نار وراحت تجيب اغراض الشاي وجلست تسويه
قعدت تقهوى وتحس مزاجها تعدل
طق باب المشب وهي تفز:من؟
رياض دخل وهو صاد :شوفي لا تزعلين اني دخلت هذاني صاد بس خوذي الي معي
ناضرت جوري الي معه وكان عباره عن كيس صيدليه
جوري:وش لوه؟
رياض:لي انا
جوري:طيب وش ودي فيه؟
رياض وهو يرفع كم ثوبه :شوفي انحرقت مثلك
شهقت جوري وهي تشوف الحرق :وش منوه؟
رياض :معليك وش منه ابيك تحطينه لي جالس يحرقني مره
جوري:وليه ما تحطوه انت؟
رياض:يدي توجعني من اليوم اسوق بيد وحده
جوري:رح خل خواتك يحطنه لك
رياض بحلطمه:خواتي نايمات وجالس يعورني مره
جوري:استرجل وجع
رياض:ليه يعني الرجل ما يتعور ولا تصرفين؟
جوري:جالسه اصرفك رح ماني حاطه لك
رياض بتمثيل:اهخخخخ يعور طيب عادي اصلا متعود على الالم انا مو بس يدي تعورني اصلا
جا بيطلع بس وقفه صوتها:خلص بحطه لك بس بشرط
ابتسم رياض ابتسامه نصر :وشو
جوري:خلك صاد لو شفتك تخطف نضرات افقع عيونك
تقدم لها وهو يجلس ومد يده والكيس وهو صاد
اخذت جوري المرهم وحطت الشيله على يدها عشان يكون حاجز بين يدها ويده وحطت المرهم على اصبعها وبدت تحطه على وتنفخ
لاحضت جوري الجرح الي في جبهته
جوري بهدوء:الجرح من وش
رياض بأستفهام:جرح وش
جوري:الي بجبهتك
رياض مسك الجرح وجلس يتحسسه:مدري توني انتبه له
جوري:طهره قبل لا تنام لا يلتهب عليك
رياض:على هالخشم
جوري:خلصت
رياض:امداك
جوري:خلص قم عني خلصت
رياض:طيب بقوم وخوذي المرهم لك
جوري:لا ما احتاجه انت تحتاجه
رياض بأنفعال:كل هالتمثيل واخرتها ما تبنيه الا تاخذينه غصباً عليك
جوري:تمثيل؟
رياض ادرك وش قال:اا اقصد ان
قاطعته جوري بصراخ:اطلع برا
رياض:اسف
طلع رياض وحست جوري بحرقه وهي تفك برقعها وشيلتها بس النار كانت قريبه والمكان كان مره حار طلعت تركض برا وهي تهوي نفسها وبعد مده حست انها هدت وهي تلبس شيلتها وبرقعها وترجع الخيمه دخلت وهي تنزل برقعها وشيلتها وانسدحت جنب اريج بس الافكار ماخلتها تنام قامت وهي تجلس بعيد عنهم واتكت على الخيمه
عند رياض طلع برا الخيمه بعد محاولات كثيره للنوم بس ماقدر شاف اثر جسم من ورا الخيمه وعرف انها جوري متكيه راح لها وجلس جنبها بس من ورا الخيمه وسمعها تغني بصوت منخفض:
واناديك ودموعي همايل
وفي الصدر تنهيده وحره
ورياض جلس يردد وراها بصوت واطي
جوري:
ليت احس بشويه شعور
مثل الحبايب ودي اشعر
رياض بهمس:ودي اخليتس تشعرين بس راستس عنيد
قامت جوري وانسدحت بتعب ونامت وقام معاها رياض وبكذا نامو ابطالنا
