قبل مده عند روان وعبدالعزيز
وقف عبدالعزيز قدام البيت:يلا انزلي نجيب العزبه
نزلت روان وراها عبدالعزيز
دخلو البيت وصدفت روان ام كادي وعندها خالد
اما عبدالعزيز توجه للدرج وتكلمت روان:وين البنات ما اشوفهم
ام كادي :هلا روان والله رايحين يشترون فساتين حق عرس وليد وجود ومنها للعيد
لفت روان على عبدالعزيز وتمنت انه ما سمع بس وش يفيد التمني؟
يوم شافت عبدالعزيز معقد حواجبه تقدم بخطوات سريعه لام كادي
عبدالعزيز:ياخاله
حطت الشيله على راسها ودخل هو على طول:عرس من قلتي عرس من؟!!
ام كادي:تعوذ من ابليس قلت عرس وليد على جود
عبدالعزيز:جود من ؟
ام كادي:مافيه غير جود عيسى يبيي
ارتخت ملامح عبدالعزيز وطلع بهدوء لحقته روان ولف عليها:كنتي تدرين صح؟
روان:ما ابي اضيق خلقك عشان كذا ما قلت
عبدالعزيز:وخليتيني ابني احلامي صح؟ خليتني ابني على شي راح صح؟ اعجبك وضعي وانا احب انسانه ما بقى شي على زواجها؟
روان والدموع تجمعت بمحاجرها:والله ياعبدالعزيز ماقدرت اقول لك والله حط نفسك مكاني
عبدالعزيز والبحه بصوته :ليه ما قدرتي وش الي منعك من انك تضربني كف وتقولين اصحى البنت مو لك
روان:عبدالعزيز اهدى
عبدالعزيز بصراخ:ماني هادي والزواج ماراح يتم
روان بصراخ اقوى:يعني تحسب اني راضيه على هالزواج انا؟؟؟'!
عقد حواجبه بعدم فهم وكلمت ببكاء:انا اموت الف مره بالثانيه بسبب هالزواج الي باقي ما تم
عبدالعزيز:وانتي وش يزعلك ؟ تشفقين علي يعني؟
روان حضنت عبدالعزيز وقالت بنحيب:انا احب وليدد
تصنم وجه عبدالعزيز واحتار فكره كان يحس بشعور يحرق قلبه وافكار تشوش راسه ابعدها عن حضنه :روحي جهزي العزبه
روان وهي تمسح عيونها :وانت وين بتروح
عبدالعزيز:بأنتضرك بالسياره
دخلت راون البيت وراح عبدالعزيز برا يحس بشعور يخنق وهو كان يخطط لمستقبلهم كيف يصير معه توجهه لبيتها والدموع تحرق عينه طق الباب وهو مو بكامل وعيه فتحت جود الباب وهي متلثمه:هلا عبدالعزيز وش بغيت امر؟
عبدالعزيز:سمعت بملكتك على وليد وجيت ابارك لك
جود:الله يبارك لك وعقبالك انشاءالله
عبدالعزيز:جود بقلبي كم كلمه تسمحين اقولها؟
جود:افا عليك قولها وانا اختك قولها
عبدالعزيز ببحه والدموع بعيونه:
فمان الله ياذابحه القلب ومشقيته
فمان الله يالي هدمتي احلام باقي مابنيتها
انتبهي للي سرقك مني وانا باقي ما احتويتك
انتبهي للي عذب مجنونك وذبح وريده
ان كانك سعيده عسى الله يزيدك
وان كان قلبك يحبه عسى الله يديمه
فمان الله ياذابحه القلب ومشقيته
صد ومن صد طاحت دمعته وكان بيرجع السياره بس كلامها وقفه:
اعذري ياعبد العزيز لو قلبك ما حبيته
واعذري لو بكلامي هاذا يهدم مبانييك
لاكن قلبي والله ماهو بيدي مسروق
لاتعاتبني وانت ادرى بالحب وافعاله
عسى ربي يشلع حبي من قلبك
وعسى لوحده ثانيه ربي يحط حبها
سكرت جود الباب وجلس عبدالعزيز على ركبه ويبكي بنحيب
عبدالعزيز ببكاء:ذبحتني والله ذبحتني
بعد مده جت روان من ورا الباب تنادي عبدالعزيز ياخذ العزبه بس محد رد خافت يكون صارله شي وطلت براسها على السياره وكان مافيه احد لفت على بيت جود وكانت متوقعه حيل انه يكون عنده شافته طايح على الارض وحاط وجهه بين ركبه وساكت ركضت له وقفته :ياعبدالعزيز قم ونا اختك لا تعذبني تكفى قم
وقفت جنبهم سياره وخافت روان بسبب شكلها الي مو ساتر
نزل منها فهد وركض لهم :وش صاير
صد من شاف شعر روان الي يتطاير مع الريح نزل شماغه ومده لها واخذته هي على طول
فهد:وش بلا عبدالعزيز
اما عبدالعزيز كان مثل الجثه الهامده ما يتحرك
روان:مابوه شين قم قم ياعبدالعزيز خلنا نروح
قام عبدالعزيز وهو شبه ميت وراح السياره
دخلت روان ولبست حجابها على السريع وحطت العزبه بالدبه وشافت فهد واقف عند سيارته راحت له ومدت الشماغ
روان:شكراً
فهد:روان وش بلا عبدالعزيز؟
روان:وش يفيدك لو عرفت بلاه ؟
فهد:يمكن اقدر اسوي شي
روان:خذ يافهد شماغك بلا اخوي مايقدر عليه الا رب العالمين
لفت وتوجهت للسياره وركبت وحرك عبدالعزيز بدون لا يتكلم
_____
ميعاد بهواش:وجع مخليني بالكوفي لحالي حتى الناس طلعت ونا باقي موجوده والكوفي يبي يقفل ونا باقي بزر عندكم عشان تنسوني بزر انا؟؟؟؟
رياض:يا ميعاد خلص غلطنا واسفين خلص لا تلجين راسي
ميعاد:تقهرون والله تقهرون
رياض وقف :انزلي انزلي توبه اخذتس معي
نزلت ميعاد وهي تتأفف
_________
نجي قبل مده عند سعود وميعاد
سعود لف على مهند:خلص تقدر تروح انا بشوف الزبونه
مهند وهو ماسك ضهره:والله سويت فيني خير يلا مع السلامه
طلع مهند وجلس سعود يتأمل ميعاد من بعيد لاحظ عليها توتر قوي وقرر يحاول يحفف منه اخذ دونات وحطها بصحن واتجه لها وحطه على الطاوله بهدوء ولف واخذ الممسحه وجلس يمسح الارضيه
اما ميعاد اخذت الورقه الي جنب الدونات وجلست تقرا
(ماله داعي تتوترين لو تأخر عليك الي يجيبك
بكون فاتح الكوفي لين تروحين
لا تردين الدونات مثل المره الي فاتت استمتعي فيها )
ابتسمت على الخفيف واخذتها وجلست تاكل وفعلاً خف توترها
عند سعود كان وده يقمز من الفرحه يوم شاف خدودها برزو من ورا دليل على ابتسامتها وجلس ينضف وهو يرقص من وراها
رنت بباله فكره وراح يركض لجواله وشبكه بالسماعه وحط اغنيه من اغاني اليسا وجلس يرقص المكنسه مع اللحن ويتخيلها ميعاد
بس صار الي ماكان بالحسبان وطاح سعود على وجهه
فزت ميعاد من صوت الطيحه وركضت له :صار لك شي ؟
اما سعود من قوه الاحراج الي يحس فيه سوا نفسه مغمى عليه
دفته بيدها:لو سمحت؟
بس سعود كان ما يتحرك توترت ميعاد من هالموقف الي ما تنحسد عليه وراحت تدور شي ولقت كوب مي على طول اخذت وكبته على وجه سعود فز بقوه وهو يشهق ماكان متوقع انه بينكب مي عليه عقد حواجبه من ريحه المي وفتح عيونه على وسعها يوم شاف الكوب الي بيدها :الي بيدك من وين جبيته؟
ميعاد بربكه:لقيته على الطاوله و...
سكتت من شمت الريحه يوم قربت الكوب من وجهها
سعود:ما لقيتي الا منظف ارضيات تكبينه علي الا يهديك
ميعاد:وانت ليه حاطه على الطاوله وبعدين فيه احد يحط منظف بكوب
سعود:انتي بعدين بدال ما تقولين لي الحمدالله ما صار لك شي تجلسين تهاوشيني
ارتبكت ميعاد من شكل بلوزته الي برزت عضلاته مع المنظف الي كبته:خلص قم قم لا يصير لك شي واصير انا السبه
سعود بمزح:والله لو يصيرلي شي ما تسلمين من دعاوي امي ههههههههه
ميعاد بهمس:لو عندي امي كان دعت عليك الحين
سعود:وش قلتي ؟
ميعاد:ولا شي
قاطعهم رنين جوال ميعاد توجهت للطاوله واخذت شنطتها وجوالها وردت على رياض وطلعت له
____________
وقف السياره دليل على وصولهم للمكان الي محد يجيه غيرهم
نزلت روان تنزل الاغراض وجلس عبدالعزيز وشب نار ويوم زانت الجلسه جلسو صبت له شاي ولف عليها عبدالعزيز :ليه زواج وليد يحرق قلبك هالكثر؟
روان:وش الي يحرق القلب غير حبيب ما انكتب له
عبدالعزيز:صحيح اننا توئم بس ما كنت متوقع اننا نحب اشخاص ويتزوجون بعض
هزت راسها بأسي وكمل:بس تصدقين انتي مره قويه
روان:ليه حكمت اني قويه؟
عبدالعزيز:انا لو هو على كيفي رميت حالي من فوق الجبل من قوه حزني وانتي مثل الجبل جالسه ولا كأن صاير شي
روان:ليه رحت بيت جود؟
عبدالعزيز:تخيلي يا روان
هزت راسها وكمل عبدالعزيز والدموع بعينه:
مريت من عند بيتها مشتغله انواره
جيتها لملكتها على غيري اهنيها
شفت الفرحه والوناسه بعيونها تلمع
احترت عيوني وعجزت اتحمل وصديت
وودعتها عساني بس من حبها اسلم
دمعت روان من كلامه وبحه صوته ونزلت راسها:
ياساتر استر علينا ياساتر
استر جروحنا واغفر خطايانا
حط عبدالعزيز راسه بحضن روان وبكى ينحيب
بادلته الحضن وبكت معه بحرقه
عبدالعزيز بنحيب:ليه كذا يصير معنا
روان:لا تقول كذا خلك قوي مثل ما عهدتك ياعبدالعزيز
على صوت بكائه دليل انه غير راضي على كلامها
_________
