الجمعه ليله رمضان 🤍
روان بصراخ:بنات الي حاطه السمبوسه على الزيت تجي احترقت
جت رنا تركض:نسيتها
اخذتها وطلعتها من الزيت
دخلت جوري ببرقعها :بنات بقى دقيقه عن الاذان وين باقي الفطور
رياض وهو يقطع البيتزا:هذاني توني خلصت البيتزا
تقدمت واخذت صحن فطاير الجبن الي سوتها:يلا تعالو
كل واحد اخذ طبقه وراح السفره وحطه
(سفره العيال لحال وسفره البنات لحال)
جلست رنا :والله انكسر ضهري
ميعاد:اسكتي بس كديتي تركي كد وهو مسكين واضح يحب الخير مغير يطيعتس
جوري بضحكه:ايه تركي راعي واجب
رنا بنفس الضحكه:يحب الخير واجد
روان الي كانت عند الشباك نطت عليهم:اذن اذن
اخذت ميعاد السمبوسه ومسكتها ام كادي:التمر اول
جوري وبيدها تمر:اتمنى تتأقمون على قوانين الوالده التمر اول
اخذت ميعاد تمره:ابشري ابشري
واخذو البنات بعدها تمر وبدو ياكلون
عند العيال
ابو رياض:ترا اليوم وصلو عيله ال زايد من السفر وعزمتهم هم وعيله ال ناصر وعيله مروان بكرا على الفطور
ابو كادي:الله يحييهم
بعد ما خلصو قامو العيال يشيلون الصحون وكذالك عند البنات
عبدالل دخل المطبخ وبيده صحن :والله ورق العنب يهبل من مسويه؟
روان:كادي مسويته
ابتسم عبدالله ولف على كادي الي كانت معطيته ضهرها :يعطيك العافيه وتسلم يدينك الاكل لذيذ
كادي :الله يعافيك عوافي
دخل رياض:بنات ترا بكرا معزومين عيله ال زايد وعيله ال ناصر وعيله مروان عندنا بالفطور
شهقت رنا ولفت عليه:يويلي هاذا منهو عزمهم؟ وفيه احد يجي ثاني يوم رمضان؟؟؟
رياض:ابوي عزمهم
جوري:بلاتس يارنا ما شفتي عندنا ابوي يعزم الحاره كلها من اول يوم رمضان
رنا:يمه الله يعينكم بس وربي تعب ما ابي اشتغل يكفي اني كديت واجد اليوم
دخل تركي وبهمس لرنا:انا اشتغل عنتس اهم شي ما تتعبين
ابتسمت رنا وراحت جوري وجلست تغسل المواعين
اما رياض شاف المغسله الي جنبها مافيها احد راح على طول لها ووقف جنبها وجلس يغسل مواعينه اما جوري ماكنت منتبهه له الين ما سمعت صوته يغني:
انا عمري مانسيتك انا ما صدقت لقيتك
وتسأل لو حبيتك وانا ذايب فيك
لفت عليه وشافته يناضر لها وعيونه تلمع دفته بذراعها على كتفه وبهمس:اخواني موجودين لا تعاين !
ابتسم رياض ولف وجلس يكمل غسل صحونه
عند رنا كانت مستحيه حيل من تركي الي كانت بين دقيقه ودقيقه يقط عليها كلام غزل
دفت تركي بالملعقه :تركي خلص
تركي ضحك بخفه:طيب طيب بس بقول لتس شين
رنا هزت راسها وكمل:لا خلص خلص خليها مفاجئه
رنا بهمس:على شحم
طلع تركي بعد ما خلص وطلع وراه رياض وبقى رنا وجوري بالمطبخ
جلست جوري على الكرسي وهي تنشف يدينها بالمنشفه
جلست جنبها رنا:جوجو
جوري الي عرفت من ملامح رنا وش تبي:وش مسوي تركي
ضحكت رنا:ابد مو مسوي شي بس احسه ناوي على شي تعرفين وانا عندي احساس انتس تعرفين
عقدت جوري حواجبها وسرعان ما ضحكت يوم تذكرت:اها ليه وش قال لتس
رنا:قال انه يبيها مفاجئه بس انا عندي فضول
جوري قامت:اجل بخليها مفاجئه
رنا:وجعه
جوري ضحكت:ترا وجعه كمله تركي
رنا:هههه صرت اقولها عشانوه
جوري طلعت:امشي امشي
لحقتها رنا وجلسو بالمجلس
ميعاد كانت منسدحه ونايمه وكادي على جوالها واريج على التلفزيون
جوري:روان وين؟
رنا:عند عزوز تقول منزمان عنه
جوري جلست:اها
اريج:بنات شوفو مسلسل جديد خلونا نتابعه
رنا طفت اللمبات و وانسدحت على فخذ جوري :يلا حطي
عند تركي
رياض قام وجلس جنب تركي:ببطنك شي طلعه من اليوم تناضرني
تركي:الصراحه اي فيه شي بس ماودي اقولوه هينا
رياض وقف:اجل امش المشب ابي اسوي شاي وانت قل لي
مشو للمشب وجلس رياض
وتركي يفرك يدينه بتوتر
رياض لف عليه بغضب:وترتني معك وش فيه؟
تركي قام وجلس جنبه:شف بقول لك بس اهدى وافهم اول شي
رياض عقد حواجبه:وش صاير
تركي:الصراحه انا ابي اختك رنا على سنه الله ورسوله
رياض:وشهو ؟وش معرفك فيها؟ومن وين عرفت اسمها؟
تركي:اهدى قلت لك وبعدين انا معرفها ولا بيننا شين انا قلت لاختي بخطب وابيتس تختارين لي بنت الحلال وقالت رنا تناسبك
رياض:بس رنا اكبر منك؟
تركي:طيب عادي الحب ما يعرف الاعمار
رياض:الحب؟
تركي مسك فمه:زله لسان والله
ناضره رياض بطرف عين ومسكه تركي من يده:رياض والله زله لسان
رياض ضحك بقوه وتركي قطب حواجبه :وش فيك؟
رياض :ههههههه شكلك وانت متوتر يضحك وبعدين صاحي انا ارد واحد مثلك بس كنت ابي اهبل فيك
تركي ضربه على كتفه:لعبت بأعصابي
رياض:هههههههه لما اتذكر شكلك يوه ههههه
تركي:خلاص رياض وجعه
رياض وهو يمسك ضحكته:خلص خلص
تركي:عاد نبي شورها عشان اخطب
رياض:ابشر ابشر
تركي:رح قل لها الحين
رياض:لا خلها بكرا
تركي فز:لا الحين تفكى عشان يمدي افكر
رياض:يولد اهجد مو الحين
تركي مسك يده:تكفى قل لها الحين نخيتك
رياض قام :اوف منك خلص الحين اروح لها
طلع رياض ونط تركي من الوناسه
رياض اتصل على رنا وقال لها تطلع برا
رنا :وش السالفه
رياض يمثل العصبيه:بينك وبين تركي شي؟
رنا دق قلبها بقوه:وش جالس تقول؟
رياض وهو كاتم ضحكته:سألتك ردي علي
رنا :رياض وش قصدك؟منت واثق من تربيه ابوي؟؟
رياض:لا تتهربين من السؤال يارنا بينك وبين تركي شي؟
رنا :لا ما بيننا شي
رياض:متأكده؟
رنا واخيرا عصبت وبصراخ:وش تبي توصل له؟!!!!
ضحك رياض بقوه وهدت رنا من ضحكته :وش فيك؟
زادت ضحكته:حتى نفس السوال هههههههههه
رنا ضحكت من ضحكته :ههههه رياض وجعه قم وقل لي وش فيه
رياض قام :منين متعلمتها وجعه هاذي؟
ارتبكت رنا :من جوري دايم تقولها
رياض ابتسم على طاريها:طيب بقول لتس شين
رنا:اخلص
رياض:تركي يبي يتقدم لتس ويبي شورتس قبل لا يخطب من ابوي
رنا دق قلبها بسرعه ونزلت راسها بحرج
رياض:ما ابي احرجتس بس فكري وعطيني رايتس وما انصحتس ترفضين تركي ولد الجامح ما ينرفض
لف رياض:فكري وردي لي
رجعت رنا وهي كلها هواجيس بتركي
تركي فز يوم شاف رياض :هاه بشر وافقت اسألك بالله وافقت صح؟
رياض:يولد اهجد رحت قلت لها وقالت بترد لي
تركي:طيب ملامحها كانت زعلانه ولا يعني باين انها راضيه
رياض:لا اله الا الله علامك
تركي:طيب تحسها راضيه؟
رياض:انقلع من وجهي لا انا بنفسي ارفض
قام تركي :لا خلص خلص بروح
الساعه 8 بالليل
اريج:بنات ملكه جود اليوم ليه ما تجهزتن؟
روان :صدز ملكتها اليوم على من؟
رنا قاطعتها :مابقى وقت امشن امشن
لحقنها البنات وجلسو يتجهزون بغرفه وحده كعادتهم
روان:يالله والله فرحانه عشانها
جوري وهي تسكر سحابي فستانها:يلا بنات تأخرنا
جوري كانت لابسه فستان ابيض وشعرها مخليته مفكوك ستريت ومكياج ناعم حيل وكعب ابيض
اريج لابسه فستان بني ناعم وشعرها ويفي مفكوك ومكياج بني ناعم وكعب بني
كادي لابسه فستان احمر ناعم ومسويه مكياج ناعم وحمره حمرا وكعب احمر غامق
رنا لابسه فستان اسود مخصر وشعرها كيرلي رافعته فوق بـ جل ومكياج اسود هادي وكعب اسود
روان لابسه فستان اصفر فيه نفشه خفيفه ومكياج ناعم مسويه شعرها ستريت وكعب ابيض
ميعاد لابسه نفس موديل روان بس لونه اخضر ومسويه مكياج ناعم وشعرها ويفي
طلعو البنات لبيت جود
عند جود كانت لابسه فستان فستان رصاصي نافش وكله كرستال ومكياج شوي ثقيل وشعرها رافعه خصلتين ومخليه الباقي ويفي
فزت من شافت البنات دخلو:بنات وينكم ابطيتو
جوري:هههه علامتس ارينا جينا
روان:اكشخ بتصيرين عروس
جود استحت :مو الحين اصير
رنا:تعالي تعالي اصورتس
وقفو البنات جنبها وثبتت رنا الكاميره وحطت العداد وركضت ووقفت جنبهم
كانت الصوره جميله جدا جود واقفه بفستانها الكبير وجنبها جوري الي من طبعت قبله على خدها والبنات مبتسمين كانت الصوره حلوه حيل
جوري:يلا خلونا ننزل وصلو الضيوف
نزلو البنات
عند العيال
وليد كان مره فرحان لان ابوه معه الي جا بالغصب
وتركي مبسوط من فرحه وليد
وصل الشيخ :السلام عليكم
وقامو يحيونه:وعليكم السلام
جلس الشيخ
البنات من سمعو ان الشيخ وصل راحو عند الباب يتسمعون
الشيخ :هل تقبل بـ جود بنت عيسى ال.... زوجه لك على سنه الله ورسوله؟
وليد وهو شوي ويخم الشيخ وبحماس:اقبل اقبل
دزه رياض:اثقل يولد
الشيخ وقف:ابي اسمع موافقه البنت
عثمان قام معه:اكيد
وقف الشيخ عند الباب وصد
الشيخ:بنتي باجود على تقبلين بـ وليد ابن الجامح ال... زوج لك على سنه الله ورسوله ؟
جود وصوتها مو راضي يطلع من كثر ماهي مستحيه:اقبل
اخذ ابوها الكتاب من الشيخ ودخل على جود:وقعي وابصمي هينا
مسكت جود الكتاب بتوتر وووقعت وبصمت
رجع عثمان لمجلس الرجال وراحت جود عند البنات الي من جا الشيخ راحو
دخلت تركض:بناتتتتت
رنا:وش فيه؟
جود:مدري مدري متوتره
روان:يلا ترا جا وقت يلبسك الدبله
جود :لا لا ما ابي خلص كنسلو
جوري مسكتها:قدامي بس ابطيتي على رجلتس
دفتها جوري على الباب:ادخلي برجلتس اليمين وسمي بالله
سمت بالله وفتحت الباب ودخلت وهي منزله راسها من الحرج
اما وليد الي من شافها دخلت وقف لا ارادي:يارب اسألك الثبات
تقدمت جود بشويش وجلست بعيد عنه ابتسم وليد على حمره خدودها وقرب منها وقشعر جسم جود من حست بأيدينه على خصرها
وليد بأبتسامه عذبه:مبروك لي ولك يا اجمل عروس
جود استحت بزياده وقالت بهمس:الله يبارك فيك
وليد رفع وجهها بأصبعه :ادري انك منحرجه بس لازم تتعودين علي يا جودي
جود شتت نضراتها ما تقدر تحط عينها في عينه قرب وليد وباس جبينها ونزل لخدها وباسه بخفه عضت شفتها بقوه وهي مستحيه
ابتسم وليد وقرب وسحب شفتها بأصبعه بس هي ضلت عاضتها وما فكتها ضحك وليد بخفه : فكيها ابي اخذ نصيبي منها
جود ارتبكت حيل :ما ودك تلبسني الدبله؟
وليد ابتسم على تصريفتها:ودي بس ودي اول اخذ نصيبي
جود ارتبكت من اصراره ومدت يدها واخذت الدبله وحطتها بيده ومدت يدها له:لبسني
مسك وليد يدها :عطني يدك الثانيه
قطبت حواجبها وحطت يدها الثانيه وبحركه سريعه منه مسك يدينها الثنين وثبتهم على الجدار واعتلها ودمج شفته بشفتها وسعت عيونها من الصدمه وشافت وليد قريب منها حيل ومغمض عيونه وجالس يبوسها قعدت حواجبها بألم يوم حست فيه يعضها بعد عنها وزفر بعضب:ليه ما بادلتيني
جود :وليه عضيتني؟
وليد ابتسم:عشان اعلمك ان بس انا الي اعضها
لفت جود بأبتسامه ومسك يدها ولبسها الدبله وباسها بخف :ما ودك تلبسيني
لفت جود عليه واخذت الدبله ومسكت يده ودخلتها بأصبعه
ابتسم وليد واخذ بوكيه ورد الجوري وكان وسطه فيه علبه :هاذي الهديه الوحيده الي مني الباقي من البنات
ابتسمت جود وهي تاخذ الباقه وفتحت العلبه توسعو عيونها بدهشه كان فيها سلسال ناعم كرستال على شكل قلب يلمع
اخذه وليد ولف عليها جود نزلت سلسالها الي كانت لابسته وتقدم وليد وحطه على رقبتها وقرب منها عشان يسكر قفل السلسال وفعلا قفله بس ما ابعد الا دفن وجهه برقبتها رفعت كتوفها بقشعريه ورفعت راسها يوم حست فيه يبوس رقبها بعدته عنها بخفه :وليد خلص
ابعد وليد وهو متخرفن حيل ويحاول يثقل
جود بمحاوله فتح سالفه وليتها ساكته:يلا قل لي وش امنيتك؟
وليد ضحك بخفه:امنيتي؟
هزت راسها وقرب منها وبخفه باس طرف شفتها
شهقت وابعدت :وليد وش تسوي خلص
وليد:طيب هاذي امنيتي
جود:تستهبل ؟
وليد:لا ما استهبل امنيتي ابوس الشامه الي عند شفتس
جود عقدت حواجبها:شلون عرفت بها؟
وليد رجع ضهره على الكنب:والله سالفه طويله
جود تحاول ترضي فضولها:قل تكفى
وليد وهو يأشر على شفته دزته جود بخفه:انقلع ما ابي اعرف
وليد:كيفتس
جود لفت عنه تكابر بس فضولها يذبحها لفت عليه وشافته مغمض عيونه
وليد:يلا سهلت لتس المهمه
عضت شفتها بتوتر وقربت منه وغمضت عيونها وقبل تبوسه قطع عليهم طق الباب اعتدلت على طول وجلست تضبط شعرها وهو اعتدل بجلسته يعدل غترته:ادخل
جوري طلت من الباب :عسى ما ازعجتكم؟
وليد:لا مافيه ازعاج اطلعي برا
جوري:ههههه لا والله
ولفت على جود الي جالسه ووجها احمر :وش مسوي بها يويلي
وليد رفع كتوفه:ما سويت شين
جوري:طيب يلا خلص طولتو
وليد :لا وين ماصار لنا كم
جوري:وشهو تبي ابوي يمحطك بالعقال قم قم
وليد زفر بغضب :اوف منتس تراني كبرت ما اتحمط بالعقال وبعدين الحين اطلع بس لفي شوي عننا
ضحكت جوري :وجعه وليد استح على وجهك
وليد:اقول لفي بس
لفت جوري ووليد ناضر بجود واشر على شفته وسعت عيونها وبهمس:جوري موجوده
وليد بهمس:بسرعه
ناضرت جود جوري ولفت على وليد وبسرعه طبعت بوسه على شفته وكانت تبي تبعد بس هو سحبها وباسها بقوه
جوري استحت حيل وطلعت على طول سكرت الباب وحطت يدها على قلبها:هذول ما يستحون على وجيهم
ولفت على الباب:اوريهم ما دارو مشاعري والله لا اخرب
طقت الباب بقوه وفز وليد :ادخل
جوري بتمثيل العصبيه :ابوي يقول....
سكتت يوم شافت منضر شفه وليد وجود
جوري صدت:وليد امسح الحمره الي على شفايفك واطلع الحين.
ابتسم وليد يوم شاف جود غطت وجهها بيدينها بحرج وهو يتلثم وباس جبينها وطلع دخلت جوري :تعالي اضبط لتس الي خربه رجلتس
ابتسمت جود بحرج وجوري جلست تضبط لها الروج خلصت وجلست تضبط شعرها شهقت يوم شافت رقبتها :لا والله لو سويتوها كاد ابرك
جود ضربتها :انا مالي دخل حاسبي اخوتس قلت له يلبسني السلسال وهاذي سواتوه
جوري غطته بشعرها :خلي شعرتس تسذا لا تبعدينوه ابد
هزت راسها وقامت :يلا امشي
راحو للبنات
اريج وهي تربط نقابها:يلا جوري مشينا
جوري :روحو انا بسهر مع جود
رنا:جود انتي تعالي عندنا
جوري:معصي ماراح تجي
رنا:ليه وش فيه
جوري :وليد بالبيت ما راح تجي
رنا:ههههه جوري مفرقه عربان
______________
عند عيله ال جابر
سعود يكلم بالجوال :وجدان اخلصي علي ترا والله ماراح اوديتس
وجدان :يلا يلا
جت تركض وبيد معها نقابها وبيد نعولها:جيت جيت
ركبت ولف عليها سعود:ليه طالعه بدون نقاب؟
وجدان رفعت النقاب بوجهه بعفويه ولفت تفك المرايه الي فوقها:اعجلتني مالحقت
ربطت نقابها ونزلت تلبس نعولها
سعود:شوفي بوديتس معي الكوفي عشان امي وابوي مو بالبيت بس لو سويتي مشاكل يويلتس مني
وجدان:شايفني بزر اسوي مشاكل
سعود:ايه بزر ووغده وطفله
وجدان عصبت:وجع
سعود:شفتي من اي شي تعصبين عليه اهجدي بس
وصل الكوفي حقه ونزلت وجدان متجاهلته
(تعريف
جابر :مشغول دايم بشغله وما عنده وقت لعياله عمره50 عصبي حيل
حنان :اسم على مسمى حنونه مع عيالها حيل وتحبهم حيل عمرها42
سعود:وسيم جدا يملك ملامح حاده ومتكبر حيل ويشوف نفسه اجمل رجل بالعالم موضف في كوفي عمره 22
وجدان:فروشه حيل وتحب العب بس اذا عصبت خافو منها شعرها طويل وملامحه طفوليه بأختصار البنت جميله جدا صف ثاني ثانوي عمرها 17)
