دخلت جوري ومعها روان ورنا وكادي ووراهم وليد وتركي وفزو على صراخ ميعاد ركضو لفوق دخلت جوري الغرفه بسرعه وهي تشوف ميعاد تصارخ وتأشر على الدولاب:بيذبحني بيذبحني
واريج تبكي بالزاويه
جوري بصراخ:وش صاير
اريج وهي ترجف:صص صار ل لها عع عشر دقايق تصارخ
جوري ناضرت ميعاد وكانت تصارخ بهستريه قربت منها وصرخت ميعاد:يذبحني لو قربتي مني ابعدي ابعدي
ابعدت جوري ودخلت روان وهي تلهث ومعها رنا :وش صاير
جوري لفت على روان وقالت بصوت بس هي تسمعه:جيبي السماعات الي عندك واشبكيها بجوالتس وتعالي
راحت روان وهي ضايعه وتسوت الي قالت جوري رجعت وبيدها سماعه صغيره وجوال اخذتهم جوري وحطت رقيه شرعه وهي تعلي الصوت
بدت ميعاد تصارخ بقوه :طفوها طفوها بموت طفوها
روان خافت :جوري خلص طفيها
اما جوري ما خافت ابد بالعكس علت الصوت اقوى وصراخ ميعاد كان عالي جداً
بعد مده طفت جوري الرقيه وقالت بهدوء :ما ينفع
هدت ميعاد وهي تنام على طول
اما جوري ف لفت على روان:وين اخوتس رياض
روان دلتها عليه وطقت الباب
رياض:من؟
جوري :رياض اطلع ودي اكلمك
رياض فز و طلع وهو صاد :هلا بغيتي شي
جوري :اختك ميعاد
رياض:علامها
جوري:ودوها شيخ
رياض:ليه وش فيها
جوري بعصبيه:تستهبل معي ما تسمع صراخها؟
رياض:لا كنت حاط سماعات
جوري:ودوها بدون لا تدري
رياض:كيف بدون لا تدري ؟
جوري وهي تصد وتروح:بكرا اقول لكم
دخل رياض غرفه عبدالله وراحت جوري ودخلت غرفه رياض
مر هاليوم على خير وكلهم نامو بعد العشا
_______________
فهد وبحماس:جوديييييي جوددددددد بشاره بشاره
جود:انخطبت
فهد ضربها على كتفها بخفه:وجهتس مغسول بمرق انتي
جود:بشر وش هي
فهد:بننهج يم الرياض
جود بشهقه:وشهو
فهد:الي سمعتيه
جود:ليه طيب؟
فهد:علمي علمتس قال لي ابوي بنمشي يمها بس ما قال ليه
جود:عادي اهم شي نروح اهخخخ اشتقت لجوري تصدق توني كنت افكر فيها
فهد :يلا اجهزي ترا طيارتنا بكرًا انشاءالله
جود:يمه مسرع حجزتو
فهد وهو طالع برا الغرفه:مدري عن ابوي هو الي حجز
اما جود طارت من الوناسه وجهزت شنطتها وما قدرت تتحمل وهي تدق على جوري بس ما ردت وعرفت انها نامت عجزت تنام من الفرحه وجلست تتخيل شلون شكل الرياض
______________________
ومن الساعه ١٠الكل صحى
جوري وهي تسخن الخبز بضحكه عذبه:عقب غيروه كنتم تصحون العصر وعدلنا نومكم
رياض عند الباب بس ما يناضرها:عدلتيهم وبعثرتيني مو عدل الي تسوينوه
شهقت جوري وهي تحط الشيله على راسها:رياض وش تسوي هينا
رياض:ابد جاي اسمع خطتس
جوري :ماني فاضيه لك رح
رياض:قولي لي اول تكفين
رفعت جوري حواجبها:وش نوحك؟
رياض:وشهي هاذي بعد
دخلت رنا وهي تعفس وجها:وش ريحه الحراق ذي ؟
فزت جوري وهي تلف على الخبز وشافته محترق كله :يوهههه نسيت الخبز
رنا:رياض وش تسوي هينا
رياض:ابد هاذاني طالع
روان وهي تقطع سلطه وذهنها شارد كله وماهي مع جوري من الاول دزتها رنا:وش فيتس
روان :مافيني شي
جوري:رنا حبيبتي كملي تسخين الخبز الحين اجي
راحت جوري وهي تفتح جوالها وشافت مكالمه فائته من جود دقت عليها
جود الي اصلا ما نامت:جوريييييييييي
جوري:وجع قصري صوتس
جود:جوري ياجوري عندي بشاره اتحداتس تعرفين وشهي
جوري:اخلص علي ماني قاريه افكارتس
جود:ببنهج يمكم
جوري:كيف يعني؟
جود:بنجي الرياض تخيلي
جوري بحماس:صدزززززز احلفييييي
جود:والله وطيارتنا لكم بعد شوي ووناسه حتى انا ما نمت من امس
جوري:ههههههه خبله انتي عاد نامي في الطايره
جود:مانمت في السرير تبيني انام في الطياره الي ولا مره ركبتها لا بالله
جوري:الا ما قلتي لي وش لكم في الرياض
جود:والله مدري ابوي قرر وحجز بسرعه كلنا ما ندري وامي امس كلمت المديره حقت الجامعه ونقلتنا لجامعه ال***** الي بالرياض
جوري بصراخ:جودددد انتي بجامعتيييييييي
جود:صدزززز وناسههههههه احس بيطق عقلي من كثر الاشياء الحلوه الي صارت
جوري :هههههههه عسى افراحنا دوممم
جود :اميننن يارب يلا بقفل هاذا فهد ينادي علي
جوري:انتبهي لنفستس
جود:ابشري
قفلت جوري منها وهي تركض للبنات
جوري:بنات تخيلو جود واهلها جايين الرياض
فزت اريج:صدز ليه
جوري:مدري تقول ابوي ما قال لنا ليه وتخيلو انها بنفس جامعتنا
كادي:وناسهههه وربي اشتقت لها
روان:فهمونا وش السالفه
جلست جوري وهي تقول لروان من هي جود وانها قريبه منهن وصحبتهم
رنا:يعني بينسحب علينا حنا
كادي قبصت خد رنا:انتم غير والله
رنا:ياعمري وربي اطلق خوات
ابتسمو وهم صدق يشوفون نفسهم خوات واكثر بعد
دخلت ميعاد وهي تلحن ولا كان صاير شي:
هنعيش يلا بينا نعيش
هنغني كمان وكمان
وهنرقص على الاحزان
توترت اريج وقالت جوري:اشوفتس اليوم مروقه
ميعاد:اي والله احس براحه مدري كذا راحه
جوري:عساه دوم
ميعاد:امين
جوري التفت لميعاد وقالت لها عن جود
ميعاد:الله وناسه خليها تسير هينا
جوري :لا حنا بنروح لها
ميعاد:تم
رنا:صاحيات انتن البنت اكيد ما عندها بيت وبيجلسون بفندق نداهمهم الفندق يعني
جوري:اي صح نسيت
ميعاد:قلت لتس خليها تجي
جوري:بنات احس فشله اعزم ببيتكم
روان:جوري لاعاد اسمع منتس هالكلام بيتنا بيتكم شدعوه عاد
جوري:بعد عمري والله
قامت جوري وهي تكلم وليد
جوري:وليد
وليد:هلا
جوري:بشاره
وليد:بشري
جوري:ابو وسيم واهله جايين الرياض
فز قلب وليد:صدز يالله حيهم
جوري:ايه صدز علم ابوي واخواني
وليد:ما قلو لتس ليه جايين؟
جوري:لا ما قالو لي
وليد:اجل انا بقفل اعلمهم
قفل وليد وقلبه طاير من الفرحه
وليد:يبه شفت عيسى ابو وسيم؟
الجامح:ايه اعرفه وش فيه؟
وليد:جاي اليوم الرياض
الجامح:صدز يالله حيه
عثمان:الله يذكره بالخير
وليد:ياعمي انت تعرفه؟
عثمان:وشلون ما اعرفه هاذا صديقنا من الابتدائي
وليد:الله يديمكم
عثمان قام ونادا رياض
ابو رياض:رح يوليدي واذبح ذبيحه وخل المطعم يطبخونها وجبها هينا
رياض وهو يناضر ساعته:ما اتوقع يبه يمدي
ابو رياض:لا معليك يمدي يمدي
راح رياض وسوو الي قاله عليه ابوه
اما الجامح دخل على بنات وقال ان فيه عزيمه
فزو وراحو يعلمون الباقين وجلسن يتجهزن بغرفه وحده
