روان استغربت وهي ترفع الغتره شمتها وكانت كلها ريحه عود
روان جلست جنبها :وش صاير
جوري:روان وربي معصبه مالي خلقك
روان باصرار:لابالله تقولين لي وش صاير
لفت عليها جوري وكانت صدق تحتاج احد تقوله الي صار وقالت لها كل شي
روان:هههه هاذا رياض الثقيل المحترم الي ما يحط عينه بعين البنت علامه قلب كذا
جوري:اسمعي ياروان قولي لاخوتس لاعاد يعيدها ماني من البنات الرخيصات اذا ما يرضاها على خواته لا يرضاها على بنات الناس ولاعاد اشوفوه يوطوط عن خيمتنا
روان:خلص الشوفه الاولى له وبعدين الي يشوفك ما يضيع يعني والله لو اني ولد تزوجتك
جوري بغرور:هاذا الي مخليني اسكت لان محد يلومه
روان:يافديت النرجسيه
جوري:قومي قومي خلينا نسوي الغدا
روان:لا خليك جالسه اقول لرياض يسويه
جوري :لا لا انا ودي اسويه
روان سفهتها:بجيب القهوه والشاي واجي
راحت روان ومعها غتره رياض
روان:خذ غترتك وتراها تقول لاعاد تشوفك توطوط عند خيمه الحريم
رياض:ياخي افهمني ورب العباد ماكانت في النيه بس شعرها يتطاير وكذا مدري حسيت ابي المسه
روان:وجع ما تستحي تقولها كذا
رياض:اعتذري لي منها تكفين
روان:طيب طيب بس سو الغدا
رياض:ابشري الحين اسويه
راحت روان وبيدها صينيه القهوه والشاي
روان:حضرت لكم احلا قهوه وشاي
اريج:يعطيتس العافيه
جوري:الله يحلي ايامتس
رنا:ميعاد هبلتي بخالتي خلص ارحميها
ميعاد بحضن ام كادي:والله انها تونس ازين منكم
ام كادي:يزين بنياتي
ميعاد دمعت وهي تلف على ام كادي:عادي اناديك يمه ما عمري قلتها
ام كادي:يابعد تسبد امتس ايه عادي
تقدمت جوري:شوفو سرقت امنا
ميعاد بتمسكن:خلوها امي معكم انا معندي ام
سكتو ولا حد تجرئ يتكلم وميعاد يوم ادركت ان الموضوع حساس قالت:اجل انقعلو هاذي امي بعد مو بس امكم
ام كادي حضنتها:ايه وهي صادزه مو بس انتم بنياتي حتى هي بنتي
روان مدت الفنجان لها:سمي
ام كادي:سم الله عدوتس
وجلست تقهويهن روان
دخل وليد وهو يتنحنح
وليد:جوري تعالي
قامت جوري وحطت شيله وراحت له:هلا بسندي
وليد:هلا فيتس جيت اقول ابو رياض عزم ناس بيجون بعد المغرب
جوري:زين اجل اعلمهن انتبه لنفسك ولاخواني
وليد:وانتي بعد
دخلت جوري وهي تقول :يبنات ترا بيجونا ضيوف بعد المغرب
روان:غريبه من بيجي
صدت رنا:مغيرهم عيله ال زايد
جوري :وهذول منهم
رنا:هذول ناس ينشبون بالحلق
روان:عيب عليتس يارنا ماشفنا منهم العيب
جوري بضحكه:يزين لهجتنا على لسانتس
روان:افا عليتس اعجبتس ومن اليوم ورايح بحتسي فيها
جوري بضحكه اقوى:هههههه مو ضابط
روان بطرف عين:وش قصدتس
جوري:ابد ما قصدي شين
وجلسو يسولفون وميعاد بحضن ام كادي تهبد عليها سوالف والاميره مستانسه عليها وجوري مع رنا واريج وكادي وروان يحشن
وليد:يا جوري
جوري:هلا وليد
وليد:قولي لروان تجي اخوها ودهياها
روان فز قلبها يوم سمعت اسمها بالسانه
جوري استغربت وقامت له:وراه ما يجي يشوف اختوه؟
وليد:مدري عنوه يقول ما ودوه يجي خيمه الحريم
ابتسمت جوري وعرفت انه يلبي طلبها ولفت على روان :اخوتس يبيتس روحي لموه
روان تحجبت:يلا هذاني جايه
راحت روان له وشافته بالمطبخ وقدامه صحنين
روان:براسك شين؟مخلي الولد يناديني
رياض:ماخليته يناديك خليته ينادي اخته واخته تناديك
روان:ايه ماقصرت وش تبي اخلص علي
رياض:ودي الصحن لهن
روان بعصبيه:اوف منك ماقدرت تتصل ولا تخرعني تسذا ؟
رياض بضحكه:انعديتي بهالسرعه
روان هدت يوم شافت ضحكه اخوها :ياخي شسوي لهجتهم حلوه
رياض:ما الومك
اخذت الصحن وطلع متوجه لخيمه الحريم
حطت الصحن وبدو ياكلون
حط رياض الصحن:اقلطو على الغدا
خلصو اكل وشالت الصحن ام كادي ووقفتها ميعاد:وش بتسوين فيه؟
ام كادي بمزح:بسرقه بغسله يعني وش بسوي فيه
ميعاد :لا بالله انا بغسله
جلسو يتحلفون منهي تغسله اخذته جوري بدون ما يحسون وراحت المطبخ وهي تلحن:صاينن حبتس ولا اتبع دروب الخاينين
تصنمت وهي تشوف رياض يغسل
رياض وهو صاد:حطي الصحن واطلعي انا اغسله
جوري حطت الصحن وطلعت
رياض لف:شذي حتى ماقالت عنك
وكمل تنضيف
عند جوري دخلت وابتسمت بنصر
شافت ميعاد تشيل السفره
ميعاد:هههه انتي شلون شلتيه بدون لاحد يحس
جوري:شفتكم لاهين قلت اخذوه ومحد حس
طلعت ميعاد وبيدها السفره وروان جلست جنب جوري وبهمس:امداتس غسلتي الصحن
جوري:اخوتس غسلوه مهوب انا
روان :ههههههه كديتيه
عند ميعاد دخلت المطبخ وشافت رياض يغسل الصحن الثاني
ميعاد:الحين مو جوري الي غسلته؟
رياض لف عليها وبعصبيه :كانت بتغسله بس انا منعتها الين متى تخلونهن ينضفن؟
ميعاد :ياخي كنت ابي اغسله
رياض بزعل:ايه كنت وكنت خلص اذلفي عني خلصت غسيل
ميعاد:خلص رياض لا تزعل
رياض سفها وطلع برا المطبخ
راحت ميعاد الخيمه وهي ضايق خلقها مو متعوده من رياض يهاوشها
ام كادي:علامتس يمه ضايقن صدرتس
ميعاد لفت عليها:تخيلي يمه اخوي رياض ما عمره عصب علي واليوم جلس يهاوشني
جوري قاطعتهم وهي تشمر اكمامها:تبين فزعة أأدبوه لتس
روان وهي تمسك جوري:انتي اجلسي وجع اجتمعتو على اخوي
ولفت على ميعاد:وانت ياميعاد مسويه حساسه مدري وشهو ترا رياض اكيد مو قاصد وهو كل الشغل فوق راسوه
ام كادي:والله صدز كبير العيله دايم منضغط لا تلومونوه
جوري: ترا حتى صغيره العيله مضغوطه
ميعاد:ايه علميهم ياجوري
وقامت ميعاد لجوري وهي تلحن:العام شاعرك كنتي من محبينه واليوم مكسور من صدمه محبينه
ولحنت جوري معها:قولي منهو بعد حبي تحبينه اني احبتس لو انتس ما تحبيني
وصارخت ميعاد وجوري مع بعض
جوري بحماس:تحبين الصليلي وناسه
ميعاد بنفس حماسها:اموت عليه شفتي خواتي ما يحبونه بس انا
جوري:حتى انا تكفين واخيرا لقيت وحده بنفس جوي
ميعاد:انا ويني عنك من زمان
جوري:اختس روان بس حاشرتني عندها
روان :وجع هيه لا تحشن بي
سفهتها جوري :تحبين الرويات؟
ميعاد بحماس:اموت عليها لا تقولين انك تحبينهن
جوري:مختمه نص الروايات
ميعاد:تعالي اوريك وش قريت
وجلست توريها وجوري تتفاعل
جوري:هاذي تابعاتها بس النهايه مزفته
ميعاد:ايهههه مره شفتي اخو البطل خبيث يع
جوري:ترا القصه حقيقيه عشان تسذا
ميعاد:ايه يقولون وبعد شفتي البطله يع تنرفز
جوري:ايههه شفتيها راحت وضربت البنت الي خرفنت البطل
ميعاد:ايه يع المفروض تضرب البطل مو هو
جوري:ايه يع براسها شين الله لا يوفقها
ميعاد:ههههههههه جوري ترها شخصيه خياليه
جوري:غثتني
روان:اسكتو عن جوري يويل الي يغثها
جوري:تعلمو منها تعلمو
اخذتهم السوالف واذن المغرب
ام كادي:يلا يبنات قومن صلن
قامن البنات وصلو وتجمعو بغرفه جنب الخيمه فيها تسريحه ومرايات يمدي يتجهزو فيها البنات
