صحت جوري ولفت على وليد الي كان جالس على السرير وعلى وجهه ماسك الفحم
جوري:وينك امس ما شفتك
وليد:معرس تبينوه جالس بالبيت؟ اقول تعالي تعالي حطي من هالماسك يقشع كرف السنين
جوري:خلني اغسل وجهي واجيك
وفعلاً راحت جوري وغسلت وجهها وجلست جنب وليد
وليد:حطي راستس على فخذي انا احط لتس
رفعت جوري شعرها بكعكة وحطت راسها ومسك وليد الماسك وبدا يحطه على وجهها
وليد:الله اشوف اشوف حتى وانتي بالماسك حلوه
جوري قامت:ادري والله ادري بس بروح اسوي شي مع البنات وانت قم سو شي يفيدنا
وليد:معرس انا بعد تبون تكدوني؟
جوري:والله جود من صباح الله خير تكد ماقالت معرسه قم قم بس
نزلت جوري ودخلت المطبخ :سلام عليكم
لفت عليها رنا بأبتسامه لاكن سرعان ما اختفت وطلعت منها صرخه :يمه
جوري:وش فيتس
رنا:وشهو الي على وجهك؟
جوري:اها اي ماسك حطوه لي وليد
ضحكت رنا وكانت بتتكلم بس قاطعها صوت رياض:يابنت
حطت جوري الشيله على راسها ولفت تسوي اي شي قدامها
حس رياض بضيق جوري منه وطلع بدون لايقول شي
رنا قربت منها:جوري لا تصدقين اكيد تركي يمزح
صدت جوري بضيق وهي تنزل الشيله
رنا:تعالي حركي الشوربه بروح وشوي اجي
راحت رنا واخذت شيله وتوجهت للدواينه
رنا:ياولد
فز تركي على صوتها وطلع على طول
تركي:لبيه سمي يارنا
رنا:الي قلته امس هو انت صادق فيه؟
تركي:يمه لايكون قلت بتزوج غيرتس ونا مدري؟
رنا:تركي لا تستهبل
تركي:امزح معتس بس وش قلت يا كثر هرجي ما اتذكر
رنا:انت تقول رياض شاف له بنت حلوه ويتغزل ومدري وش
تركي:وانتي وش دخلتس اذا هو صدژ ولا لا؟
رنا:وش وش دخلني هاذا اخوي ما اسمح تقول عنه كذا
تركي:الا زعلتس يارنا ما اقواه هو قال لي رح يمهم ومدري وش ودوه يسوي
رنا:ايه اشوا يلا ادخل عطيتك وجهه
تركي:اهخخ يارنا بصبر بصبر
رنا:ايه اصبر لجلي
تركي:بصبر لجلتس يبنت عثمان
راحت رنا وهي تبستم ولا واحد منهم انتبه للعيون الي تراقبهم
اما عند رياض الي سمع كل حواراهم وابتسم :يعني مزعلتك الغيره يهبوبي
كانت رنا بتدخل لولا صوت رياض الي وقفها:يارنا
لفت عليه رنا:هلا
رياض وقف قدامها:لا تقولين لجوري شي الحين
رنا:وش اقول لها؟
رياض:ان تركي كان يمزح
دخل رياض وهو يبتسم :اه منك ياجوري
راح ركض للغرفه ودخلها
عبدالله:وجع وجع انت ورنا من جيتو وانتم تخرعوني ما تقدرون تفتحون الباب برقه؟؟؟
رياض:طيب يابو الرقه الحين انا ببدل ملابسي لو سمحت اطلع
عبدالله:معصي مانيب طالع
رياض:عبدالله المفروض تحترمني قلت لك بأسلوب حلو اطلع
مسك عبدالله كتابه وطلع سكر رياض الباب وراه بقوه
عبدالله من ورا الباب:وجع ما تعلمت تسكر الباب بشويش ورا الضيف عشان لا يحس انه ثقيل
رياض:عبيد انا اسف بس دور لك انت ورنا غرفه تنامون فيها
ما يمدي عبدالله يتكلم الا وصوت قفل الباب
عبدالله:رياض والله ما اسامحكككك
رياض:اعذرني يا عبدالله بس مقدر
عبدالله:رياض وش ما تقدر وين نروح حنا؟؟؟
رياض:.مدري اي مكان بس الحين انا مقدر
نزل عبدالله للمطبخ يتحلطم:تخيلي يا رنا انطردنا من الغرفه
خافت كادي منه ما تكلمت
عبدالله بصوت عالي:رناااا ليه قاصه شعركك!!!
انفجعت كادي ولا قدرت تتحرك وانمالها ترجف
عقد حواجبه بعدم فهم لاكن سرعان ما استوعب ولف على طول:انتي كادي؟؟؟
دخلت رنا :وش تسوي هينا؟؟؟
اما رنا بعد ما راح رياض رجعت لتركي تسولف معه ومن سمعت صوت عبدالله ركضت المطبخ
عبدالله:معليش اعذريني ما دريت
رنا:احلف اطلع اطلع انت وكتابك اطلع
طلع عبدالله وهو منحرج
رنا:معليك منوه هاذا ما يستحي على وجهه
اما كادي كانت معصبه ليه يدخل المطبخ وهو عارف ان بالبيت بنات ما يحقون له
لفت وطلعت بدون لا تتكلم
بعد مده دخلت اريج المطبخ :بنات وين روان ما اشوفها
رنا:طالعه مع عبدالعزيز يقولون يبون يفطرون برا
اريج:وش تسوين لحالتس وبعدين وين جوري وكادي؟
رنا:جوري كانت هينا ورحت وجيت ما لقيت غير كادي
اريج:اجل انتي وش تسوين؟
رنا:ابد جالسه اخلص شغل المطبخ
تقدمت اريج وجلست تساعدها وبعد مده دخلت ميعاد
ميعاد:سلام عليكم
رنا:تعالي يخيشه النوم وينتس ما تجين تساعدينا ؟؟
ميعاد:وش بقى بس
رنا:اطلعي بالحوش واذني هاذا الي بقى لتس
ميعاد:لا صدق وش بقى
رنا:تعالي وزعي الصحون ترا ما بقى شي عن الاذان
عند جوري دخلت غرفها والضيقه بصدرها تخنقها نزلت الشيله من رقبتها وتوجهت للمرايه وجلست تشيل الماسك حقها مدت يدينها لفوق تتمغط بتعب بعد ما خلصت وانسدحت على السرير تنصت للصمت المخيم بالمكان تتأمل العدم وافكارها ابد مو هاديه غمضت عيونها دخلت بعالم ثاني وابحرت فيه تأملت البحر والاشجار والسفن والانهار تأملت الاسماك واستشعرت بالوجود المكان استنشقت الهواء وهينا عقدت حواجبها لبروده الهوى وكأنها برا مو بغرفه فتحت عيونها بشويش وشافت البلكونه مفتوحه استقامت بجسدها العلوي وتأملتها شوي اخذت الشيله وقامت وحطتها على راسها وطلت براسها من البلكونه شافت رياض واقف بس لاف عنها تلثمت بالشيله وقالت بنبره ماليانه حقد:انت فتحت البلكونه؟لف رياض عليها وابتسامه الاستفزاز عليه :اي ليه؟
تنرفزت جوري وقالت بنبره حاده:شوف صحيح البيت بيتك لاكن فيه حدود بيني وبينك تلزمها بالطيب ولا بالغصب
دخلت وسكرت البلكونه والشياطين تتطاير من راسها
ابتسم رياض وجلس يكمل الي كان يسويه
معليش على البارت القصير ان شاءالله يكون البارت الجاي اكثر +
سويت حساب انستا لنشر روايتي كلكم تشرفوني هناك:icxeu1
