اياد:طالبتس طلبه ياجوان ولا ترديني
جوان هزت راسها وكمل:شوفي الصراحه انا معجبتني بنت وابي اعرف عنها معلومات مثل وش تحب وتخصصها ومن هالكلام وابيتس تروحين لها تعرفين عنها معلومات
جوان بهدوء:قل لامي اروح انا مالي شغل
اياد مسك يدها:جوان يبعد تسبدي وشلون بقول لامي وبعدين البنت ماراح ترتاح لامي كثر ماراح ترتاح لتس تعرفين انتم بنات وتفهمون لبعض
جوان:اياد الغرفه ماني طالعه منها لو ايش
اياد:طيب طيب لا تطلعين انتي اعزميها
جوان ناضرته بطرف عين:منهي هالبنت يا اياد؟
اياد رجع على ورا وقال :يقولون لها اريج وهي نفسها الي رسمتيها يا جوان
جوان رفعت حجابها وكانت بتتكلم بس قاطعها اياد:تكفين يا جوان لا ترديني لا تجحدين جمايلي وانا اخوتس نخيتس ما نخيت رخوم تكفين طالبتس لا ترديني
جوان :طيب خل امي تعزمها وتجي لي للغرفه فوق
اياد نط وباس راسها:والله ما جيت الا ونا عارف اختي
راح وهو يمشي على اطراف اصابعه ويرقص
__________
جوري :اريج قومي ردي على الجوال من اليوم يدق
اريج قامت:كنت انتضرتس تقومين
جوري بضحكه:روحي روحي بس
اريج رفعت السماعه:هلا وعليكم السلام
ام علي:هاذا بيت عثمان
اريج:الله الله
ام علي:من معي؟
اريج:معتس اريج بنت الجامح ياخاله
ام علي:هلا هلا والله يالله حيه
اريج:الله يحييتس ويبقيتس
ام علي:بعد تسبدي والله دقيت اعزمكم عندي وما ابي منكم تردوني
اريج:والله يخاله اشوف امي وارد لتس
ام علي:ابد خوذي راحتس وردي علي يبنتي
اريج:هلابك
قفلت ولفت على امها :يمه هاذي ام علي عازمتنا
ام كادي:وش قلتي لها؟
اريج:قلت اشوف امي وارد لتس
ام كادي:زين قولي لها اني بجي
اريج:ابشري
راحت اريج ودقت عليها
عند ام علي:يولد اهجد قلت لها وقالت برد لتس
اياد:طيب شوفيها اذا ما بتجي بروح انام
ام علي:وانت وش عليك منها رح نم
اياد بترقيعه:لا يعني اذا بتجي بروح اجيب حلا وتسذا
ام علي:معليك رح لا بغت تجي قلت لك
اياد وقف وهو حس انه زودها وكان بيطلع بس وقف على صوت رنه التلفون رجع وجلس جنب امه لفت عليه :هاه مو قلت لك ارقى؟
اياد:ابي اجلس شوي
وهي يأشر بعيونه على التلفون:ردي عليه
ناضرته بطرف عين ولفت ترد
ام علي:هلا ببنيتي اريج
فز اياد وهو يحط اذنه قريب من اذن امه
اريج:هلا خاله
ام علي:هاه وش قلتو؟
اريج:امي تقول جهزي ديوانتس بجي
ام علي:حياها الله وانتي ما تجين معها؟
اريج:انا؟ لا بقعد بالبيت
ام علي:لا وش تقعدين تعالي معها
اريج :لا يخاله م...
قاطعتها:حلفت عليتس تجين يلا مع السلامه
سكرت السماعه ولفت على اياد كان مصنم ومبتسم على الخفيف
ام علي:وش بلاك لاصق بأذني
اياد لف علها:هاه ؟كنت بهمز اذنتس يمه
ام علي:بالله؟ قم لا اخلي الخيزرانه تهمز جسمك كله
اياد قام:لا يمه خلص انا كبرت وش خيزرانه
ام علي:بعيني جذع
اياد:ياساتر جذع مره وحده لا حرام عليتس شوفي الشنب واخرتها جذع
ام علي:اقول رح بس جب حلا
اياد:اجيب والله لا اجيب
راح وهو متحمس حيل
عند اريج بعد ما قفلت
اريج:يمه ام علي حلفت علي اني اجي
ام كادي:طيب عادي البسي نروح يمها
اريج:طيب
راحت اريج غرفه جوري
اريج:جوري عادي ادخل؟
جوري:ادخلي
اريج دخلت وجلست على كرسي التسريحه :ترا ما راح اروح معكم السوق
جوري:ليه؟؟؟
اريج:ام علي حلفت علي اني اجي مع امي
جوري:وش تبي هاذي حتى ما عندها بنات
اريج :ما عندها بنات؟؟؟
جوري:اي ما شفت عندها بنات
اريج قامت:طيب عاد وش نسوي عطيني شي البسوه من عندتس
جوري:يشيخه لا تكشخين ترا عادي
اريج:وش دراتس يمكن عندها حريم
جوري اشرت على خزانتها:طبي وتخيري
اريج اخذت مخور وردي ناعم وشيله طقم معه
جوري ربطت نقابها:يلا اريج
اريج وهي تحط مسكره:وانتي وين رايحه؟
جوري:بنروح السوق انا والبنات
اريج :طيب يلا روحي الحين الحقتس
اخذت شنطتها وطلعت
جوري وهي نازله من الدرج:بنات يلا
ميعاد طلعت:يلا جيت بس كادي مدري وينها
كادي من وراها:والله لو اني نمله شفتيني
ميعاد:هههه معليش
جوري:اخلصو علي يلا وبعدين وين روان؟
ميعاد:من راحت من عندنا ما جت ويوم سألت طلعت مع عبدالعزيز
رنا :مين بيودينا ؟
جوري:رياض اخوتس وتركي
طلعو البنات وركبو السياره
الكل: السلام عليكم
رياض وتركي ردو السلام وحرك
ميعاد:رياض اول شي نبي نروح هذاك المول الي جنب محل الذره يجننن فساتينه
رياض:ايه اخرتها القى رنا مبسطه عنده وتبلع
رنا استحت لان تركي موجوده وقالت جوري :واههه يعله عافيه وش ودك بها والله لو تبي محل الذره كله انه فداها
رياض:يمه بسم الله انتي علامتس صرتي الفم المتحدث عن رنا وش بلاها هي انطمت؟
جوري:مالكم شغل فيها الواحد ماسك لسانه وانتم تجبرونه
رياض بهمس :ما ضنيتي انها ماسكته بس يلا
وصل رياض ونزلو البنات ودخلو المحل
جوري:بنات هاذا كم اسعاره؟
ميعاد:والله مدري شوفي الكرت
رنا مسكت فستان :بنات شوفو شد نضري من دخلت المحل احس ابيه للعيد
جوري:انا شفت متسرعين بس مثل تسرعتس ما شفت بس والله الفستان ولا غلطه
رنا:خلص بشتريه احس اقتنعت فيه
جوري :يلا روحي اشتري كعب يليق فيه
رنا:ذكرتيني نسيت الكعب
راحت رنا وجت كادي معها فستان وردي
كادي:بنات شوفووو يهبللل صح ؟ لو البسه اطلع اميره
ميعاد:واو يجنن تقريباً نفس موديل فساتين اميرات دزني
كادي:خلص خلص بشتريه مره حلو
جوري:يحول انا ما لقيت لي شي
كادي اشرت على قسم فساتين:شوفي ذا القسم يجنن
راحت جوري له وبعد مده رجعت و
جوري:بنات عجزت القى فستان حلو للعرس بس شريت فستان للعيد وكعب وشريت شنطه واكسسوار وشريت عدسات يعني خلصت كشخه العيد بس بقى العرس وانتن؟
ميعاد:انا شريت فستان للعرس مره اعجبني وشريت بعد للعيد وخلصت كل الكشخه بس بقى شنطه وعدسات وصبغه لاني بصبغ شعري
رنا:انا خلصت كشخه العيد بس بقى العرس والحين جعت بروح اشتري ذره
راحت رنا وقالت كادي:انا خلصت كشخه العيد والعرس وكل شي بس دقي على رياض بروح اودي فستاني العرس للخياط يكبنه واروح البيت لاني تعبت حيل
جوري:مشاءالله امدكم تخلصون بهالسرعه
ميعاد:وش سرعته ترا لنا ثلاث ساعات بالمول
جوري:طيب طيب خلونا نروح غير هاذا المول لاني فريته فر وما اعجبني شي
طلعو البنات ولقو رياض ينتضرهم وركبو معه
رياض لف عليهم:وين رنا؟
جوري:عند محل الذره
رياض:انا والله قلت اني بلقاها عند محل الذره
رنا فتحت باب السياره:ترا الدريشه مفتوحه سمعتك
رياض:اقول اركبي بس
ركبت ووزعت على البنات اكواب الذره وهي تمد كوبين لرياض
رياض بمزح:شايفتني دبه مثلتس اكل كوبين
رنا استحت ورجعت على ورا وتكت على الكرسي وضحك رياض:نمزح معتس وش فيتس
تركي اخذ كوبه وهو ياكل :اممم لذيذ والله اول مره اذوق ذره حلوه كذا
رنا تحمست :اي هاذا المحل الوحيد بالرياض الي يبيع ذره تهبل
حطت يدها على فمها واستحت بزياده ورحعت تكت على الكرسي
وضحكو البنات
جوري:يربي رنا تكفين
ميعاد:رياض كادي خلصت ابي انزل البيت وانا نزلني الكوفي واذا رجعت خذني
رياض:ابشري
نزل ميعاد ونزل كادي البيت
عند كادي من دخلت البيت نزلت نقابها ونزلت شيلتها من راسها بتعب وجلست على الكنب وتناثر شعرها على وجها بفيضويه
كادي :اهخخخ كيف برقى الدرج و...
انبترت حملتها لما طاحت عينها في عينه
عند عبدالله كان مسوي له شاي وجالس يطقطق بالجوال
