ومن اليوم الثاني عند ابطالنا الساعه ٧الصبح الكل صحى وجلس يتجهز
عند جوري صحت وقعدت وليد وجلسو يجهزون
لبست جوري جلابيه ابيض ولبست خواتم متناسقه معها وحطت كحل داخلي ورسمت رسمه خلت عيونها مشدوده وحطت ايشدو بني ناعم وروج بني ناعم مره ورفعت شعرها ببكله وطلعت خصلتين وشوز مرتفع ابيض واخيرا دهن العود طالعه صدق حلوه وحطت الشيله على راسها وطلعت تشوف الباقي
عند اريج كانت تحط اخر لمسه لمكياجها الي عباره عن ايلاينر القطه وايشدو وردي غامق ومسكره وحطت روج وردي فاتح ولبست جلابيه ورديه وعليها شيله منسقه معها وشوز وردي
عند كادي اخذت شنطتها وطلعت وكان لبسها عباره عن بلوزه عنابيه وعليها تنوره سودا وفوقها ستره وحطت ايشادو عنابي وكحل اسود ومسكره وروج بني غامق وشوز اسود
عند روان لبست بنطلون ابيض وسيع عليه بلوزه بدون اكمام ورديه ورفعت شعرها لفوق وحطت جل وشدته لفوق وشدت عيونها بالايلاينر لفوق وحطت هايلات وحطت بلاشر وردي وحطت قلوس وردي وشوز مرتفع وردي
عند رنا لبست بنطلون اسود ضيق شوي وبدي احمر عليه ستره شفافه
خلت شعرها بدون تسريحه وحطت شباصات عليه وحطت مسكره وايشدو ناعم وقلوس شفاف
عند ميعاد لبست تنوره خضرا شوي قصيره وعليها بلوزه خضرا وتعليقات كثير وسوت مكياج ناعم مره وطلعت مره حلوه
عند رياض لبس ثوب اسود وغتره وكبك وحط قلم بجيبه ومسواك
عند عزوز لبس ثوب رمادي وشماغ وتعطر
عند عبدالله لبس ثوب بني وشماغ ولبس كبك مناسب مع ثوبه وتعطر
عند وليد لبس ثوب اسود وغتره وكبك وتبخر من بخور جوري
عند تركي لبس ثوب كحلي بدون شماغ
طلعت جوري وبيدها عباياتها وشنطتها وتوجهت للمجلس الي تحت
دخلت وشافت ميعاد واريج ورنا وكادي وروان وامها جالسين بعبايتهن
روان:وينك نستناك من اليوم
جوري:هاذاني جيت متى نمشي
رنا تقفل المكالمه :رياض يقول يلا مشينا
جوري:البس عبايتي والحقكم
طلعو كلهم وجوري ربطت نقابها وطلعت
فتحت باب السياره
كادي :جوري لا تقولين بتركبين معنا مافيه ماكان ابد لتس
جوري:وين اركب انا
ابو رياض يكلم ابو كادي:ترا تركي ووليد معنا يبو كادي
ابو كادي :الله يعطيكم العافيه
كادي بصوت عالي عشان ابوها يسمعها :يبه مافيه مكان لجوري
سمعها ابو رياض :خلها تجي مع بناتي انا
ابو كادي:لا ما ودنا نضيق عليكم
ابو رياض:مابه ضيق خلها تجي
ابو كادي:اجل اناديها
ولف على جوري :جوري روحي مع البنات
جوري :سم يبه
راحت جوري متحمسه ودخلت السياره وقالت بحماس :روان انا بروح معتس
لفت عليها روان:صدقققق وناسه
جوري شافت رياض وسكتت وهمست لها روان:اشوفك انحرجتي هاه حسيتي فيني امس؟
جوري بنفس الهمس:اسكتي عني
كان رياض يسوق وجنبه تركي وروان وميعاد وجوري ورا
وابو رياض وليد وخالد ورنا بسياره
وكادي واريج وفارس وام كادي وابو كادي بسياره
وعزوز وعبدالله بساره
رنا بهمس:يبه عطني خالد
خالد الي كان بحضن وليد مده لها
رنا مدت يدها واخذته منه
عند جوري
رياض واقف عند المحطه:تركي انزل والحين الحقك
ولف على البنات:بنات وش تبون من البقاله
روان بحماس:ايسكريم وعصير
ميعاد بنفس حماسها:انا ابي بطاط هذاك الي بالفلفل الاسود
رياض:وانتي ي جوري
ارتبكت جوري وسكتت
روان:يخبله بتندمين بعد شوي
ميعاد:لا تستحين قولي وش تبين
اما جوري كانت صدق مستحيه :ابي مصيصه
ضحكت روان:تكفين بس مصيصه
ابتسم رياض :شي ثاني
جوري بهمس:سلامتك
روان: معليك منهم جب عصير لنا كلنا واسكريم لنا كلنا اممم وش بعد ايه جوري مسويه قهوه وشاي جب حلا وبسكوت
رياض لف لها واشر على خشمه:على هالخشم
ميعاد:هيه خير تقول لها وما تقول لي يلا جب لي بطاط واسكريم
ضحك رياض: على هالخشم
روان دزت جوري بهمس:قولي له وش تبين
جوري ما فهمتها بهمس :قلت له
روان بهمس:ما سمعك قولي مره ثانيه
جوري بنيه صافيه عكس روان:وانا ابي مصيصه
ضحك رياض بقوه وكانت ضحكته عذبه وفهت جوري فيها :على هالخشم
جوري عرفت ليه روان قالت لها
نزل رياض وهو يضحك ويحس بطنه فراشات من طفوليتها
اما جوري لفت على روان بعصبيه:روان صدقيني ماراح اعديها لتس
روان بضحكه:هههههه افا وانا اقول حسيت بك
جوري:حسيتي بوش
روان:حسيت انك تبين رياض يقول لك على هالخشم
جوري قرصتها:لاعاد تحسين
ميعاد قاطعتهم:روان لاحضتي ضحكه رياض؟
روان:ايه ما عمري شفته يضحك هالكثر
جوري:ليه هي اول مره يضحك فيها ولا وش
ميعاد:لا دايم يضحك بس مايضحك بصوت عالي كذا ولا يطول في الضحك هاذي اول مره اشوفه كذا ومره مبسوطه عشانه
جوري:الله يديم ضحكاتكم
روان بغمزه:الله يديمها علينا ولا عليه
جوري:وجع روان ترا نيتي صافيه
وبعد مده
رياض وتركي ركبو وهو يوزع عليهم اغراضهم:روان شوفي جبت لك اسكريم بنكه التوت الي تحبينها وميعاد مالقيت بطاطك وجبت لك بطاط حار
ميعاد وروان مع بعض:يعطيك العافيه
لف رياض على جوري وبيده ٥مصيصات :افتحي يدك
اما جوري حست انه غلط تاخذها من يده فتحت شنطتها ومدته لها
ابتسم رياض وحطهن فيه
روان:ول ول خمس مصيصات والله انك محضوضه ياجوري
جوري:شكراً
رياض:العفو
تركي لف على جوري:يالجوري جبت لتس غزل بنات
جوري:يابعد تسبدي والله
روان:متى نوصل؟
رياض:نص ساعه وحنا واصلين
عند ابو رياض وصلو ونزل وليد وجلس يرتب الاغراض
ابو رياض:يبه وليد خل عنك يجون الحين ويسونها
وليد وهو مشمر ثوبه وشماغه على كتوفه:خلني اسويها واذا جو نبني الخيام
وصلت سياره الجامح وبعدها سياره عبدالله واخر شي رياض
رياض وعزوز ووعبدالله وتركي ووليد مشمرين اكمامهم ورافعين صايبهم على خصورهم وجالسين يبنون الخيام
خلصو وتفرقو اما جوري كانت تهوي بالهواية شافت وليد وعرفته بثوبه الاسود معطيها ضهره وراحت وحطت يدها على كتفه وبهياط وهي تناضر الخيمه:وليد تدري اني اقدر ابني خيمه لحالي
ولفت له وهي توريه عضلاتها:شف عندي عضلا
سكتها وجه الي قدامها
عند رياض بعد ما بنى الخيمه جلس يناضرها ويشوف وش ناقصها
حس بأيدين على كتفه بس ما لف لها ويسمع هياطها
:شف عندي عضلا
سكتت وهي تشوف رياض قدامها وكانت كاشفه وجهها وشعرها وما تدري وش تسوي لان رياض ما صد عنها
اما رياض جلس يتأملها وشعرها يتطاير حط يده على شعرها
شهقت جوري وحطت الهوايه على عيونه وبعتاب:المفروض تصد يارياض
رياض وعى على نفسه وهو يصد:اعذرني اطلت النضر
جوري بأستهزاء:معذور حتى انا اطيل النضر بعيوني بس لو عدتها بيصير شي ما يعجبك
شافت رجال عند الخيمه من ورا
سحبت غترته وتحجبت وطقت لثمه:تلقها عند اختك
وراحت لخيمه الحريم
رياض رفع يده يشمها وكانت كلها عود
اما جوري ف كانت معصبه حيل ودخلت على الحريم ونزلت الغتره وقطتها بحضن روان وجلست جنب اريج
