بعد يوم الصباح عند عيله عثمان
روان وهي تكنس:انا الصراحه متحمسه اتعرف على البنات احس كيوت لو القى وحده نفس جوي
عبد العزيز وهو يمسح الدرايش:يارب ما تلقين واذا لقيتي اتمنى البنت تتخطى
روان:والله انها محضوضه فيني سناعه وزين ورجاحه عقل وش ناقصني
عزوز:يع تفكين ولا شي من المواصفات فيك
رياض:بس اص من صباح الله خير وانتم تهاوشون
روان :شفه هو يحارشني
رياض:انتم ما تنحطون بمكان واحد عزيز رح فوق رتب الغرف وشيك عليهم
عزوز:طيب
رقى عزوز وهو يغني:عيونك اخر امالي
فتح غرفه روان :ياخي ليه دايم ريحه غرفتها حلوه
دخل وهو يشيك عليها اعطاها نضره اخيره وكان الخزانه فاضيه والتسريحه والدولاب طلع بعد ما عطرها وتوجه لغرفه ميعاد وبيده المنضف فتح الباب وهو يلحن:انا ماهو انا من بعد يادانه صرت اسمع ام كلثوم
سكت بعد ما لمح شي يدخل الدولاب قال بربكه:ميعاد هاذا انتي؟
رنا:من تكلم؟
لف عزوز عليها :ميعاد ميعاد وينها؟
رنا:نزلت السوق تقول بتجيب اغراض
عزوز جلس يكلم نفسه:تتوهم مافيه شي
رنا:وش فيه؟
عزوز:ولا شي كملي تنضيف عني بروح ارتاح
رنا خافت من وجه المنخطف لونه وهي تسكر باب غرفه ميعاد وخلتها بدون تنضيف
روان:اهخخخخ انكسر ضهري والله
رياض:انا الي انكسر ضهري ولا انتي ما سويتي الا خفايف
دخل عليهم ابو رياض:جبت اغراض انا وميعاد تعالو حملوها
طلعو الحوش وشهقت روان:ياساتر والله لو انهن مقاضي رمضان
رياض:مشاءالله ابوي كريم
روان وهي تناضر ميعاد:ماضنتي الضاهر هاذي الخبله خامه نص العثيم
ميعاد:اقول هيه ترا ابوي كريم انا مالي شغل
روان:ايه درينا المهم جبتي كوكيز؟
ميعاد:ابوي عيا يقول كله سكر
روان:يحول....
قاطعهم ابو رياض:خلو عنكم الحكي تراهم اليوم الساعه ١٠يوصلون انشاءالله
________________
تركي:يمه شفتي طاقيتي هذيك
ام كادي :وانا وش دراني عن طاقيتك بزر انت ؟
تركي:يحول وين راحت
جوري:محد فاضي لك بعدين لازم الطاقيه هذيك البس اي طاقيه عندك
وليد:بنات من شافت عطري الاسود ؟
جوري:انا شفتوه منكسروكبرتوه
وليد بعصبيه:يوه وش اتعطر منوه انا
جوري :يز*ق تعطر زين الحق على الي لسى واقفه واسمع سخافتكم
راحت وهي معصبه
تركي:علامها ذي؟
وليد:معليك منها انت عندك عطر ؟
تركي:ايه شف تسريحتي مليانه طب وتخير
عند جوري كانت تجهز شنطتها ودخلت امها عليها
ام كادي :جوري ابوتس يقول خوذي لبس ساتر
جوري بأستهزاء:ومن متى لبسي مو ساتر؟
ام كادي:ادري بس البناطيل هذيلا يقول لا اشوفهن
جوري :طيب ابشري
طلعت ام كادي وجلست جوري تطلع البنطلين وهي وتحط بدالها جلابيات ومخورات وتنوره
لبست مخور احمر معاها شيله منسقه وحطت مناكير احمر وسوت شعرها ويفي من تحت وحطت كحل داخلي ورسمت عينها برسمه حلوه وحطت روج وايشادو وردي وبلاشر وردي ومسكره واخيراً دهن العود الي يميزها
اما عند اريج كان ضايق خلقها انا بتطلع من الشمال وجالسه تهوجس وترتب شنطتها دخلت عليها جوري :شرايتس ماني مزه؟
اريج:يلبيه شذا الزين تعالي اقرا عليتس
جوري :انتي الي حصني نفستس
كانت اريج لابسه تنوره بنيه ناعمه وبلوزه بنيه بلون افتح من التنوره وعليها ستره مخليتها تطلع انيقه ومسويه مكياج هادي بني طالعه صدق ناعمه وحلوه
اريج:ياعمري والله بس غريبه اشوفتس متحمسه
جوري:مدري منشرح صدري احس ان روحتنا فيها خير وبركه
اريج:عجزتتتتت ارتاح
جوري:انا استخرت وارتحت بالحيل معليتس ماهو صاير شين
اريج يتنهيده:راح اشتاق لصديقاتي الي هينا واشتاق للشمال
جوري :اريج وجع وش ذي الدراما
اريج :مدري مدري
جوري:تعوذي من الشيطان ماهو صاير شي انا ابي اطلع تبين شي ؟
اريج:ابد سلامتس
كانت بتطلع بس وقفت ولفت لاريج
اريج:وش فيتس؟
جوري:تهقين ليه ابوي قال خذن ملابس ساتره؟
اريج :علمي علمتس
لفت جوري وطلعت وراحت لغرفه كادي
جوري:كادي ما قضيتي ؟
كادي:هاذاني قضيت
جوري:وش رايتس بلبسي قلت البس مخمور ازين صح؟
كادي:اوففف والله انتس مزه لو تلبسين خيشه طلعتي تهبلن
جوري بتفاخر:صدقتييييييي بس قولي ماشاءالله
كادي: ههههههه قومي اطلعي برا الحق علي يوم اني امدحتس
طلعت جوري وهي تضحك وقابلت وليد بوجهها:وش ذا الزين
جوري :من يومي مزيونه
وليد :الصراحه لتس حق تتكبرين
جوري:الكبر للله
وليد:والنعم بالله الا اسألتس قضيتي؟
جوري:ايه قضيت وسكرت شنطتي متى نروح؟
وليد:هاذاني رقيت اقول لكم مشينا
جوري:اجل يلا اروح اجيب شنطتي وانت قل للباقي
توجهت جوري لغرفتها وهي تناضرها نضره اخيره :عز الله اني بشتاق لتس
اخذت شنطتها وطلعت
اما وليد توجهه لغرفه كادي وهو يدخل:كادي يلا مشينا
كادي وهي تربط نقابها:هذاني جيت
وليد :يلا بروح انادي الباقي
توجهه لغرفه تركي:تركي تركي يلا مشينا
تركي :يلا البس نعولي واطلع
وليد:طيب
وتوجه لغرفه اريج:اريج يلا مشينا
دخل عليها وشافها تصدد تقدم لها وهو يمسك وجهها ويدوره له
شاف دموعها :بعد تسبدي ليه تبتسين؟
اريج:مدري عجزت اقوى على فراق شمالي
وليد وهو يمسح دموعها:لاعاد اشوفتس تبتسين وشمالتس متى ما ودتس تجينها ابد اجبيتس يمها وشوفي جوري الي صدز تحب الشمال عاينيها مثل الحصان ولا حزنتس مثلتس
ابتسمت بطفوليه :وعد؟
ابتسم وليد :وعد ويلا مشينا ننتضرتس
اريج:يلا البس عبايتي وانزل لكم
نزلو كلهم وشافو ابوهم ينتضرهم عند البوابه ولما اكتملو لف الجامح وهم يمشون وراه كادي واريج وجوري جنب ابوهم ووليد وتركي وراهم والاميره بيدها خالد وتمشي معهم
استأجرو تاكسي انقسمو دفعتين بعذر التكسي ما يكفيهم
جوري وتركي ووليد واريج بتكسي
ووالجامح والاميره وكادي وخالد بتكسي
وصلو المطار وجلسو ينتضرون رحلتهم
تركي :متحمس مره للطياره
جوري:ههههه ترا عادي كانك بسياره
تركي:خبله انتي تقارنين سياره بطياره؟
جوري رفعت كتوفها :ايه عادي ليه فيها شي؟
قاطعم صوت ابوهم:يلا هاذي رحلتنا مشينا
راحو وكانو متوترين كلهم من الجاي ما عدا جوري الي اصلا ما طقت خبر
سمعت احد يناديها والتفتت وشافت وليد:جوري وجع ليه ما تردين
جوري:نعم وش تبي
وليد :الحق علي يوم اني بعطيك علك يحفف من توترتس
جوري:شكراً ما احتاج علك ماني متوتره عطه اختك اريج شوي وتموت من التوتر
ضحك وليد:اي والله واضح انها متوتره بروح اعطيها
كملو مشي لين وصلو الطايره ركبوها وكان مقاعدهم تقريباً عند بعض الا جوري واريج بعيده
