Tulang Handog

Ika-Limang Tula (Kapit)

Sa aking pag-iisa,

kasalukuya'y sinasariwa

mga nagdaan sa pagsasama

Sa pagitan nating dal'wa.

Mahal, naalala ko pa
kung paano ang "tayo" 'y nagsimula,

di mapigil sariwain ang iyong mga salita,

kung pa'no mo sambitin na'ko'y di kayang mawala.

Mahal, hindi ko napigilang ibigay

ang puso kong sa'ki'y bumubuhay.

Mahal, sa'king hangaring damdami'y iparamdam

ibinigay ko sa'yo lahat lalo'ng pag-ibig na di napaparam.

Lahat ay aking sinubukang ihandog,

sa mga pabaon ko sayong itlog o hotdog,

na sinubukang ko nalang bawiin sa'king alindog.

Mahal, nawa'y maunawaan mo na

Hindi ko gawaing ipahayag ang sarili sa pamamagitan ng mga matatamis na salita.

Bagkus, sa pagsisilbi nalang pinapahiwatig,

sa'king mga pagtitig,

at lalo saking mga ngiting halatang ika'y iniibig.

Mahal, hindi katagalan

aking naramdaman
tila ika'y nanlamig.

At sa aki'y di na muling tumitig,

Wala na sa'yong mga mata
kislap sa bawat sulyap,

kahit init sa bawat yakap,

Pananabik sa'king mga talatang pinangungusap.

Tulala sa wala,

nagtatanong kung anong nagawa,

Kung bakit tila hindi kana maabot,

Tila tuloyan ng nilimot,

Pakiramdam ko'y iyo nang nilisan,

pagkat iyong pagdating umabot ng mga araw sa pagdaan.

Mahal, sa totoo'y ako'y may sakit,

pinapalipas ko nalang ang mga araw na kay sakit,

Tila ang kaniyang sakripisyo ay walang saysay

Pagkat ako rin nama'y mawawala't mamumuhay ka na ng matiwasay.

Sa ating mga nagdaan,

Aking napagtantong siya parin.

Siya parin ang laman ng 'yong puso't damdamin

Na kailanman o anuman aking mga gagawin

walang makakapantay sa kaniya; siya parin.

Hindi ko maiwasang iyon ang isipin

Pagkat di ka nanlamig sa kaniya kailanman

Naudlot lang ang inyong istorya pagkat binawi sya nga tuluyan

At ako'y dumating

naging bida-bida at ika'y inangkin.

Mahal, pasensya na sa lahat

Sa pagmamahal na di ko sinisiwalat

Sa mga pangungulit at pagdadamdam pag ako'y iyong sinisipat

Alam kong ika'y pagod na sa'kin at sa lahat, lahat.

Kaya ngayon sa pagtatapos ng aking puso sa pagtibok

Gayun din ang aking kapit sa'ting pagmamahal na naging alikabok.