අන්තිම ලෙක්චර් එක ඉවර උන ගමන් පිරිමි ලමයි සේරම පූල් එක ලගට ඇවිත් ඉන්න.. ගෑනු ලමයි එපා !!
ලෙක්චර් එක පටන් ගන්න ප්‍රොෆෙස එනකන් ලෙක්ච හෝල් එකේ ඉස්සරහ හරියෙ පුටුවක ඉදගෙන කලින් ලෙක්ච එකේ නෝට් එකකට ඔලුව ඔබාගෙන හිටිය ජන්කුක් දොර ලගින් ඇහුන හඬට ඔලුව උස්සලා බැලුවා..
ඒ හිටිය කෙනාව ජන්කුක් එකපාරින් අදුරගත්තේ කලින් දවසක ජේබම්ගෙ අනිත් පලුව කියල ජිමින් ඒ කෙනාව ජන්කුක්ට පෙන්නලා තිබුන නිසා.. ඔව් !! ඒ හිටියෙ ෆීලික්ස්.. ජන්කුක් වගේම ෆස්ට් ඉයර් ලමයි ජේබම්, ෆීලික්ස් මොන වගේද කියල යන්තමට හරි දැනගෙන හිටි නිසා හැමෝම ඒ පණිවිඩයත් එක්ක ටිකක් කලබල උනා..
අනික පූල් එක ලග !! ඒ නිසාම ජන්කුක් අනිත් අයටත් වඩා ටිකක් කලබල උනා..
අනිත් වෙලාවට එයාවත් රැග් කරන්න කියල ජන්කුක් කන්කෙඳිරි ගෑවත්,, මේ සැරේ ජන්කුක් බය උනා.
ඒත් මගෑරලා යන්න පුලුවන් කමක් ජන්කුක්ට නෑ...
කොහොමින් කොහොම හරි ප්‍රොෆෙස ඇවිත් ලෙක්ච එක ඉවර කලාම පිරිමි ලමයි හැමෝම ඉක්මනින් පූල් එක පැත්තට යද්දි බෑග් එක කරට දාගත්තු ජන්කුකුත් පූල් එක ලගට යන්න පිටත් උනේ ටීශට් එකේ කොනක් ඇගිලි වලින් පොඩි කර කර..
අන්න අරුන් ටික එනවා මචන් !
ස්විමින් පූල් එක ලග තිබුන කොන්ක්‍රීට් පඩි උඩ ඉදගෙන ෆෝන් එක ඔබන ගමන් හිටිය ජේබම් ෆීලික්ස්ගෙ හඬින් පියවි සිහියට ආවා.. ඒ එක්කම ඒ මත් වුන ඇස් ඇදුනෙ පූල් එකට එන්න තියෙන පඩි කිහිපයක පඩිපෙල නගින අලුත් ලමයි ටික දිහාවට.. බයෙන් බයෙන් ඉස්සරහට හිමින් හිමින් එන කොල්ලො ටික දැක්කම ඒ ඇස් වල ඇදුනෙ සමච්චලයක් !!
කෝ අරූ ?? ටේහ්‍යුන් කාරයා තොත්ත බබා කරන්න හදන එකාව මට පෙන්නපන්කෝ...
ජේබම් කිව්වේ හැමෝගෙම මූනු දිහා පරීක්ශාවෙන් බලාගෙන..
අර මැද්දෙන් එන්නෙ එකෙක් බං කලු පාට හූඩියක් දාගෙන... ඔය ටයිට් ජීන් එකක් ඇදන් ඉන්න එකා !!
ෆීලික්ස් පෙන්නුව රූපෙ හොයාගෙන ඇදුන ජේබම්ගෙ ඇස් අන්තිමට ජන්කුක් ලඟින් නැවතුනා.. එතන ඉදන් ලමයි හැමෝම ජේබම් ලගට එනකනුත් මත් වුන ඇස් රැඳිලා තිබුනෙ බෝල උන ඇස් දෙකක් එක්ක උල් උන තොල් දෙකක් ලඟ..
