اين قلبي ؟ هل ضاع في الزحام
ام اماتته سيوف الهيام
سأنحني ، ابحث عنه بين الاقدام
هكذا انا ضعيفة بين الانام
تهزمني العواطف و يبكيني الغرام
———————————
زمهرير /
مر يومي عادي و بنهاية قابلت تيم ، شربنا كوفي و ضحكنا ، حسيت و اخيرا جاي اعيش و اخيراً صرت انا لگيت نفسي
طلعت و ابتسامتي ما وخرتها عن وجهي ، لگيت اجود صعدت من دون نقاش او كلام چان بالي كله وي تيم
ايام و ليالي احلم انو اشوفة هسه كل يوم هو يمي ما ضل شي و يصير كل ساعة و هو يمي !
رجعنا على البيت ، غيرت ملابسي و تمددت ، ما اچذب عليكم و اگلكم نمت لا ضليت اتخيل حياتي وي تيم شلون راح تكون
حاطة تلفوني على اعلى صوت هسه شوية و يراسل اخذ رقمي جبر هسه يراسلني
حطيت ايدي على گلبي و احس نبضاتة حتى اهلي يسمعوها ، ابتسمت
-اششش لك اهدئ شبيك حتطلع من مكانك يمعود مو هيجي
ضحكت و انا اغطي وجهي كلة بالغطى ، عيوني تلمع فرح و بطني احسها فراشات
ما حسيت على روحي من نمت و ابتسامتي ما فارقتني و تخيلاتي ما وقفت و انا اتخيل نفسي زوجتة و بيته
اطفالنة شلون يكونون راح احبهم كلش هواي هذول قطعة من روحي و ابوهم روحي
نايمة و احس واحد فوگ راسي ، درت وجهي منعسة شفت هذا ابوي ،
رجعت غمضت عيوني توقعت انو داتوهم
مر هلاسبوع بشكل عادي اروح للدوام و اخر محاضرة اقابل تيم ، لهسه ما يرضة يگولي وين چان و شنو صار بي ، اجود رجع للانبار و بعد ما اجة احسن
گعدت اليوم جمعة ماكو دوام ، كعدت متأخر ، نزلت اشوف امي مخبوصة و اختي و كلهم ديجهزون
اشرب عصير و اباعلهم
-شكو يمعودين شصاير
-لج زمهرير روحي بدلي
گالت ماما بصوت عالي
-شبدل غ......
قاطع كلامي اصوات السيارات و الناس ، اكثر من علامة استفهام انرسمة براسي !
شكو شنو هاي الاصوات ، ما حسيت بس على زمرد تجرني من ايدي و تصعدني لفوگ
طلعتلي فستان ابيض ، و ربطت شعري ظفيرة و خلت ربطة بيضة و حذاء ابيض
-شبيجج ولج كله ابيض شنو راح اعرس وخري عني
-زمرد : زمهرير اروحلج فدوة لا تسوين مشاكل ترى ابوج ينجلط والله
-شكو غير افهم
-اجة اخويا راح يزوجج
-العفو ؟
-يلا زمهرير انزلي
ما فهمت اي شي شنو يتزوج شنو هاي شجاي تحجي ، نزلتني و انا بعدني احاول استوعب
أنت تقرأ
دياجير الغرام
Romantik-من انتِ ؟ -انا التي حُلفَ بِكيدُها انا التي هزتْ العرُوشُ بعينهُا انا التي قامتْ الحروبُ مِن اجلِها انا السرمَدِيةَ لا بدايةٍ و لا نهايةٍ لها انا زمهرير و انت ؟ -انا النكرة التي عَرْفتيها انا الخبر الذي رَفَعْتيه انا من أقمتُ الحروبَ و ان...
