دياجير الغرام

البارت الثالث و العشرون

هذا هو الحدُّ الأقصى لجُنُوني
ولم أعُدْ أقدر أن أحِبّكِ أكثرْ..
هذا هو المدى الأخيرُ لذراعيّْ
ولم أعُدْ أستطيعُ أن أضُمَّكِ أكثرْ..
هذه أعلى نقطة يمكنني الوصول إليها
على جبال نهديكِ.. المتوّجين بالثلج والذَهَبْ..
ولم يَعُدْ بوسعي أن أتسلَّق أكثرْ..
هذه آخرُ معركةٍ أدخلها..
للوصول إلى نوافير الماء في غرناطهْ
ولم يعد بوسعي أن أقاتلَ أكثرْ..
هذا آخرُ موتٍ..
أموتُه مع امرأهْ ومن أجل امرأهْ..
ولم يَعُدْ يمكنني أن أموتَ أكثَرْ..
————————————
زمهرير /
مرت فترة ما ادري شگد بس حياتي حلوة بطني بدت تكبر و بديت اتقبل حياتي وي اجود و عائلتة

اليوم اختي و امي يرجعون للبيت وي مهيب و وياهم زمرد ما رضت تبقى هنا گالت
-مكاني وي زوجي ما اعوفو مستحيل انا ادور على مكان بي روحو و صوتو و ريحتو

چان شوية و يطلعون و كلهم گاعدين يمي و يودعوني
-ماما ليش ما تبقين يمكن يجون ابني اريدج يمه و يمي ماما

-حبيبتي بعد وكت على ولادتج هسه بس تدخلين بشهرج انا اجي

هزيت راسي ، وصل اتصال لمهيب طلع و عافنة ، تحمحم اجود و هم طلع

بقينا احنا البنات ، درت وجهي على ماما و سألتها
-ماما تذكرين مرة گلتيلي بس تكبرين و تصيرين مرة اسولفلج قصتي انا و ابوج هسه صرت مرة مو ؟

ضحكت هي و گالت
-اي و صرتي ام هم

-يلا چا سولفيلي

اجت غزيل گعدت بصف ماما و زمردة گعدت يمي و بدت ماما تسولف
-چان اكو بيت چبير بالبصرة كلش چبير و الناس الي گاعدين بي روس كبار و فلوس و صيت ، چانت هاي العائلة ما عدها بنات بس ولد چانت عندها خمس ولد اكبرهم چان حسيب
هذا چان شايل خشمة و ما يتحاچى ضابط مثل ابو و چان رجال ثخين و قوي و طول بعرض و شايف روحة على الكل
وراها اخو الي اصغر منه اسمه جبر و هذا شقاوچي و وكح ما بقة بنت بالمنطقة ما حاچي وياها بس چان حلو و قوي و كل البنات كاتلات روحهن عليه و هو مكيف
وراها يجي اديب و هذا احسن اخوتة چان چافي خيرة من شرة هادء و ما ينسمعلة صوت و بين اخوتة يضيع
وراها يجي مصعب ( تنهدت امي ) هذا نگدر نگول مكس بي اخوانة لا هو كلش وكح ولا هو هادء ، بارز و حلو و من اگول حلو يعني صدگ حلو بس مو احلى من جبر و چان حاط عينه على وحدة و عيونة ما تنشال و ما يباوع بس الها
و وراها بزر الگعدة مهيب هذا جد احلى اخوتة اجة طفرة من بينهم عيونة لون و اسمراني

چانوا جيران هذا البيت عائلة چبيرة بس گاعدين ببيت صغير هذول ناس على گد حالهم ما عندهم ذاك المستوى المادي بس مدبرين روحهم چانو ستة بنات اثنين و اربع ولد
فليح هذا اكبرهم چان حباب بس قوي و ينشد بي الظهر ، وراها عزت و رفعت هذول توم اثنينهم يلحگون ورا اخوهم و كلشي يسوي ينسخو وراها مدحت هذا طلع عكس اخوتة و راح نداف