دياجير الغرام

بارت الرابع و العشرون

يا عروساً خطفوا محبوبها.. حرموكِ.. أطفأوا قنديلك
يا غزالاً تاه في وادي الذئابِ.. ناقصٌ مرحي وشدوي دونكِ
.. ههنا الغزلانُ إخوان ابن آدم
وابنُ آدم حرّم القتل فلا قنصَ و لا غدرَ بنادقْ
ههنا لا ينضب الحبُ و لا يهرم قلبٌ فأبو العشرين و التسعين عاشقْ
ههنا لا يذبل الوردُ لان الناسَ تولد في الحدائقْ
.. أنا مازلت أنا يا شهرزاد.. أغزل الآمال من ثوب الحدادْ
هائماً بين الصحاري و الجبالِ.. حاملاً جيناتِ جدي السندبادْ
باحثاً عن وصفةٍ تشفيك يوماً من وباء الحرب من عصف الجرادْ
جرحكِ يصهلُ بينَ رئتيَّ وجوادي شتَّ من بين الجيادْ
أحمل الشمس معي حيث مشيت
فيذوب الثلج من وهج حنيني
أينه اليوم الذي يجمعنا؟ إن وجدتهِ.. بحضنك تجديني
خاطبتني.. من بلاد الخوف من وطن المقابرْ:
-أيها المصنوعُ من طيني و ناري أيها الجرحُ المهاجرْ
يا حزينَ القلب مهما غبت عني.. أَنا في وعيك تاريخ وحاضرْ
——————————
زمهرير /

ما صدگت حياتي صارت حلوة و جاي اعيشها ما صدگت بديت احس نفسي انسانة و بديت اصدگ انو اجود زوجي و الي بطني و اخيراً عشت طلع لي هلشي صفح

معقولة الله قاسملي ما افرح ابد ؟ اعيش حياتي كلها كئيبة ؟ هيج هاي حياتي

صافنة و كلام الدكتورة يدگ براسي شلون جاي تخيرني ؟ بيا گلب تگلي لو انتي لو جهالج ؟؟

فززني من صفنتي ايد اجود و هي تمسد على راسي و شعري الي جاي يوگع بشكل مو طبيعي

شال ايدي باسها و گال بصوت توسل
-زمهرير اندارلج فدوة لا تحطيني بهيج موقف ترديني اموت ؟؟ ما اگدر بدونج زمهرير طز بالاطفال ما اريد اطفال اريدج انتي زمهرير ما اريد اطفال ما اريد خيولون ذبيهم

-اجود انت تعرف شجاي تحچي ؟؟؟ الله انطانا نعمة شلون تريدني ارفضها ؟ اقتل اطفالي !

-انا اكتلهم انتي ما راضية انا راضي زمهرير ما اريد موتج

-تريدني اعيش على حساب موت جهالي ؟ اجود نعمة هذول نعمممةة توأم بنت و ولد انت شجاي تحچي !

-مو نعمة هاي بلاء هاي بيها موتتتججج افهميييي

-كافي اسكت بعدين انت شنو گلبتها موت ترى گالت بيها ضرر يعني اتأذى بس ما اموت

-و انتي راضية ؟؟؟

-كل النسوان يتأذن هاي الدكتورة اوفرررر اوووفررر

كعد و حط راسة بي ايدية و اشوف العصبية و القلق بي ، رجلية تهتز و دمارات ايدية و راسة و رگبتة طالعة تحس شوية و ينفجر

-زمهرير لخاطر محمد لا تحطيني بهيج موقف لا تخليني اخذج للموت بايديا

مديت ايديا حتى يتقرب مني و يكمشها ، اجة گعد يمي ، بديت احرك اصابعي على دمارات ايدية و امسد عليها
-اجود