دياجير الغرام

البارت الثاني و العشرون

خوية انا اطلبك دين
كوم اطني ديني
————————

زمهرير /

گاعدة بغرفتي حاطة ايدي على بطني و عيوني تدمع وحدها اتذكر مواقف ابوي و اخوي موقف موقف ما مصدگة همه ماتوا ما مصدگة احس ديضحكون عليه مستحيل

اعرف بابا ما يعوفني هسه بعدني احتاجة اعرفة ما ينطي گلبة يعوف بنيته هسه ، ذكرياتهم تمطر عليه كل ليلة و كل دقيقة اتذكر موقف كأنو البارحة صارن

لهسه اتذكر هذا اليوم چنت ثالث متوسط عمري ١٤ بالرياضيات رسبت خفت هواي گلت اذا اهلي كمشوني اروح بيها مستحيل يرضون

طالعة و اجاني اركان
-ها ولج بشري

-اكلك بس بروح جدادك ما تگول لابوي

راويتة الشهادة
-هاي ليش ولج

-اركان خايفة اذا ابوي درا يطيح حظي

گعدت ابچي ، حضني هو و گال
-لا تخافين انا يمج شحدة امشي يلا

وكتها چان هو اكبر مني اول سنة كلية يمكن ، اول ما وصلنا للبيت لاگاني بابا
-هلا بنيتي هلا رفعة راسي وينها شهادتج

جاوبة اركان بسرعة
-بويا غير جاي نمشي و فرحانة بيها طاحت من ايدها الثولة و صارت كلها طين رجعت للمدرسة گالولي لازم منا لحد امتحانات دور ثاني يلا

تنهد بابا و گال
-شبيج يا بابا ما تشوفين

شافني ابجي اجة حضني
-خلص فدوتج يابة صدك چذب باچر اروحل....

قاطعة اركان
-لا بويا مالك دخل يمي السالفة يلا زمهرير صعدي نامي

درت وجهي غمزلي ، انا ما تحملت ركضت حضنتة
-احبك والله اركان لا تعوفني انت احسن اخ بالدنيا

بست خدة و صعدت ركض

اهخخخ يا خويا وينك تعال اريد احضنك ليش هيج اركان تعال محتاجتك حباب مو چنت تگول جهالج املصهم من اذاناتهم تعال شوف حتصير خال و انت ماكو

ضحكت و انا اتذكر كلامنا

-اركان : شايفة اذا صرت خال هذول جهالج اطيح حظهم اخليهم يغسلون جواريبي و اذا ما سمعوا كلامي امبص اذانتهم و اشوي عليها بصل

-و انا بس اصير عمة اخلي جهالك يكنسون بيتي و ينظون الحمامات

-مال اعفطلج هسه ولج هذول ولد اركان تاج وباج