دياجير الغرام

البارت الخامس عشر

قالو يحبك قلت لا تظلمونه
قالو يبيك قلت يا ناس تكفون
انا عرفتة قبل ما تعرفونة
ما قال احبك انتم الي تقولون
انا دخيل الله بالحب لا تغصبونه
الحب لا طعم لا ريح لا لون
ماهو بكيفة يعش الي تبونة
الحب اعمى طول عمرة بلا عيون
قريت ردة في محاجر عيونه
يقول انا هايم بغيرك و مفتون
——————————
زمهرير /

-شلون شلون ضابط

-شبيج اول مرة تشوفين ضابط

-عزا و انا اگول ليش صرت مرعب من عصبت بس لا شفتني واحد من المجرمين يمه

-هههههههههههههه يرحون المجرمين و العزا الج فدوة و نذر

گالها بطريقة حسيت وجهي صار نار نوب لابس نظارة و ما اشوف شنو نظراتة ، غلست ما جاوبت ، سمعت صوت ضحكتة اعلى ، حط ايدة شكبرها على وجهي يعصرة مثل الحركة الي نسويها للاطفال

-ول اعشگ الي يستحي

-هاي شبيك شو مدري شلونك شنو شماكل ششارب

-انتي لوني

-كلمة زايدة افتح الباب و اشمر روحي اسكت كافي

ضحك ضحكة مكتومة و كمل سواقة ، وگف السيارة يم محل بقلاوة ، باوع للمحل و رجع باوعلي

-اجود : تؤ

و كمل الطريق

-هاي ليش ما نزلت اشتريت

-اريدج تاكلين انتي هم 

هزيت راسي مستسلمة ، شوية مشة بعد و وكفت يم محل ثاني باوعت من الشباك شفت مطعم راقي

راد ينزل چلبت بي
-فدوة خلي انزل وياك

-يلا امشي

-اخذ جنطتي ؟

-بكيفج

عفت جنطتي لان مو مال هيج مكان ، و نزلت ، وكف هو و وگفت ويا باوع لملابسي من فوك لجوة و باوع لشعري و لوجهي
-زمهرير : ها بشر وين وصلت خاف عندي كسر بالحوض

-ما يضحك

كمش ايدي جبر و مشاني ويا يوه شلون سالفة ما اريد اكمش ايدة ، شفت الفرق بين ايدينا احب اباع لايدة كلش تعجبني

مشيت بصفة و گلت بهمس
-ايدك تعجبني

نزع نظارتة الشمسية و ابتسم و ضرب ارنبة خشمي بطرف اصبعة على كيف ، وصلنه يم الكاشير و طلع المينيو كعد يگلي اختاري
-ما اعرف اجود انت اختار

-اختاري حبيبتي الي يعجبج

دورت كلها اكلات ما اعرف اسمائها ، هاي اكله اسمها ايدورد شيحسون

سديتة و گتلة
-صاج دجاج

نقل كلامي للرجال و بعد طلب شي مدري شنو ، گالة نريدة سفري ، گال الكاشير انتظروا بالصالة على ما يصير