دَياجيرُ الغَرْامِ
أجيتك من بعد غربة
أجيت بليلة گمرية
هذاك انا نبع صافي
يخايب دغش ما بيهاستمتعوا 🫶🏻
————————————
-زمهرير ماما وين رايحة-ماما حلوح شوية و اجي
-وين حبيبي ؟
-هناك العب طوبة وي الكان و مهوبي ( اركان )
-ديري بالچ على روحچ و هاچ هاذي لفة اكليها
-خوش
راحت تمشي لحتى توصل الهم و بيدها لفة ، سمعت صوت مثل الانين ، دارت وجهة على الفرع و عگدت حواجبها بطفولية ، تقربت اكثر و بدة الصوت يصير اوضح ، شمت ريحة مو طيبة ، تقربت اكثر لاحظت فرع اقل ما يقال عليه وصخ و فد شي متكور على نفسة
تقربت و شافت ولد صغيرجسمة كلش نحيل عكسها هي ، يمكن اكبر منها بكم سنة ، چان گاعد و متكور على نفسة ، حطت ايدها على شعرة و هو نز و گام من مكانة
وجهة و ايدة و رجلة كلها جروح و ما لابس شي ثخين بشرتة چانت سودة من الوصخ
هو بس شافها گمز من مكانة ، هو باع على اللفة الي بيدها ، ابتسمت بلطف و رفعت اللفة و گالت
-تليدها ؟ ( تريدها )
هو خزرها و هي ضلت مبتسمة و تقربت للمكان الي چان گاعد بي و حطتها
-اخذها ما اليدها انا
حطتها و ابتعدت ، راحت گعدت على الحايط الثاني ، هو مشة و گعد ، فتح اللفة و بدة ياكلها بشراهة كأنوا اول مرة ياكل
رفعت حواجبها متعجبة و سألته
-تليد عصيل ؟ (تريد عصير )
هز راسة بلا
-ماي ؟
هز راسة بأي
گامت متحمسة و گالت
-شوية و اجي
راحت تركض للبيت مالتها و دگت الباب ، طلعت امها و گالت
-ها حبيبتي تعبتي ؟
-ماما اليد ماي (اريد ماي )
-اوگفي شوية
راحت امها و رجعت جايبة وياها بطلين ماي
-هذا واحد الچ و الثاني لاخوچ و مهيب عندة مو ؟
هزت راسها و ركضت رجعت للولد حطت الماي بنفس المكان و راحت گعدت و هي تشوفة يشرب واحد ، خلصة و باع للثاني الي بأيدها
-هذا لاخوي ما اكدل اطيك ( هذا لاخوي ما اكدر اطيك )
ما جاوبها و رجعة تكور مرة ثانية گامت هي و نفضت فستانها و گالت
-انا لاح الوح اذا تليد شي گولي انا زمهليل اسمي انت شنو ؟ ( انا راح اروح اذا تريد شي گولي ، انا زمهرير اسمي انت شنو )
أنت تقرأ
دياجير الغرام
Roman d'amour-من انتِ ؟ -انا التي حُلفَ بِكيدُها انا التي هزتْ العرُوشُ بعينهُا انا التي قامتْ الحروبُ مِن اجلِها انا السرمَدِيةَ لا بدايةٍ و لا نهايةٍ لها انا زمهرير و انت ؟ -انا النكرة التي عَرْفتيها انا الخبر الذي رَفَعْتيه انا من أقمتُ الحروبَ و ان...