دياجير الغرام

البارت الاخير

لَم يَبقَ شَيءٌ مِنَ الدُنيا بِأَيدينا
إِلّا بَقِيَّةُ دَمعٍ في مَآقينا
كُنّا قِلادَةَ جيدِ الدَهرِ فَاِنفَرَطَت
وَفي يَمينِ العُلا كُنا رَياحينا
كانَت مَنازِلُنا في العِزِّ شامِخَةً
لا تُشرِقُ الشَمسَ إِلّا في مَغانينا
وَكانَ أَقصى مُنى نَهرِ المَجَرَّةِ لَو
مِن مائِهِ مُزِجَت أَقداحُ ساقينا
وَالشُهبُ لَو أَنَّها كانَت مُسَخَّرَةً
لِرَجمِ مَن كانَ يَبدو مِن أَعادينا
فَلَم نَزَل وَصُروفُ الدَهرِ تَرمُقُنا
شَزراً وَتَخدَعُنا الدُنيا وَتُلهينا
حَتّى غَدَونا وَلا جاهٌ وَلا نَشَبٌ
وَلا صَديقٌ وَلا خِلُّ يُواسينا

تاخذوها بالسادس اعزائي 😂
بارت الوداع 💔
————————————
اجود /

-اجييييددد صخام وينك يلا مو اليوم الحنة مالتتتككك فضها حدر هينا

جاوبني صوتو الي يرجف
-حدرت حدرت خويا على كيفك بهداي

مسكت اكتافو و هزيتو
-اجمد ول شبيك ترجف

مسح وجهو
-احس عظمي ترجف

-ههههههههه تخلص تخلص

وادم تركض منا و مناك هذاك الي يسوي الاكل و ذاك الي يرتب الحديقة و النسوان مخبوصات على ملابسهن و اجيد كل شوية يباعلي و يكلي شلوني مرتب

شوية و خلصو و اجو اصداقاء اجيد و ربعي و بدت حنة الزلم ، كلها فرحانة و تاكل و تدبج

حاط ابني بحضني و اجتني بلقيس تركض
-بابا بابا

-ها بابا

-ثويلي هاي ثويها

شايلة شماغ ، سويتو الها و راحت تركض لامها ، رفع مهيار وجهو و گال
-انا هم

وگفتو و وصيت امجد يجيب شماغو من امو ، بديت الفو و ادحك بوجهو ما شاء الله

عيونو عسليات مدري شلون گلبن و شعرو اشقر و اسمراني ، بستو بخدو و خلصت اشماغو

گعد صديقي يمي و گال
-خاب ابنك صاك

-ول شيل عينك لا افگسها بعدين اكيد طالع مثلي

-دنجب مو هو من حورك و طلع هيج دشوف الخلقة سبحان لله

-ول ترى هاي جيناتي شوف شلون اسمر مثلي

-اگول انگلع انت منيلك اسمر انت اسود هذا السمار تعال عمو ابوسك

باوعلي مهيار ضحكت و گتلو روح

شالو صديقي و باسو و گالو
-روح العب وي الفروخ يلا

-لا بابا ما ارضى

باوعلي ابتسمت
-روح بابا العب بس لا تتعب روحك

كاعد و هو راح يلعب شوية و اجتو اختو ارتاحيت هسه بلقيس مصگوعة ما تخلي احد يجيسو