سديت الدفتر بس ما حسيت عيوني انملن ادموع ، وينك يا تيم اتمنى اشوفك مشتاقلك اتمنى تكون بأحسن حال اكو شي جواي يگول انت بعدك عايش و ما ناسيني جاي احاول قدر الامكان ما انساك
حركت راسي سريع و انا اسمع اصوات جوة يمة منو شكو ، فتحت باب الغرفة و مديت راسي من محجر الدرج اخذت نفس و انا اشوفها ماما
صحت من الدرج
-صباح الخير والدتي
شهگت ماما و حطت ايدها على گلبها
-خرب يومچ زمهرير خرعتيني
-صح النوم عيني
واگفة اضحك عليها و ما حسيت بس صوت وراي نزيت اجيت اوگع من الدرج
-هههههههههههههههههههه
-اهخ يمه گلبي ، مخبل اركان اكو واحد هيچ يسوي
عبرني و نزل من الدرج و باس ماما
-چا اخليچ تخرعين نظر عيني ؟
-اوي ابو نظر عيني
نزلت ركض من الدرج و شبگت ماما و ادفع اركان
-عوف امي وخر لا تلزمها
-شو دوخري انا اول واحد يعني هي امي قبل ما تصير امچ
-ماما شوفي
قلد عليه
-ماما شوفي
-اركان راح اضربك
-اركان لو الكان
و يغمز
-جلدك يحكك ؟
-اي والله ضهري هاچ حكي
تقرب من يمي و انطاني ظهرة ، ضربتة على ظهرة ضربة قوية بحيث وگع على وجهة
-اهخخخخ يممةةة ظهرررييي
-عطيات : يا ولچ زمهرير شسويتي
-زمهرير : يستاهل الكلب
-زمهريررر كم مرة اگول ما يصير السب !!
-اففففف
-لا تأففين
-عوفيني روحي لابنچ العزيز
صعدت لغرفتي و سديت الباب مدري شبيه صايرة حساسة اقل حچاية اگلب خلقتي كله من ورة السادس گاعدة العب بتلفوني افر بالتيك توك دخل اخوي
-يلا تعاي تريگي
تقربت يمه حضنتة و مسحت على ظهرة
-اسفة اركان عورتك ؟
-اي
-اسفة حبيبي والله مو قصدي و اسفة لان غلطت عليك صدگ اسفة
وخرني عن حضنة
-هاي ثاني مرة زمهرير !
نزلت راسي و كمشت اصابيعي سوة
-اسفة
-يعني ضربتيني و غلطتي عليه شنو شايفتني مگرن ؟
-اسفة
-ماكو اسفة اصلاً صعدتلچ علمود امي
أنت تقرأ
دياجير الغرام
Romance-من انتِ ؟ -انا التي حُلفَ بِكيدُها انا التي هزتْ العرُوشُ بعينهُا انا التي قامتْ الحروبُ مِن اجلِها انا السرمَدِيةَ لا بدايةٍ و لا نهايةٍ لها انا زمهرير و انت ؟ -انا النكرة التي عَرْفتيها انا الخبر الذي رَفَعْتيه انا من أقمتُ الحروبَ و ان...
