المشهد الاول /
اشوفها و هي تدبچ بين عمامها و اخوها بارزة بينهم ، نفس امها نفس الضحكة و نفس الحركات ، شعرها الاشقر اشوف بيها امها
لابسة گلابية و شماغ و لازمة سبحتي و تگمز ، قطع صفنتي صوت اخوي
-تدري توقعت منك تگوم تبسطها منو متوقع حضرتك ترضى ببنتك ترگص گدام الزلم
-خليها و اشوف يا زلمة يحچي عليها
ضحك و دار وجهة ، شفتها ركضت الي و هي تلهث ، گعدت بحضني و گالت
-بابا بابا شفتني و انا ادبك ؟ احسن منهم كلهم
بوست خدودها الحمر
-بنيتي تخبلين
ضحكت هي و باست لحيتي ، مشت ايدها عليها و مثل كل مرة تگول
-احبها
.
.
.
المشهد الثاني /
واگفة و تباوعلي بأبتسامة فخر ، شعرها ماكو ، جسمها نحلان ، ساندة نفسها ما تگدر توگف ، وجهة الشاهب و عيونها التعبانة
دگيت الها تحية
-سيدي
ضحكت هي و حاولت تتقرب مني ، رحت يمها ، مشت ايدها على نجمتي و على راسي ، باست كتفي و گالت بطريقتها المتقطعة بالكلام محد يگدر يفهمها بس انا
-الحمد لله اكدر ارتاح
وگعت من طولها ......
.
.
.
المشهد الثالث /
-ماما لا تموتين لا تعوفيني
-لا تموتين ما نگدر بدونچ تونا بدينا نعيش لا تروحين
————————————
تونسوا 🥹
أنت تقرأ
دياجير الغرام
Romansa-من انتِ ؟ -انا التي حُلفَ بِكيدُها انا التي هزتْ العرُوشُ بعينهُا انا التي قامتْ الحروبُ مِن اجلِها انا السرمَدِيةَ لا بدايةٍ و لا نهايةٍ لها انا زمهرير و انت ؟ -انا النكرة التي عَرْفتيها انا الخبر الذي رَفَعْتيه انا من أقمتُ الحروبَ و ان...
