سنحيا بعد كربتنا ربيعاً
كأننا لم نذق بالامس مراً
————————
اجود /
انا اعرف روحي اني احب زمهرير بس ما توقعت لهذي الدرجة ! وقعتها و مرضها اختبار صعب من ربي ! انا هذا السبع الي ما يهزو مرض ام و ابو ولا اخت و اخو
هزاني مرضها ، هزتني نومتها ، وينها ذيج الي ترگص و تگمز بنص العالم هذيج الي ضحكتها ما تفارگ وجهة هذيچ الي حلمها اهم عندها من اي شي
معقولة بسببي تحطمت ؟ من شلتها و حسيت بجسمها بين احضاني و انا اركض بيها ادورلها علاج ، اخاف اخسرها ، من شفتها وگعت حسيت گلبي وگع
وي وگعتها گلبي وگع ، ما حسيت على روحي من شلتها و ركضت بيها بنص الرياجيل و بنص العالم ما جنت اشوف غيرها ما جنت اشوف بس روحها الذايبة
جثة هامدة بأيدي ! بالف يا الله وصلت للمستشفى ، ذبحة ! ذبحة صدرية ليش ياربي ليش بعدهي صغيرة !
اخذوها للغرفة ، دحكت على نومتها ، بسببي ، كلو بسببي ليش تزوجتها ليش ، ليش ما عفتها يم ابوها معززة مكرمة ليش طغت علي انانيتي و سحبتها من الجنة لجحيم !
ما حسيت بس على دموعي تنزل ، ما گدرت اسيطر ، منظرها وي هي نايمة ، و ذبحتها الصدرية ، اذيتها بسببي
حضنتها و دموعي نزلت
-اسف
ما گدرت اگول اكثر ، خلصت كلماتي !
بعد ما خلص هليوم الكئيب مرت الايام نفسو ، نور زمهرير بهت صارت ظلام دامس احوالها تغيرت و المرض طغى عليها
كلنا انتبهنا على تخيلاتها و اوهامها الي ما تخلص ، تحلم اشياء ما موجودة و تتهمني بيها
" حرمتني منة لو انا ويا كان حالي احسن اريد تطلقني و اعيش ويا و اجيب اطفال منه انت ما تستاهل تكون ابو اطفالي ما اريد اطفالي يرتبط اسمهم بأسمك و يشوفوك انت ابوهم "
هلكلمات من يوم ما قالتهم و انا احس روحي تحترق و تطفى و ترجع تحترق كلماتها هاي ما فارقتني
حسيت بهلكلمات كرها تجاهي ، ما صبرت روحي انا ما استاهل اكون اب ؟ لا والله استاهل
بعد فترة عرفت هي حامل ، وقتها اخذني الذنب ! شلون سويت هيج هي مريضة ذبحة صدرية احتمال اي لحظة تموت !
ما تتحمل الولادة و الحمل ، كرهت روحي ، اي انا الي عشت طول عمري محد يقولي فوق عينك حاجب طول عمري و انا الي اشوف نفسي على الكل و انا و انا
اول مرة اشوف نفسي صغير ، و سيء ، اول مرة اشوف نفسي ما استحقها ، هاذي ثاني مرة اخذها من دون رضاها عجل انا شگد ساق* تزوجتها لخاطر جسد و اشوف نفسي احبها !
بيوم عرفت هي حامل ضاقت علي الدنيا و تذكرت قرباني للامام علي ذبحت عجلين و رحت وحدي من دون اي احد
دخلت للحرم و لاول مرة بحياتي ، كان وقتها الفجر ما مأذن ، نزلت راسي و انا اوقف گدامو
-سلام عليكم يا أمير المؤمنين
حنيت راسي و جلست قدام الحرم و فتحت قران ، فتحتها على سورة الشرح احتاج شي يوخر الهم عن قلبي
بسم الله الرحمن الرحيم
(( أَلَمْ نَشْرَحْ لَكَ صَدْرَكَ * وَوَضَعْنَا عَنكَ وِزْرَكَ * الَّذِي أَنقَضَ ظَهْرَكَ * وَرَفَعْنَا لَكَ ذِكْرَكَ * فَإِنَّ مَعَ الْعُسْرِ يُسْرًا * إِنَّ مَعَ الْعُسْرِ يُسْرًا * فَإِذَا فَرَغْتَ فَانصَبْ * وَإِلَى رَبِّكَ فَارْغَبْ))
قريتها اكثر من مرة و حسيت راحة غريبة حتى وقتها اشتهت عيوني تنام الي صارلها من يوم الوفاة ما نامت ما حسيت على روحي من نمت
كنت في مكان ابيض ناصع شوي و راح البياض و شفت نفسي في حديقة حلوة ، اشوف ملابسي كان سودا ، درت وجهي احاول اكتشف اي شي ، لقيت نهر طويللل ، رحت على النهر، انعكس وجهي كان تعبان
هالاتي و عيوني حمر و لحيتي طولانة ، عقدت حواجبي مستغرب ، سمعت صوت وراي
شفتها زمهرير ، بأيديها اثنين اطفال حلوين كلش بنت و ولد بس جمالهم مو طبيعي
ابتسمتلي و لاول مرة بكل حب و هي تمدلي الاطفال
-اعتبرهم هدية و اعتذار مني
اجوني الاطفال يركضون حضنو رجليا ، نزلت لمستواهم حضنتهم حسيت ريحتهم لهسه بأنفي من كثر ما طيبة
درت وجهي على زمهرير شفت ابوها و اخوها و طفل صغير ثاني يمها بس ذاك الطفل يختلف عن الي بين ايديا
هذاك ضعيف و وجهة تعبان اشرت عليه
-اجود : هذا هم هدية ؟
هزت راسها بأبتسامة دافية
-اي هدية بس مو هديتك هذا هديتي بس ضاعت من ايدي و يشاء ربك ان يخليني اقابلها مرة ثانية
اختفى كلشي و كعدت على صوت رجال جبير و هو يگلي
-يلا بويا اذن گوم صلي
گمت فركت وجهي شنو هذا الحلم يارب سترك ، توضيت و بديت اصلي بصلاتي لاحظت كل الانظار عليه لاني اختلف عنهم
خلصت ، رجعت القران لمكانو و طلعت ، اول ما وصلت لباب الامام درت وجهي انحنيت
-يا امير المؤمنين اول مرة اجيك و ما اعرف شنو يسوون عادة بس شكراً على انقاذك لمرتي يمكن هلحلم ارشاد منك شكراً مولاي
رجعت للانبار وقتها بدت امتحانات غزيل ، غزيل تعبت كلشي بس ما بينت اي شي
تركتها براحتها تمتحن محد تدخل بيها ، خلصت امتحاناتها و اجة مهيب بخبر الرسائل و الورث
بس من دون اي احد طلعتلي رسالة انا هم ؟ شنو هاي الرسالة ؟ شنو بيها ؟
———————
للحكاية تكملة ......
راح اختمها قريب 😔
تابعو التيك bluecordelea
أنت تقرأ
دياجير الغرام
Romantizm-من انتِ ؟ -انا التي حُلفَ بِكيدُها انا التي هزتْ العرُوشُ بعينهُا انا التي قامتْ الحروبُ مِن اجلِها انا السرمَدِيةَ لا بدايةٍ و لا نهايةٍ لها انا زمهرير و انت ؟ -انا النكرة التي عَرْفتيها انا الخبر الذي رَفَعْتيه انا من أقمتُ الحروبَ و ان...
