دياجير الغرام

البارت التاسع و العشرون

واسأَلْ نجومَ اللّيلِ هل زارَ الكَرَى
جَفني وكيف يزورُ مَن لم يَعْرِفِ
لا غَرْوَ إن شَحّتْ بغُمْضِ جُفُونها
عيني وسَحّتْ بالدّموعِ الذّرّفِ
وبما جرَى في موقفِ التوديعِ مِنْ
ألمِ النّوَى شاهدتُ هَولَ الموقفِ
إن لم يكن وْصلٌ لدَيْكَ فعِدْ به
أَمَلي وَمَاطِلْ إنْ وَعَدْتَ ولا تفي
فالمَطْلُ منكَ لدَيّ إنْ عزّ الوفا
يحلو كوَصَلٍ من حبيبٍ مُسْعِفِ
————————————
غزيل /

قطع صفنتي صوت مهيب و هو يصيح و يدگ هورن ، ابتسمت عدلت البيرية مالتي و وگفت شايلة جنطتي

طلع من السيارة هو و اجة يمي و طگلي تحية و گال
-شلونك سيدي

ضحكت و گتلة
-استرح ابني

-اهخخخ صرت ابنج ؟ ايام ايام غزيل جنت حتى ارضجع

-من وين ترضع بلة ؟

-سودة بوجهج عطيوة فوسدو بتج

-يلا ابني شيل جنطتي لا اعتقلك و وديني لاختي اريد اشوفها

عفتة و صعدت بالصدر و هو صعد الجنطة و اجة كعد و بدة يسوق راد يفتح اغاني خزرتة
-ركز بسواقتك عوف الاغاني

-يوووه شلون طرگاعة هاي صايرة جنج حسيب شبيج

-ما يصير اغاني بابا مو جاي تسوق طريق عام امشي عدل ركز

-اي سيدي فهمنة شدعواج عيني ترى عندج نجمة مو صگر

عدلت ياختي

-يجي الصقر يجي ليش ما يجي

سكتنا و انا كملت
-شلونها زمهرير ؟

-زوينة

-ابنها شلونة ؟

-زين هلفصعون شايفتة شلون صاير ودج تگروطي بس هادء المكرود

-و الثانية ؟

-يا هي بلقيس ؟ يبووو هاي زمهرير و گاعدة لسانها بطول القندرة بت الكلب شايفتها من تحجي تمدلج لسانها هطولة مسلوتة و حدج تحجين حجاية ترد بعشرة ام لسان اعوج

تنهدت
-مشتاقتلها شلون صار مرضها ؟ ما لگيتو علاج

تنهد و حجة بصوت مكسور
-ماكو ابد نسوي بهاي الجلسات و ما تخلص ، غزيل اختج راحت انتهت ما بقى بيها شي وين هذيج السمينة الي نضحك عليها نصيح الها دبة و يحترك دمها هسه صارت جلد على عظم

-ما اعرف شگول مهيب اريد اختي تعيش

-منتظرتج هي تدرين دوم تگول اريد اشوف اختي قبل ما موت ، هسه هي عايشة بالفراش منا لهنا تتعب تگوم بس اجود مداريها الله يرحم مصعب عرف يختار لبنته شگد عارضتة و ما رضيت عليه من زوجها هيج بس طلع يعرف

-تدري اجتني فترة كرهت بابا من زوج زمهرير غصب و شلون زمهرير تنام و دمعة بخدها بس الله يرحمة عرف يختار و هسه فهمنة ليش عاندها و عاندنا و زوجهيا