| دياجير الغرام |
دياجير : الظلام و الماء المظلم
الغرام : هو الحب حد التعلق تعلقا لا يستطاع التخلص منه
...........................
ان شاء الله التنزيل يصير ورة امتحانات نصف السنة ، ادعموا القصة و انشروها عندكم بالانستا او بالتيك توك ، احبكم 🫶🏻
اتركم وي المشاهد
—————————-
مشهد ١//
-اسمع خلي نلعب غميضان انا لاح البد و انت الگيني خوش ؟
هز راسة ، غمض عيونه و هي ركضت لبدت جوة الزحليگة ( زحليقة ) ، خلص العشرة و فتح عيونة يدور عليها ، مرت خمس دقايق و هو يدور و ما يلگي
اخترع حسباله عافته و راحت ، ضل يدور بشكل سريع و هلع ، دور بكل مكان حتى جوة الزحليگة بس هي چانت ناعمة فما مبينه
گعد بالگاع و حضن نفسة خايف كأنوا فقد امه و شي عزيز عليه ، سمعت صوت مناشغتة ، ركضت هي و حضنتة ، گالت و هي تمسد على ظهرة
-انا هنانا لا خاف انا يمك
هو شافها و بدة يبچي اكثر
دفعتة هي و طاح بالگاع ، انصدم منها و كأنوا چان ما متوقع تسوي هيچ ، هي غندبت و حچت بعصبية
-انت لجال ، و اللجال ما ابچي ، انا ما لحت بعيد و حتى لو لحت انت لازم الگيني مو اگعد تبچي ! ما احبك اذا بس تبچي صيل قوي ( انت رجال و الرجال ما يبچي انا ما رحت بعيد و حتى لو رحت انت لازم تلگيني مو تگعد تبچي ! ما احبك اذا بس تبچي صير قوي )
گام هو و مسح دموعة
-انت ما لازم تبچي ما احب شوفك انا هيچي ، لازم صيل قوي و تحميني حتى اذا ضعت الگيني خوش ؟
هز راسة مؤيد كلامها نزل راسة خجلان
-لا استحي مني بس لا تبچي گدام احد حتى يشوفك انت قوي انا احبك و ما اريد احد يشوفك يبچي
رفع راسة باوع بعيونها الخضر و هي ابتسمت بلطف و گالت
-تعال مرجحني
ركضت گعدت بالمرجوحة و هو بدة يمرجحة ، صوت ضحكاتها ملة المكان ......
مشهد ٢ //
گاعد بمكتبي و افكر بيها يارب خليها حلالي ، دخل اعصار عليه فتح الباب بشكل قوي انا انتفضت ، بأقصى سرعتة تقرب عليه و كمشني من الياخة
-ليش انت لييييش ليييش مو اناااا
-انت منو !! شنو هاي الهمجية !
-للييييشش ، ححببيتها اناا ، قبلك حبيتها قبلك ردتها قبلك گلبي هواها ليش اختارتك انت مو انا !!
-ز.. !
-لا تجيب اسمها على لسانك
دفعني بقوة و انا مصدوم منين يعرفها
-شنو البيك و انا ما بيه ؟؟ يلا فهمني شنو فرقك انت عني انا ؟؟ انا احسن منك و اجمل منك مكانتي و اسمي و عائلتي و وظيفتي و صيتي انت شنو ليش انتتت شنو الي بيككك
-هيييووو شجاي تمسلت انت
كمشتة من بلوزتة ، ضربني بوكس
-احبها احبهاااا
رجعت ضربتة بوكس من قوتة وگع بالگاع ، نزلت يمه رفعتة
-اسمع حيوان هاي اول مرة تسويها و تحچي بأسمها وحق ابو فضل العباس المرة الجاية مو بس بوكس انطيك طلقة وحدة و اخلص منك و اشوف يا گ*** يحاچيني ، تريد تحچي عنها تحچي بأسمي فهمت اسمها اصلاً ما يجي على ذهنك لان افلشة
دفعني قوي جسمة الضخم منطي قوة اكثر مني ، ضربني كلة على خشمي حسيت خشمي نزف
-اخذها اخذها و شاربي مو علية اذا ما يزفوها الي گدامك اذا ما اخليك تبچي دم عليها لو ألي لو لله ما اخليها لغيري فهمت ميت على تراب رجليها انا
دفعتة و نمت علية و احس گلبي شايط محروگ حرگ من كلامة
-**** يهدد ابن المطي اشوف شلون يزفوها الك لو اشوف شلون الله ياخذها
ضربتة بوكس ، گعدنا نتضارب ما حسيت بس على واحد دخل بينه كامشة للساقط هذاك وواحد كامشني
-عوفنننيييي الييييوممم ارببببييييي
-هدني هددددننننييي اذا ما اوكلو طيني بأثنين ايده الحيوان
-وللكككك هدددنننييي
-احسن منك اناا اتقدمت الها بشيوخ و ضباط و عگولة اكبرعگولة جبتها لخاطر رسمة عيونها ، لك رتب ما تنعد حطيتها جوة رجليها ، وديت امي و خالاتي و عماتي انتت منوووو عننندددكككك يلاااا شو وحددككك
-هددنننييي
-هااا شو راح تبجججيييي ، ولك انطيتها مهر حتى انت ما يجي على بالك بنيت الها قصر مو بييتتت
انا اسودت عيوني تخبلت رفعت السلاح و طلقت ما حسينه بس على الدم اطشر بكل مكان .....
———————
القصة مختلفة عن الي تقروها شي من خيالي انا ، اول مرة انشر قصصي اتمنى ينال اعجابكم 🫶🏻🫶🏻
أنت تقرأ
دياجير الغرام
Romansa-من انتِ ؟ -انا التي حُلفَ بِكيدُها انا التي هزتْ العرُوشُ بعينهُا انا التي قامتْ الحروبُ مِن اجلِها انا السرمَدِيةَ لا بدايةٍ و لا نهايةٍ لها انا زمهرير و انت ؟ -انا النكرة التي عَرْفتيها انا الخبر الذي رَفَعْتيه انا من أقمتُ الحروبَ و ان...
