دياجير الغرام

البارت السابع عشر

جاءَت تُوَدِّعُني وَالدَمعُ يَغلُبُها
عِندَ الرَحيلِ وَحادي البَينِ مُنصَلِتُ
وَأَقبَلَت وَهيَ في خَوفٍ وَفي دَهشٍ
مِثلَ الغَزالِ مِنَ الأَشراكِ يَنفَلِتُ
فَلَم تُطِق خيفَةَ الواشي تُوَدِّعُني
وَيحَ الوُشاةِ لَقَد لاموا وَقَد شَمَتوا
وَقَفتُ أَبكي وَراحَت وَهيَ باكِيَةٌ
تَسيرُ عَنّي قَليلاً ثُمَّ تَلتَفِتُ
فَيا فُؤادِيَ كَم وَجدٍ وَكَم حَزَنٍ
وَيا زَمانِيَ ذا جَورٌ وَذا عَنَتُ

الاشياء الي احددها يمكن بيها من المستقبل شي بسيط 🫢
———————————

اجود /

اول مرة اشوف شخص ينهار كان انهيارها يخوف كأنها حابستها من سنين ما بقت شي ما كسرتة حتى انا كسرتني

كان شكلها محزن و مرعب بنفس الوقت كأنها مو زمهرير لا شخص ثاني يختلف تماماً

عيونها كان بيهم حقد تجاهي مو طبيعي ، نظراتها ما اعتقد في يوم من الايام تتحول حب

اول لمسة بين زوجين تكون رومنسية بس لمستها كان كره و حقد كأني منعتها من شخص حبته لسنين و اخذتها

ضرب و غلط و صراخ و بكي و تكسير ، تجاهلها و برودها كأنها مو زمهرير ! لا بالعكس هي زمهرير صارت مثل اسمها

باردة و حاقدة كل نظراتها تجاهي حقد و بس تصفن عيونها تلمع دموع و حب منو هلمحظوظ احسدة !

اخذتها للانبار صار الزواج مفاجئ بعد ما عمي عرف بالموضوع قرر يزوجنا اسرع ما يمكن ما فهمت ليش !

حتى ما قالي السبب ! بس زوجنا ، ليش هي مريضة بالاضطراب الوهامي ؟ شنو صار بحيث هلمرض النفسي صار بيها

قطع تفكيري دخولها لغرفتي الي صارت غرفتنا و و بعد مرور شهر و نص على زواجنا كل هلفترة ما شفت منها غير الصد و البرود

انظاري معاها و هي راحت للحمام بدلت ملابسها و مشطت شعرها و اجت تمددت على السرير من دون ما تحجي كلمة

-اجود : زمهرير

جاوبت ببرود
-ها

-صار شهر زمهرير صار شهر

-اي و يعني ؟

-ما حن گلبچ عليه ؟؟ ما گال هذا خطية ؟ ول تعبت تعبت

-طلگني

گمت متعصب من كلامها و عطت
-كل كلمة و الثانية و گلتي طلگني و طلگني انتي شبيج هبلة ؟؟ لو مو بس نخلة تطلع براسج حتى لو غابة من النخل ما اطلكج افهميها شلون ما تردين انت حتى الله يحسابجج

دفعت الغطة و گامت تصرخ
-على شنو يحاسبنيييي يحسابك انتتت انتتت الي لازم تتحاسبببب تزوجتني جبر من دون رضاتي لا عرس ولا حنة ولا خطبة ولا مشية ولا اي شي گعدتني من نومي و بوم تزوجت ليمته و ليش ما اعرف بس حتى ترضي غروركككك