دياجير الغرام

البارت الثامن

ولما تلاقينا على سفح رامة
وجدتُ بنان العامرية أحمرا
فقلت خضبت الكف بعد فراقنا؟
فقالت معاذ الله ذلك جرى
ولكنني لما رأيتك راحلاً
بكيت دماً حتى بللت به الثرى
مسحت بأطراف البنان مدامعي
فصار خضاباً بالأكف كما ترى
——————————————

فزيت مخترعة و كأنوا احد خانگني
-بسم الله يا ربي يتحقق

حسيت اليوم حلو من بداية يارب يتحقق ياربيييي ، گمت و لاول مرة بنشاطي

سرحت شعري المكفش و لميت جزء منه ذيل حصان و الباقي عفتة مفكوك ، لبست كيلوت عريض اسود و تيشيرت اسود نص ردن و قميص ابيض شفاف شوية

نزلت ركض اخذت لفة و بست ماما من خدودها
-ماما وين بابا ؟

-طالع اليوم عندة شغل
كالتها بصوت بارد

-امي بيج شي ؟

تقربت و كمشت ايدي و باستها و گالت
-زمهرير اي شي يصير اعرفي لمصلحتج احنا ما ندور بس مصلحتج تمام ؟

ابتسمت بتوتر
-شبيج يوم شصاير ؟

-ماما احنا نحبج هواي اكثر من اي تتوقعي

-ادري يوم ادري

-اياج و تشكين فد يوم ممكن نأذيج

-اعرف

-مستحيل نأذيج مستحيل !

-ادري حبيبتي شبيج ؟

-اي قرار مهما كان سيء بنظرج هو صح خوش

-تأخرت ماما تأخرت

كمت اريد اروح كمشتني
-زمهرير انا احبج و ابوج يحبج

-ادري ماماتي
بستها على السريع و ركضت لبست ترانشوز رياضي بي كعب ابيض و اخذت التوت باك مالتي و طلعت انتظر السايق برا

اجة و شميم گاعدة ، دخلت و كعدت بست شميم
-صباح الخير عمو

-هلا عمي

الطريق كله نسولف ، حاولت اصراحها بالحلم بس احس تيم سر بيني و بين ربي ما اريد احد يعرف عنه غيري و غير ربي يشوفني و يشوفة يعرف اخبارة و اخباري يارب اجمعه بيه

وصلنا للجامعة دخلنا لاول محاضرة و الثانية و الثالثة للرابعة و دخل استاذ غير ابو المادة و گال
-شباب و بنوتات اليوم اجونا من اشطر الطلاب الي جانوا عدنا و هسه صاروا مهندسين شاطرين و بشركات خارج و داخل العراق

بدوا يدخلون شباب و بنات مبين عليهم العز و الثقة ، اخر شي دخل واحد نفس الي شفته بحلمي بالضبط كأنوا هو طلع من حلمي

ضليت طول الوقت صافنة عليه ودي اهجم عليه ندستني شميم
-شميم : شبيج ولج

-هذا نفسة

-منو ؟

-ماكو احد غلسي

بدا كل واحد يحجي بس هو واكف و يصفك انتظرت دورة اريد اسمع صوتة بس ماكو طلعوا و راحوا