رواية الفرعونه الصغيره
بقلم ايمي
Emy Boss
الجزء الثاني
عبير بخوف : كنتي فين يا فرعونه
فرعونه : كنت في المدرسه
عبير : مدرسة ايه
انا كنت في المدرسه النهارده
وروحت فصلك لقيتك غايبه
وسألت المدرسين
قالوا بتيجي يوم الورشه بس
وغياب باقي الاسبوع
فرعونه : ايه اللي خلاكي تروحي المدرسه
عبير : اتنين من اخواتك جالهم استدعاء ولي امر
َابوكم مكنش هنا
ورحت انا
واحمدي ربنا ان انا اللي روحت
انتي عارفه
لو ابوكي عرف هيعمل فيكي ايه
فرعونه : يعمل اللي يعمله انا تعبانه وداخله انام
عبير : استنى هنا
هتقولي بتروحي فين ولا اقول لابوكي
فرعونه : مش هقول
عبير : بنتي
انتم امانه في رقبتنا لحد ما تتجوزوا
وان معرفتش بتروحي فين
هضطر اقول لأبوكي
فرعونه بعد تفكير : بشتغل
عبير : بس انتي صغيره على الشغل
فرعونه : علشان كده خبيت عليكم
عبير :طيب شغاله ايه
وفين
فرعونه : مش هقول
اتصرفي انتي مع ابي
عبير : استنى بس
انا هقنعه
بس عرفيني شغاله فين
فرعونه : هفكر الاول
عبير : انا أمك وخايفه عليكي
ريحي قلبي وقولي لي
فرعونه بعد تفكير : في ورشة ميكانيكا سيارات
عبير بخضه : ايه
انتي اتجننتي
ورشة ميكانيكا سيارات
هتعملي ايه فيها
انتي بنت
فرعونه وهي تنظر بعيون امها : متنسيش اني فرعونه
لقبي ده مجاش من فراغ
عبير : هتسيبي الشغل ده فورا
لو عياده دكتور او محل مفيش مشكله
كان هيوافق
لكن تتعاملي مع سواقين ورجاله كتير
وبعدين انتي تعرفي ايه في الشغله دي
فرعونه : انا قسم كهربا
وبعدين انتي عارفه ان من صغري وانا بحب السيارات
ونفسي اعرف عنها كل حاجه
انا قولتلك على كل حاجه
كعادتك
حليها مع ابي
ودخلت فرعونه
عبير لنفسها : هحلها ازاي دي
لو عرف انها بتشتغل
لازم هيروح يطمن هي شغاله فين
ربنا يسترها عليها وعليا
بالليل وصل سامي
سامي بغضب : عبير
عبير بخوف : نعم
سامي : فين آلاء وشيماء
عبير : جوه مع اخواتهم
سامي : عاجبك اللي عملوه في المدرسه
عبير : انا عرفتهم غلطهم
عديها المره دي
سامي : مش هينفع نعدي كتير
لازم يتربوا
عبير : بقوا عرايس
فاضلهم كام شهر ويتموا ١٦ سنه
يعني بقوا عرايس
مينفعش تمد ايدك عليهم
مش عاوزين يبقوا زي فرعونه
سامي بعد تفكير : وهي فين فرعونه
عبير : نايمه بعد ما رجعت من المدرسه
سامي : البنت دي هتجنني
عبير : الدنيا كانت قاسيه عليها اوي
سامي : المهم عينك عليها
لتهرب تاني
والمره دي مش هنلاقيها
هي بتروح مع أخواتها
عبير : انت عارف انها بتحب تمشي لوحدها
سامي : انا عملت اللي عليا
ومش بتكلم معاها كتير
عبير : المهم هي لما تقول لنا على حاجه
منتعصبش
ونتفهمها
سامي : دي امانه في رقبتي
لو حصلها حاجه
هتسأل عليها يوم القيامه
عبير : انا عارفه
بس بنعمل اللي علينا
هي وأخواتها امانه
وربنا يقدرنا على تربيتهم
سامي : خلاص
مش هكلم آلاء وشيماء
بس لما نيجي نتعشى هنتكلم بهدوء علشان يعرفوا اني عارف كل حاجه
عبير : تمام
بس بهدوء
سامي حاضر
بالليل
سامي : اهلا ببناتي الحلوين
بعد ما ناكل عاوز اتكلم معاكم شويه
آلاء وشيماء خافوا
نظر سامي لهم : هنتكلم بصراحة وهدوء
بس لو حد كذب هتشوفوا الوش التاني
فرعونه بدأت الأكل
سامي نظر لفرعونه نظرة غضب
فرعونه ما اهتمت وبدأت الأكل
طول الأكل والكل بيضحك ويهزر و يتكلموا مع بعض
الا فرعونه
وفجأه
صوت بنت صغيره بتبكي
عبير جت تقوم
لقت فرعونه قامت
سامي : مش كنتي قومتي تشوفي مين اللي بتعيط
اهي سابت الأكل وقامت
عبير : انت عارفها
مش بتتحمل تسمع صوت حد من اخواتها بيعيط
لأنها اكبر بنت
هي اللي ربت أخواتها كلهم
فاتعودت على كده
خرجت فرعونه وهي شايله يارا
وقعدت تكمل أكلها وتأكلها
سامي : فرعونه
نظرت له
سامي : اخبارك ايه اليومين دول
وعامله ايه في المدرسه
فرعونه : بشتغل في ورشة ميكانيكا سيارات
وبروح يوم الورشه في المدرسه
سامي بيحاول يستوعب كلام فرعونه
سامي : مش فاهم
فرعونه بثقه : اظن كلامي بيحمل معنى واحد
سامي بغضب : انتي اتجننتي
ورشة ميكانيكا سيارات
وكمان بتغيبي من المدرسه
فرعونه بهدوء : على اساس ان لو اتكلمنا بصراحة
بدون كذب مش هتغضب ولا تتعصب
سامي بعصبيه : انتي سامعه اللي بتقوليه
مفيش بنت هنا ممكن تشتغل الشغلانه دي
فرعونه : بس انا مش زي اي بنت هنا
سامي بغضب : انتوا ٢٥ بنت
كلكم زي بعض
من أكبر واحده لأصغر واحده
فرعونه بغضب : تفتكر انا اتربيت زيهم
ونظرت لسامي نظرة كبرياء
انا اسمي فرعونه
لقبي ده مش من فراغ
فرعونه يعني فرعونه
ومحدش يقدر يوقفني
سامي بغضب ضربها على وشها
فرعونه نظرت له نظرة غضب بدون ما يرف جفنها
وأخدت يارا ودخلت غرفتها
عبير : مش اتفقنا نتكلم بالراحه
سامي بصراخ : كل البنات تنضف مكان الاكل ورتبوا المطبخ
وكل واحده تشوف مذاكرتها
ونظر لآلاء وشيماء : لو جالي إنذار من المدرسه تاني
اعملوا حسابكم انكم مش هتكملوا تعليم
اتفضلوا
بسرعة كل البنات قاموا يخلصوا شغلهم
وكل بنت راحت علي غرفهم
عبير : هو ده اتفاقنا
ليه ضربتها
سامي بغضب : مش شايفه بتكلمني ازاي
البنت دي لو محدش كسرها
محدش هيقدر عليها بعدين
عبير : بردوا مينفعش تمد ايدك على بنتي
سامي : انتي كنتي عارفه
عبير : لسه عارفه النهارده
وكنت هكلمك ونشوف حل
لكن بعد اللي عملته
عقدت المشكله اكتر
سامي : مش عارف ليه دايما بتعاندني
وبتعمل حاجات غلط
تخليني أمد ايدي عليها
عبير : إياك تدخل تاني تكلمها
وانا بكره هكلمها بهدوء
سامي بعد تفكير : خلينا نجرب لما تكلميها هتعمل ايه
بس لو راحت الشغل ده تاني
هيبقى بموتها
عبير : قولت انا هكلمها
لا تنسوا تدعموني بتعليق وتصويت للروايه
أنت تقرأ
الفرعونه الصغيره
Bí ẩn / Giật gânفتاه صغيره ضاعت من أهلها وهي صغيره لتواجه الحياه مع الكثير من التنمر ليكسبها قوه تستطيع التفوق وتحقيق احلامها لتقابل فتى كانت تظن انه يتنمر عليها لكنه في الحقيقه كان يحميها وحينما تكبر ترفض الارتباط به ليبدأ رحلة إقناعها في الارتباط به لكن تأتي الر...
